Mosfellingur - 01.12.2006, Blaðsíða 4
Mosfellingur - Fréttir, bæjarmál og aðsendar greinar4
HÁHOLT 23 - SÍMI 566 8500
Sunnudaginn 3. des heldur Karla-
kór Kjalnesinga og Skólahljómsveit
Mosfellsbæjar sameiginlega tónleika
í íþróttahúsinu að Varmá. Að sögn
Jóns Magnúsar, formanns kórsins, er
markmið tónleikanna að vekja athygli
á aðbúnaði eldri borgara og þá sér-
staklega hjúkrunarheimilis málum.
Dæmi séu um að aldraðir eigi erfitt
með að fá pláss og þurfi jafnvel að
leita langt út fyrir heimabæ sinn eftir
því. Tónleikarnir hefjast kl. 16 og er
eldri borgurum boðið á þá. Ragn-
heiður Ríkharðsdóttir bæjarstjóri,
Siv Friðleifsdóttir umhverfisráðherra
og Gréta Aðalsteinsdóttir formaður
félags eldri borgara, munu allar taka
til máls við þetta tækifæri.
Jón Magnús fékk hugmyndina að
þessum tónleikum fyrir skömmu og
við spurðum hann, af hverju þetta
málefni? „Jú, eftir að ég og fjölskylda
mín lentum í því að þurfa að koma
gömlum manni inn á hjúkrunar-
heimili sá ég ástæðu til þess að vekja
athygli á stöðunni. Kórfélagarnir og
lúðrasveitin tóku vel í þetta og margir
hafa sögu að segja þegar kemur að
málefnum aldraðra. Þegar jafnvel þarf
að slíta fólk úr því umhverfi sem þeir
hafa verið í alla sína ævi til að koma
því á hjúkrunarheimili þá verður
manni hugsað til gamla fólksins“
Aðspurður segist hann ánægður
með þá ákvörðun ríkisstjórnarinnar
að fjölga hjúkrunarrýmum í Mos-
fellsbæ og auðvitað vilja Mosfell-
ingar eyða ævikvöldinu í heimabæ
sínum. „Sex ára börn eiga frátekið
pláss þegar skólaganga þeirra hefst
og þannig ætti það einnig að vera
fyrir eldra fólkið þegar þau þurfa á
hjálp að halda. Þetta vandamál er
víða til staðar og að því ber að huga.
Umræðan á að vera uppi á borðinu
og með þessum tónleikum viljum
við vekja athygli á þessu og kalla
eftir stefnu og hugarfarsbreytingu í
garð eldra fólks. Nú er bara að mæta
á tónleikana og láta gott af sér leiða,
fylgja eftir þeim loforðum sem gefin
hafa verið til næstu ára og hamra
járnið á meðan það er heitt.“ sagði
Jón Magnús að lokum.
Viggó Valdimarsson
Ég er mjög ánægður og
með alla þjónustu.
Hrefna Valdimarsdóttir
Ég hef ekkert annað en gott um það að
segja en það vantar hjúkrunarheimili
sem fyrst hér í Mosfellsbæ.
Auður Laxness
Ég er mjög ánægð í alla staði með
þjónustuna en það vantar hjúkrunar-
heimili í Mosfellsbæ.
„Mér finnst vel búið
að öldruðum hér í Mos-
fellsbæ. Núna eru 20
íbúðir fyrir í þjónustuhúsi
aldraðra við Hlaðhamra
en þar er sólarhrings-
þjónusta.
Þar er hægt að kaupa
mat og heimaþjónustu
í formi þrifa og þvottar.
Eftir áramótin verða
teknar í notkun 39 öryggisíbúðir
fyrir aldraða í viðbygginu við Hlað-
hamra. Þetta mun breyta miklu
hvað varðar öryggi þeirra sem
þangað flytja. Mosfellsbær veitir
mörgum heimilum aldraðra í bæn-
um heimaþjónustu sem fellst aðal-
lega í þrifum og matarsendingum.
Við höfum ekki alveg getað sinnt
öllum beiðnum um aðstoð og vantar
mig starfsmann í um 50% starf til að
geta sinnt öllum sem sótt hafa um
þjónustu .
Félagsstarf aldraðra, sem er
staðsett í þjónustuhúsi aldraðra við
Hlaðhamra, er mjög vel sótt af eldri
borgurum. Þeir hittast að minnsta
kosti tvisvar í viku og vinna
handavinnu eða binda inn
bækur og skera út í tré. Kór
eldri borgara, Vorboðarnir,
er með æfingar þar einu
sinni í viku. Dagvist er í
boði fyrir þá sem þurfa
þess með og er hún stað-
sett í þjónustuhúsinu. Í dag
höfum við leyfi fyrir níu
plássum. En því miður, hér
er enn ekkert hjúkrunarheimili og er
dálítill kvíði í mögum, sem fljótlega
munu hafa þörf fyrir hjúkrunar-
vist, um hvað verði um þá við þessi
tímamörk í lífi þeirra. Reynt hefur
verið eftir fremsta megni að finna
þessu fólki hjúkrunarvist sem næst
heimili þeirra en því miður hefur
ekki alltaf tekist að verða við því. Nú
horfum við þó björtum augum til
framtíðar hvað þetta varðar því heil-
brigðisráðuneytið hefur samþykkt
byggingu 20 rúma hjúkrunardeildar
hér í Mosfellsbæ og mun hún bjarga
mörgum í framtíðinni. Þetta er það
helsta sem ég get sagt um aðbúnað
aldraðra í Mosfellsbæ en betur má
ef duga skal.”
Valgerður Magnúsdóttir forstöðu-
maður heimaþjónustu Mosfells-
bæjar og þjónustuhúss aldraðra við
Hlaðhamra.
Magnea Magnúsdóttir
Ég er mjög ánægð en það vantar
hjúkrunarheimili sem fyrst.
Hvernig er búið
að öldruðum?
Karlakór Kjalnesinga og Skólahljómsveitin halda tónleika í þágu aldraðra
Aldraðir eiga betra skilið
Hvernig er búið að öldruðum í Mosfellsbæ?
Hjúkrunarrýmum fjölgar um 174
Siv Friðleifsdóttir, heilbrigðis- og tryggingamálaráðherra, hefur
kynnt áætlun um uppbyggingu hjúkrunarrýma á árunum 2006 til 2010
en þeim mun fjölga um 174 á landinu. Ákvörðunin byggist á niðurstöðu
nefndar stjórnvalda og fulltrúa Landssambands eldri borgara. Tuttugu
hjúkrunarrýmanna verða á Sjúkrahúsi Suðurlands, fjörutíu og fjögur
rými verða í Kópavogi, tuttugu verða í Mosfellsbæ, þrjátíu í Reykjanes-
bæ og í Hafnarfirði, tíu á Ísafirði, og tuttugu í Garðabæ.