Litli Bergþór - 01.12.2015, Blaðsíða 39

Litli-Bergþór 39
húsið á Rima. Á þessum tíma vorum við með hjólhýsi
sem við dvöldum í þegar við vorum hérna „fyrir austan
fjall“. Við gróðursettum talsvert af trjám og nutum
góðs af Ásgrími tengdaföður mínum sem ræktaði fyrir
okkur græðlinga og fræræktaði bæði furu- og grenitré.
Við tókum líka þátt í tilraunaverkefni fyrir Skógrækt
ríkisins með því að gróðursetja fimm mismunadi yrki
af öspum sem nú er orðinn myndar skógur sem gefur
gott skjól.
Við komum okkur upp litlu gróðurskýli á þessum
frumbýlingsárum en síðan kom langt hlé í allar
framkvæmdir. Við eignuðumst íbúð í Kópavogi og öll
okkar orka og allur okkar tími fór í að sinna henni.
Riminn var látinn sitja á hakanum og þar gerðist fátt
í töluvert langan tíma annað en að trén auðvitað uxu
og döfnuðu.
Við flytjum í Tungurnar
Það var loks árið 2005 sem við létum taka grunn að
húsinu okkar hér á Rima. Það var Þorsteinn Þórarinsson
í Biskverk sem tók að sér umsýslu með byggingu
hússins sem reis árið 2006. Hann hefur reynst okkur
ómetanleg hjálparhella allar götur síðan og besti vinur
meðal Tungnamanna þótt aðra mætti auðvitað nefna.
Árið 2012 keyptum við svo landið af ríkinu og fluttum
hingað alkomin í júní það ár. Þó höfðum við flutt
lögheimili okkar hingað í Biskupstungurnar talsvert
fyrr eða 2008 um leið og húsið taldist íbúðarhæft. Það
var svo eitt síðasta ráðherraverk Jóns Bjarnasonar sem
landbúnaðarráðherra að skrifa undir kaupsamninginn
við okkur í árslok 2011 og selja okkur landið. Þar
með vorum við ekki lengur „leiguliðar“ heldur alvöru
landeigendur.
Talandi um hugðarefni þá má segja að við séum með
umsvifamikla búfjárrækt hér á Rima þótt sumum þyki
lítið til koma. Áður en við fluttum var ég að leita mér
að einhverju sem ekki kostaði of mikla bindingu. Þá
datt ég inní býflugnaræktina sem mér fannst strax
mjög áhugaverð. Fyrstu býflugnabúin mín fékk ég árið
2011 og nú eru þau fjögur. Á tímabili var ég með fimm
bú en fjögur eru eiginlega passlega mörg fyrir eina
manneskju að hugsa um. Umönnun þeirra reyndist
talsvert meiri en ég ætlaði í upphafi en ég hef gaman
af þessu og þetta er gefandi starf. Mér þykir gaman
að geta sagt frá því að árið 2013 var ég með mestu
hunangsframleiðsluna á landinu. Sumrin þar á eftir
hafa verið erfið fyrir býflugnarækt, mikil rigningartíð,
ekki sérlega hlýtt og gróður verið seinn til og þar með
lítið fóður fyrir flugurnar.
Býflugnarækt er vaxandi atvinnugrein á Íslandi og
nú eru um 90 aðilar með býflugnabú á landinu. Í
Biskupstungum og næsta nágrenni er talsverður fjöldi
býflugnabúa.
Við höldum líka nokkrar íslenskar hænur, gæsir,
endur og kalkúna. Sá búskapur byrjaði með því að
vinnufélagar Konráðs á Hagstofunni gáfu honum
nokkrar hænur og gæsir að skilnaði þegar hann hætti
að vinna þar árið 2012, síðan hefur hann bætt við sig
nokkrum öndum og kalkúnum. En „basl er búskapur“
eins og þar segir. Refir og minkar hafa hafa verið
skæðir hjá okkur eins og fleirum. Vorið og sumarið
2014 misstum við 28 hænur og alla okkar gæsarunga,
15 að tölu. Það vildi þó svo vel til að ein gæsin lá á
eggjum og kom hún upp tveim ungum. Árið 2015 var
litlu skárra þar sem við misstum nánast allar endurnar
í minkinn og eitthvað af gæsum líka. Nú er svo komið
á Rima að fuglabúskap er nánast sjálfhætt. Kannski að
við reynum bara fyrir okkur í refabúskap”. Segir Elín
við mig að skilnaði þegar ég kveð hana á bæjarhlaðinu
á Rima. Ég þakka þeim hjónum fyrir að svala forvitni
minni, því þó að Elín sé að mestu skráð fyrir viðtalinu
þá lagði Konráð vissulega orð í belg.
Gleðileg jó
l
Verið velkomin. Upplýsingar um opnunartíma eru í síma: 486 1186