Morgunblaðið - 16.10.2018, Qupperneq 6

6 FRÉTTIRInnlent
MORGUNBLAÐIÐ ÞRIÐJUDAGUR 16. OKTÓBER 2018
Renndu við hjá okkur í Tangarhöfða 13
Sími 577 1313
kistufell.com
TANGARHÖFÐA 13
VÉLAVERKSTÆÐIÐ
Allar almennar
bílaviðgerðir
Ari Rúnarsson, sem alþjóða-
lögreglan Interpol lýsti eftir í síð-
asta mánuði, er kominn til landsins
og því ekki lengur eftirlýstur. Þetta
segir Arnfríður Gígja Arngríms-
dóttur, aðstoðarsaksóknari hjá
embætti héraðssaksóknara.
Ari, sem var eftirlýstur fyrir
vopnað rán og líkamsárás, var við-
staddur fyrirtöku á ákæru gegn sér
við Héraðsdóm Norðurlands eystra
í síðustu viku. Hann var ásamt öðr-
um manni ákærður hjá embætti
héraðssaksóknara fyrir að hafa
veist að karlmanni með ofbeldi og
hótunum á bifreiðastæði bak við
Nætursöluna við Strandgötu á
Akureyri í október í fyrra.
Annar hinna ákærðu var ákærð-
ur fyrir sérstaklega hættulega lík-
amsárás með því að hafa slegið
manninn með flösku í höfuðið, kýlt
hann ítrekað í andlit og höfuð og
sparkað í fótleggi hans. Þá hótuðu
þeir að drepa manninn og grafa í
holu úti í sveit, auk þess að „búta
niður kærustu hans, skera hann á
háls og stinga hníf upp í heila
hans“, eins og það er orðað í ákær-
unni.
Ekki lengur
eftirlýstur
 Var á lista Interpol
fyrir rán og árás
Eftir að Pósturinn hætti með skeyta-
sendingar, frá og með 1. október síð-
astliðnum, hafa skeytasendingar í
gegnum Skátamiðstöðina aukist.
Áður fyrr nýttu aðallega skátar sér
þjónustuna en nú berast fyrir-
spurnir hvaðanæva, ekki einungis
frá skátum.
Unnur Líf Kvaran, þjónustu-
fulltrúi hjá Skátamiðstöðinni, segir
skátana með þeim fáu sem bjóða enn
upp á skeytasendingar. „Nú erum við
að afgreiða margar afmælissend-
ingar, sem voru ekki algengar áður
svo fólk hefur frekar nýtt sér Póstinn
með það. Hjá okkur voru þetta að-
allega samúðarkveðjur, þannig að
þegar skáti fellur frá er eftirspurnin
meiri en það fer svolítið eftir því
hvað er að gerast hverju sinni.“
Pósturinn hætti með skeytasend-
ingar vegna minnkandi eftirspurnar
eftir þjónustunni en þeir sem nýttu
sér hana hafa þurft að snúa sér ann-
að. Almenningi stendur enn til boða
að senda skeyti, en hægt er að senda
skeyti í gegnum Landsbjörg, Land-
spítalann og skátana. Morgunblaðið/Árni Sæberg
Fleiri nýta
sér skáta-
skeyti
Skátarnir bjóða ennþá upp á skeytasendingar
Veronika Steinunn Magnúsdóttir
veronika@mbl.is
Reykjanesbær hafnaði beiðni Út-
lendingastofnunar um að veita fleiri
hælisleitendum þjónustu og þar með
stækka núgildandi samning bæjarins
við stofnunina. Kjartan Már Kjart-
ansson, bæjarstjóri Reykjanesbæjar,
segir að bærinn hafi ekki verið tilbú-
inn að verða við beiðninni vegna
þess að íbúum hafi fjölgað mikið auk
þess sem svæðið sé „mettað af
hælisleitendum“.
Fá pláss í leik- og grunnskólum
„Við þjónustum allt að 70 til 80
hælisleitendur á hverjum tíma og
leggjum áherslu á fjölskyldufólk. Við
erum að axla ábyrgð á þessu verk-
efni,“ segir Kjartan. „Íbúum hefur
fjölgað svo mikið, allir skólar og leik-
skólar eru orðnir fullir. Þannig að
við vildum ekki taka áhættuna og
taka við allt of mörgum hælisleit-
endum. Ef það kæmi fullt af börnum
þá eigum við svo fá pláss í leik- og
grunnskólum til þess að taka við
þeim,“ segir Kjartan.
„Íbúafjölgunin hefur verið svo
mikil að við höfum ekki getað byggt
upp þjónustu eins hratt og við
myndum vilja. Svo eru ríkisstofnanir
eins og sjúkrahús og heilsugæsla
líka langt á eftir í fjárveitingum.
Þetta fólk þarf mikla þjónustu og
mikla aðstoð fyrstu mánuðina og við
teljum svæðið mettað af hælisleit-
endum. Þess vegna beinum við ósk-
um og tilmælum til annarra sveitar-
félaga á Íslandi að taka sinn hluta af
þessari samfélagslegu ábyrgð,“ segir
Kjartan.
Bærinn þjónustar nú hælisleitend-
ur sem geta verið allt að 70 talsins
og útvegar þeim húsnæði auk ann-
arrar þjónustu. Þeir hælisleitendur
dvelja í bænum á meðan þeir bíða
eftir afgreiðslu hælisumsóknar sinn-
ar. Núgildandi samningur Útlend-
ingastofnunar við Reykjanesbæ
kveður á um að stofnunin greiði
Reykjanesbæ daggjald að upphæð
7.500 krónur á sólarhring fyrir
hvern hælisleitanda, auk fastagjalds
sem nemur um 11,5 milljónum
króna, sem á að standa straum af
launa- og rekstrarkostnaði.
Þórhildur Hagalín, upplýsinga-
fulltrúi Útlendingastofnunar, segir
að stofnunin þurfi að stækka við sig
vegna fjölgunar hælisumsókna.
Stofnunin hefur fengið húsnæði í
Reykjanesbæ til að standa straum af
fjölda umsókna. „Við erum með
samninga við þrjú sveitarfélög en
þeir samningar hafa ekki náð yfir
þann fjölda sem hefur komið und-
anfarin ár. Þar af leiðandi höfum við
verið að sjá um rekstur úrræða,“
segir Þórhildur. „Okkur ber skylda
til að sjá fólki fyrir húsnæði og þjón-
ustu ef það getur það ekki sjálft.“
Útlendingastofnun
mun stækka við sig
Reykjanesbær samþykkti ekki til-
löguna eins og áður sagði en Þór-
hildur segir að þótt svo hafi verið þá
breyti það ekki áformum stofnunar-
innar um nýtingu húsnæðisins til
þjónustu fyrir hælisleitendur.
„Við eigum í mjög góðu samstarfi
við Reykjanesbæ og erum með
samning við þau um þjónustu við
umsækjendur um vernd. Að okkar
mati er betra að sveitarfélögin sinni
þessu hlutverki heldur en Útlend-
ingastofnun, sérstaklega þjónustu
við fjölskyldur. Það sem felst í þjón-
ustunni er margt af því sem sveit-
arfélögin eru með á sinni könnu og
þau eru með starfsfólk sem er með
mikla reynslu og þekkingu á sviði fé-
lagsþjónustu,“ segir Þórhildur.
Ófær um að þjónusta fleiri hælisleitendur
 Velferðarráð Reykjanesbæjar hafnaði að sjá um þjónustu við fleiri hælisleitendur, en bærinn að-
stoðar allt að 70 hælisleitendur nú  Útlendingastofnun bætir við húsnæði vegna fjölda hælisumsókna
Morgunblaðið/Sigurður Bogi
Reykjanesbær Bærinn útvegar þjónustu fyrir allt að 70 hælisleitendur.
Þórhildur
Hagalín
Kjartan Már
Kjartansson
Landhelgisgæsla Íslands hefur á vef
Ríkiskaupa auglýst til sölu olíu. Um
er að ræða um 300.000 lítra af flug-
vélaeldsneyti (steinolíu) og er hún
geymd í austur olíubirgðastöð Atl-
antshafsbandalagsins (NATO) á
Keflavíkurflugvelli.
Fram kemur í auglýsingunni að
þetta sé blandað flugvélaeldsneyti og
er hluti þess frá því fyrir árið 2006.
Að hluta til sé um að ræða olíu sem
var nýtt til að hreinsa lagnakerfin á
Keflavíkurflugvelli og einnig er um
að ræða eldsneyti sem hefur verið
dælt af flugvélum eða hefur verið
pantað og ekki nýtt þ.e. blandað
íblöndunarefnum.
„Það er á ábyrgð kaupanda að
meta og kanna gæðin, í samráði við
starfsmenn birgðastöðvarinnar,“
segir í auglýsingunni á vef Ríkis-
kaupa.
Í auglýsingunni er óskað eftir því
að tilboðum í olíuna verði skilað til
Ríkiskaupa í síðasta lagi þriðjudag-
inn 23. október næstkomandi. Kaup-
andi þarf sækja alla olíuna í síðasta
lagi 2. nóvember.
Bandarískt herlið kom fyrst til Ís-
lands árið 1941 samkvæmt þríhliða
samningi um að Bandaríkjamenn
leystu breska herliðið af hólmi.
Bandaríkjaher byggði Keflavíkur-
flugvöll og notaði hann til millilend-
inga fyrir herflugvélar á leið yfir Atl-
antshaf.
Ísland og Bandaríkin gerðu með
sér varnarsamning vorið 1951 sem
lagði grunn að stofnun varnarliðsins.
Fyrstu liðssveitir varnarliðsins komu
til landsins 7. maí 1951. Varnarliðið
var með starfsemi á vellinum til árs-
ins 2006, en þá ákváðu stjórnvöld í
Bandaríkjunum að leggja stöðina
niður og færa sveitir sínar annað.
Bandaríska varnarliðið var með
umfangsmikla flugstarfsemi á vell-
inum í þá rúmu hálfa öld sem það
hafði þar aðsetur.
sisi@mbl.is.
Gæslan auglýsir olíu til sölu
 300.000 lítrar af flugvélaeldsneyti í olíubirgðastöð NATO
Keflavíkurflugvöllur Þota banda-
ríska flughersins tekur á loft.