Mosfellingur - 01.12.2006, Blaðsíða 18

á hug minn allan
Konfektið
Hafliði Ragnarsson hefur haft kökukefli í
höndunum svo lengi sem hann man eftir sér
Fjölskylduhagir?
Ég er giftur Ellisif A. Sigurðardótt-
ur og á tvö börn Sigurð Erik 10 ára og
Heklu Nínu 6 ára.
Menntun?
Ég útskrifaðist sem bakari árið
1993, fór svo í konditori nám til Dan-
merkur árið 1995 þar sem ég vann í
Roskilde í litlu bakaríi, lauk þar námi
1997 og kom heim til Íslands.
Auk þess hef ég lokið nokkrum
námskeiðum í súkkulaðigerð í Belgíu
og Frakklandi.
Af hverju bakari?
Ég byrjaði að vinna við að sópa gólf
í bakaríinu 12 ára og þrjóskaðist við að
byrja að læra að loknum grunnskóla,
en sennilega er þetta í gen unum þar
sem langafi , afi og pabbi eru allir
lærðir bakarar svo fékk ég allt í einu
brennandi áhuga og dreif mig í námið
og hélt áfram í kondi torinn þar sem
ég fékk strax meiri áhuga á kökum og
skreytingum.
Hvenær var Mosfellsbakarí stofnað?
Bakaríið var stofnað árið 1982 af
foreldrum mínum Áslaugu Svein-
björnsdóttur og Ragnari Hafl iða-
syni og föðurbróður mínum Rafni
Hafl iðasyni og eiginkonu hans Önnu
Gestsdóttur.
Nú rekið þið bakarí bæði í Mos-
fellsbæ og Reykjavík hvernig hefur
reksturinn gengið?
Reksturinn byrjaði frekar brösug-
lega í byrjun og hætti föðurbróður
minn í rekstrinum eftir aðeins eitt
ár en mamma og pabbi héldu áfram
og náðu á næstu fi mm árum að snúa
rekstrinum við og gekk mjög vel.
Árið 1997 kom ég heim úr náminu
og kom með þeim inn í reksturinn
ásamt Ellisif eiginkonu minni og
Lindu systur minni, þar sem við
breyttum stefnunni í bakstrinum og
gerðum nýja verslun sem var og er
nokkuð sérstök að mínu mati alla-
vega hefur gengið mjög vel síðan auk
þess sem við keyptum síðan árið 2001
eitt elsta bakarí í Reykjavík á Háaleitis-
braut 58-60 af Hermanni Bridde
bakarameistara og breyttum því núna
í nóvember í eitt glæsilegasta bakarí á
landinu og gengur það mjög vel.
Hvað starfa margir hjá fyrirtækinu?
Hjá fyrirtækinu eru um 45 manns
á launaskrá en það eru margir sem
vinna hlutastörf eins og um helgar
þar sem bakaríið er opið nánast alla
daga ársins.
Hafa Mosfellingar verið duglegir að
sækja til ykkar þjónustuna?
Þó að í byrjun hafi kannski gengið
brösuglega þá hafa Mosfellingar
staðið þétt við bakið á okkur og vil ég
þakka sérstaklega fyrir það.
Svo fundum við fl jótlega fyrir
því að fólk var farið að koma úr nær-
liggjandi sveitafélögum til að versla og
koma og fá sér kaffi í helgarbíltúrnum
þar sem fólkið talaði um að bakaríið
væri sérstakt og hlýleg, þar má segja
að hugmyndin að því að opna bakarí í
Reykjavík hafi kviknað. Svo er líka allt-
af gaman að sjá Mosfellinga koma í
búðina í Reykjavík þar sem þeir sækja
vinnu eða í helgarbíltúrnum.
Nú stendur til að Mosfellsbakarí fari í
nýtt húsnæði, hvenær verður af því?
Já það stendur mikið til og miklar
breytingar framundan. Þar sem
vöxtur inn á fyrirtækinu hefur verið
mikill er gamla húsnæðið hrein-
lega orðið of lítið fyrir framleiðsl-
una og búðin mætti líka vera stærri
og eftir mikla yfi rlegu höfum við
ákveðið að fl ytja allt bakaríið í nýjan
versl unarkjarna í Mosfellsbæ sem
nefnist Mosinn. Það verður að sjálf-
sögðu erfi tt að kveðja gamla bakaríið
og þá sérstaklega búðina, en við erum
í samvinnu við Ítalskt fyrirtæki um
að innrétta búðina og skapa sérstakt
umhverfi og andrúmsloft þar sem
fólk getur notið þess að koma skoða
og versla í rólegheitum.
Dagsetningin á opnuninni hefi r
verið ákveðin 6. mars 2007 en það
er einmitt 25 ára afmælisdagur
bakarísins og er óhætt að segja að
ég sé bæði spenntur og kvíðinn fyrir
því en ég vona að Mosfellingar taki
vel í breytingarnar og njóti þess að
koma til okkar.
Einhverjar nýjungar framundan?
Að sjálfsögðu munum við bæta
við nokkrum nýjungum. Fyrst nefni
ég súkkulaðið það fær alveg sérstakt
umhverfi , auk þess mun fást heima-
lagaður ís sem ég er byrjaður að
framleiða og bíð upp á í versluninni
á Háaleitisbraut. Auk þess sem við
munum setja upp sjónvarpsskjái sem
sýna vöruna okkar eins og brúðkaups-
tertur og fl eira og sýna myndir úr
vinnslunni hvernig brauðið verður
til. Og að sjálfsögðu margt fl eira sem
kemur í ljós þegar opnar.
Hver eru þín helstu áhugamál?
Ja, það má eiginlega segja það að
áhugamálið sé allt í kringum bakaríið
og þá sérstaklega súkkulaðið hjá
mér en ég hef framleitt konfekt sem
pakkað er í tréöskjur undir mínu
eigin nafni HR konfekt síðustu 3 ár og
er óhætt að segja að það hafi gengið
vonum framar. Ég tel að það séu
mikl ir framtíðarmöguleikar í því, það
er nú þegar í sölu í fríhöfninni í Leifs-
stöð ásamt Vínberinu á Laugavegi og í
Mosfellsbakaríi. Nú nýlega fjárfestum
við í tækjum og bjuggum til frábæra
aðstöðu fyrir súkkulaðiframleiðsluna
á bak við verslunina á Háaleitisbraut
og þetta verkefni á því hug minn
allan. Þetta hljómar kannski frekar
einhæft en það er bara svo ótrúlega
gefandi að búa eitthvað til sem gleður
fólk og litar lífi ð.
Lífsmottó?
Að upplifa draumana sína!
Eitthvað að lokum?
Já ég vil nota tækifærið og þakka
öllu því frábæra starfsfólki sem við
höfum í vinnu því að fyrirtækið er
starfsfólkið.

ruth@mosfellingur.is
myndir: úr einkasafni
Mosfellsbakarí heldur upp á 25 ára afmæli þann 6. mars 2007
við þau tímamót fl ytur bakaríið í nýtt húsnæði í Mosann.
Mosfellingur - Fréttir, bæjarmál og aðsendar greinar18
Hvenær kemst þú í jólaskap?
MOSFELLINGUR
Kjúklingabringu Fajitas fyrir tvo kr. 1990