Mosfellingur - 22.08.2017, Page 54

- Heilsa54
Skutlið
Ég hef nokkra síðustu daga farið með sex ára guttann minn í fót-
boltaskóla Aftureldingar. Við förum
viljandi mjög tímalega af stað og ég
hef þannig náð dýrmætum mínút-
um með honum á fótboltavellinum.
Þetta eru ekki margar mínútur en
ótrúlega gefandi fyrir mig og okkur
báða, sérstaklega þegar við náum að
gera þetta oft í viku. Við æfum skot
á mark, fyrirgjafir og leikum okkur
saman þangað til fótboltaskólinn
byrjar.
Fólk kvartar oft yfir skutli, að þurfa að skutla krökkunum hingað og
þangað. Með því að taka sér meiri
tíma, fara annað hvort fyrr af stað
eða gefa sér meiri tíma þegar maður
sækir krakkana, nær maður í góðar
samverustundir með krökkunum þar
sem ekkert kemst að nema áhuga-
málið þeirra. Síminn ekki að trufla,
ekki sjónvarpið, ekki vinna eða
verkefni.
Ég mæli virkilega með þessu fyrir foreldra, líka og einmitt sérstak-
lega fyrir þá sem hafa mikið að gera.
Að taka sér tíma í svona samveru-
stundir. Þær eru orkugefandi og
stresslosandi. Maður fær sömu-
leiðis meiri innsýn inn í áhugamál
barnsins og upplifir betur hvernig
andrúmsloftið er á æfingunum þegar
maður gefur sér meiri tíma í skutlið
og tekur aðeins þátt í áhugamálinu
með barninu.
Ekki láta veðrið hafa áhrif. Hásól eða hundslappadrífa, það skiptir
ekki máli. Ef barnið þitt getur tekið
þátt í áhugamálinu, þá getur þú það
líka. Klæða sig bara eftir aðstæðum,
flóknara er það ekki.
Ég er líka búinn að skutlast tals-vert með eldri bróður þess sex
ára í sumar, en hann er líka að æfa
fótbolta. Hann kemur sér sjálfur á
æfingar og í heimaleiki þannig að
skutlið er aðallega í útileikina. Þau
skutl hafa líka verið
gefandi samveru-
stundir, við fáum
tækifæri til að
spjalla um leikina,
fótbolta almennt
og annað sem okk-
ur dettur í hug.
Skilaboðin, tökum
skutlinu fagnandi
og nýtum það vel.
HeilSumolar Gaua
Guðjón
Svansson
gudjon@kettlebells.is
Mosfellingurinn Sigrún Þuríður Geirsdóttir
synti Drangeyjarsund á dögunum.
Sennilega er Drangeyjarsund (Grettissund)
þekktasta sjósund sem synt hefur verið við
Íslandsstrendur og þykir mikið afrek. Afrekið
felst í því að synda um 7 km leið frá Drangey
að Reykjanesi á Reykjaströnd án þess að klæða
kuldann af sér, en sjórinn á þessum slóðum er
frekar kaldur. Þegar sundið fór fram var hita-
stig sjávar á bilinu 9,5 - 10,5 gráður.
Sigrún lagði af stað frá Drangey kl. 8:20 í
morgun í 3 stiga hita og þó nokkrum öldum,
umkringd hvölum sem voru að sýna listir
sýnar. Fljótlega lægði þó og hlýnaði og gekk
sundið mjög vel.
Sigrún Þuríður er ekki óvön sjósundi en hún
synti yfir Ermarsundið fyrst íslenskra kvenna
árið 2015. Sigrún Þuríður er fimmta konan til
að synda Drangeyjarsund en sundtími hennar
var 3 klst. og 29 mín.
Björgunarsveitirnar á Sauðárkróki og Hofs-
ósi fylgdi henni yfir.
Sigrún synti Drangeyjarsund
fimmta konan til að
synda drangeyjarsund