Morgunblaðið - 26.09.2018, Blaðsíða 12

12 DAGLEGT LÍF
MORGUNBLAÐIÐ MIÐVIKUDAGUR 26. SEPTEMBER 2018
Kristín Heiða Kristinsdóttir
khk@mbl.is
Ég var unglingur áfyrsta ári í menntaskólaþegar ég fór fyrst meðömmu til framandi
lands, sem var til Egyptalands,“
segir Vera Illugadóttir, en hún ætl-
ar á morgun, fimmtudag, að spjalla
yfir kaffi með gestum borg-
arbókasafnsins í Kringlunni og
segja frá ferðum sínum um Mið-
austurlönd með ömmu sinni Jó-
hönnu Kristjónsdóttur.
„Amma bauð mér og mömmu
með sér í þessa ferð þó ég hefði
ekki lýst neinum sérstökum áhuga
á því að fara með henni. En auðvit-
að þóttu mér allar hennar ferðir
mjög forvitnilegar og amma var
hafsjór af fróðleik um þessar þjóðir
og upplýsti mig unglinginn. Eftir
þessa fyrstu ferð með ömmu til
Egyptalands varð ekki aftur snúið
hjá mér, þetta kveikti sannarlega
áhuga minn á þessum heimi og ég
fór í fleiri ferðir með henni, til Sýr-
lands, Jemen, Jórdaníu, Líbíu og
Marokkó. Amma á vafalítið stóran
þátt í sagnfræðiáhuga mínum, þetta
kveikti áhuga hjá mér á veröldinni
allri og öllum þeim sögum sem búa
að baki.“
Amma opnaði augu fólks
fyrir þessum heillandi heimi
Vera ætlar í erindi sínu á
morgun m.a. að koma inn á hvernig
umhorfs var í Sýrlandi þegar hún
var þar með ömmu sinni áður en
borgarastyrjöldin skall á með þeim
skelfilegu afleiðingum sem ekki sér
enn fyrir endann á.
„Ég var með ömmu í Sýrlandi
nokkrum árum áður en þetta gerð-
ist, þá var þetta frekar friðsælt
land og allt öðruvísi umhorfs þar en
núna. Amma bjó þarna um tíma og
var öllum hnútum kunnug, svo ég
fékk að kynnast landinu vel í gegn-
um hana. Það kom mér rosalega á
óvart þegar þetta fór allt eins og
það hefur farið í Sýrlandi, það er
skelfilegt þegar friðsælt land breyt-
ist í vígvöll,“ segir Vera og bætir
við að amma hennar hafi sem leið-
sögumaður farið margar ferðir til
Sýrlands með Íslendinga og í ótal
ferðir til annarra framandi landa.
„Hún fór með fjölda Íslendinga
til Jemen, Íran og út um allar triss-
ur í Miðausturlöndum, en þær ferð-
ir lögðust eðli málsins samkvæmt
af eftir arabíska vorið, þá var það
ekki lengur óhætt. Amma átti með
þessum ferðum sínum og fyr-
irlestrum hér heima, stóran þátt í
því að brjóta niður fordóma Íslend-
inga gagnvart hinum arabíska
heimi, hún kynnti þá fyrir stórkost-
legri menningu þeirra og sögu. Það
var ævinlega ætlunin hjá henni að
opna augu fólks fyrir þessum
heillandi heimi. Og til að geta til-
einkað sér þetta allt saman þá
lærði hún arabísku á fullorðins-
árum og hún kenndi þá framandi
tungu á sínum tíma hjá málaskól-
anum Mími. Ég fór þar á eitt slíkt
námskeið hjá henni og hún smitaði
mig algerlega af áhuga fyrir þess-
um heimshluta. Ég fetaði að ein-
hverju leyti í fótspor ömmu þegar
ég fór í háskólanám í Stokkhólmi
og lagði þar stund á Miðaust-
urlandafræði. Þar var tungumálið
arabíska líka hluti af náminu.“
Þurfti að vera dálítið hörð
og ströng sem hópstjóri
Vera segist ekki hafa gert mik-
ið af því að fara á eigin vegum á
þær slóðir sem amma hennar leiddi
hana um.
„Ég var reyndar í Ísrael og á
Vesturbakkanum í vor, en annars
hef ég því miður gert allt of lítið af
því, ég hef meira verið á þvælingi
um Evrópu. Það er sannarlega
dapurlegt hvernig hefur farið fyrir
mörgum af þessum löndum sem ég
heimsótti með ömmu fyrir örfáum
árum, núna eru mörg þeirra alger-
lega óaðgengileg.“
Þegar Vera er spurð að því
hvort amma hennar hafi breyst úr
venjulegri íslenskri ömmu í fram-
andi austurlandasérfræðing á
ferðalögum um aðra heima, segir
hún að yfirleitt hafi hópur af ís-
lenskum ferðalöngum verið með í
för sem hún var að leiðsegja.
„Hún var því í ákveðnu hlut-
verki og þurfti að vera dálítið hörð
og ströng sem hópstjóri. En það
var svo sem engin ný hlið á henni
fyrir mér, hún var alla tíð harðjaxl
svo það kom mér því ekkert á óvart
að sjá hana í því hlutverki, hvort
sem hún var að rífa kjaft við ein-
hverja arabíska karla eða ná sínu
fram með einhverjum öðrum hætti
þar sem þess þurfti. Þetta eru dýr-
mætar minningar sem ég á úr þess-
um ferðum,“ segir Vera.
Ljósmynd/Vera Illugadóttir
Töffarinn Jóhanna Vera tók þessa mynd af ömmu sinni
með slöngu þar sem hún var með henni í Marokkó.
Ljósmynd/Karítas Sigvaldadóttir
Vera Fetaði að einhverju leyti í fótspor ömmu sinnar
þegar hún fór í háskólanám í Miðausturlandafræðum.
„Hún var alla tíð harðjaxl svo það kom mér ekkert á óvart
að sjá hana í því hlutverki, hvort sem hún var að rífa
kjaft við einhverja arabíska karla eða ná sínu fram með
einhverjum öðrum hætti þar sem þess þurfti,“ segir Vera
Illugadóttir um ömmu sína Jóhönnu Kristjónsdóttur.
Ljósmynd/Hrafn Jökulsson
Ferðalangur Jóhanna hvílir lúin bein í Íran, þar sem hún var á ferð með afkomendum sínum árið 2011.
Á flækingi
með ömmu um
Miðausturlönd
Mest seldu ofnar
á Norðurlöndum
áreiðanlegur hitagjafi
10 ára ábyrgð
Draghálsi 14 - 16 · Sími 4 12 12 00 · www.isleifur.is
Á morgun, fimmtudag 27. september, kemur Vera Illugadóttir í Borgar-
bókasafnið í Kringlunni og heldur erindi um ferðir sínar með ömmu sinni
Jóhönnu Kristjónsdóttur um Miðausturlönd á árunum áð-
ur en „arabíska vorið“ og eftirköst þess gleyptu mörg
lönd þar í sig. Vera ætlar m.a. að koma inn á hvernig
umhorfs var í Sýrlandi fyrir borgarstyrjöldina. Vera er
orðlögð fyrir að vera góður sögumaður svo búast má
við skemmtilegu ferðakaffi. Vera er dagskrárgerðar-
maður á Ríkisútvarpinu og sér um vikulega þætti um
söguleg efni, Í ljósi sögunnar, á Rás 1. Hún er með
BA-gráðu í arabísku og miðausturlandafræðum
frá Stokkhólmsháskóla. Erindi Veru hefst kl.
17:30 og stendur í klukkustund.
Áður en arabíska vorið skall á
FERÐAKAFFI MEÐ VERU Í BÓKASAFNI KRINGLUNNAR
Jóhanna
Kristjónsdóttir