Morgunblaðið - 16.10.2018, Side 17

FRÉTTIR 17Erlent
MORGUNBLAÐIÐ ÞRIÐJUDAGUR 16. OKTÓBER 2018
Segja enn tíma til stefnu
 Enn enginn árangur af Brexit-viðræðum  Landamærin á Írlandi standa út af
Stefán Gunnar Sveinsson
sgs@mbl.is
Leiðtogar Bretlands og Evrópusambandsins
sögðust enn vera bjartsýnir í gær á að hægt yrði
að semja um útgöngu Breta úr sambandinu, þrátt
fyrir að viðræðurnar hefðu ekki borið árangur um
helgina. Stefnt hafði verið að því að drög að sam-
komulagi lægju fyrir áður en leiðtogar sam-
bandsríkjanna funda á morgun í Brussel.
Theresa May, forsætisráðherra Bretlands,
sagði að enn væri ósætti á milli aðila um það
hvernig ætti að halda landamærum Írlands og
Norður-Írlands opnum líkt og áður fyrr, en sagð-
ist telja að hægt yrði að ná samkomulagi.
Angela Merkel Þýskalandskanslari sagði að það
yrði að reyna til þrautar að semja, og Emmanuel
Macron, forseti Frakklands, sagðist enn hafa trú á
framgangi viðræðnanna. Hann bætti þó við að
Evrópusambandið væri búið undir alla möguleika,
þar á meðal þann að Bretland yfirgæfi sambandið
næsta vor án þess að samkomulag um viðskipta-
samband þess við ESB lægi fyrir.
Leo Varadkar, forsætisráðherra Írlands, taldi
að líklega þyrfti að bíða fram í nóvember eða des-
ember áður en greitt yrði úr öllum flækjunum.
Það væru hins vegar nokkur grundvallaratriði
sem ekki yrði hægt að víkja frá.
Deilan snýst að miklu leyti um það hvernig eigi
að tryggja það að vörur geti farið yfir írsku landa-
mærin án þess að það þurfi að tollskoða þær. Hef-
ur Evrópusambandið lagt til að Norður-Írland
verði, a.m.k. tímabundið, enn innan tollabanda-
lagsins, en Bretar hafa hafnað því sem aðför að
fullveldi sínu, þar sem þá myndu aðrar reglur
gilda um Norður-Írland en aðra hluta ríkisins.
Mun hafna samkomulagi May
Nicola Sturgeon, leiðtogi Skoska þjóðarflokks-
ins, sagði í gær að flokkur sinn myndi greiða at-
kvæði gegn öllum samningsdrögum um Brexit,
nema þau fælu í sér mun nánara samband Bret-
lands og Evrópusambandsins en hingað til hefur
verið rætt um.
Sagði Sturgeon að þeir valkostir sem May hefði
boðið upp á væru annars vegar Brexit án sam-
komulags eða Brexit með samkomulagi þar sem
engin smáatriði væru á hreinu.
Sturgeon lofaði í síðustu viku að hún og flokkur
sinn, sem fer með völdin í skosku heimastjórninni,
myndu leggja fram drög að nýrri atkvæðagreiðslu
um sjálfstæði Skotlands, þegar ljóst væri hvernig
samkomulag lægi fyrir í Brexit-málinu.
AFP
Brexit Theresa May gaf breska þinginu skýrslu í
gær um stöðuna í Brexit-viðræðunum við ESB.
Lögreglan í Ist-
anbúl leitaði í
gær í bústað
ræðismanns
Sádi-Arabíu að
vísbendingum um
örlög blaða-
mannsins Jamal
Khashoggi, sem
sagður er hafa
verið myrtur þar
innandyra. Mike
Pompeo, utanríkisráðherra Banda-
ríkjanna, heimsótti Sádi-Arabíu í
gær til þess að ræða við æðstu ráða-
menn þar um málið, sem valdið hef-
ur miklum titringi í samskiptum
Sádi-Araba við Vesturlönd. Sendu
Bretar, Frakkar og Þjóðverjar frá
sér sameiginlega yfirlýsingu um
helgina, þar sem þess var krafist að
hvarf Khashoggis yrði rannsakað á
trúverðugan hátt.
Donald Trump Bandaríkjaforseti
ræddi við Salman, konung Sádi-
Arabíu, í síma í gærmorgun og sagð-
ist konungurinn þá ekki hafa neina
hugmynd um hvað hefði orðið um
Khashoggi, sem hefur ekki sést síð-
an hann gekk inn í skrifstofu ræðis-
manns Sádi-Arabíu í Istanbúl 2.
október síðastliðinn. Sagði Trump
eftir símtalið við fjölmiðla vestan-
hafs að hugsanlega hefði Khashoggi
verið myrtur af öflum sem ekki
hefðu fengið fyrirmæli um það frá
neinum.
Leituðu
loks í bú-
staðnum
Jamal
Khashoggi
 Pompeo heimsótti
Sádi-Arabíu
Sameinuðu þjóðirnar vöruðu við því
að um þrjár milljónir Afgana þyrftu
nauðsynlega á matvælum að halda,
og að líkur væru á hungursneyð
bærist þeim ekki aðstoð.
Matvælaskorturinn nú er sagður
afleiðing mikilla þurrka undanfarnar
vikur, sem aftur hefur leitt til upp-
skerubrests og vatnsskorts.
Toby Lanzer, sérstakur mann-
úðarfulltrúi Sameinuðu þjóðanna í
Afganistan, sagði að samtökin hefðu
sett á laggirnar verkefni, sem ætti
að geta fært um 2,5 milljónum Afg-
ana matvæli um miðjan desem-
bermánuð, en varaði við því að mat-
vælaskorturinn væri langt genginn.
Margir af þeim sem þjáðust borðuðu
nú bara eina máltíð á dag og hún
samanstæði oftast af brauði og tei.
Varað við
hungursneyð
Þessi sýrlensku skólabörn brugðu á leik í frímín-
útum í borginni Harim í norðurhluta Idlib-
héraðs í Sýrlandi í gær.
Héraðið er hið síðasta sem enn er á valdi upp-
reisnarmanna í Sýrlandi, en vopnahlé var sam-
þykkt í síðasta mánuði á milli Rússa og Tyrkja.
Framtíð samkomulagsins var hins vegar í óvissu
þar sem frestur sá sem vígamenn höfðu fengið til
að yfirgefa héraðið rann út í gær.
Brugðið á leik í skugga stríðsátaka
AFP
Harry Breta-
prins og eigin-
kona hans, Meg-
han Markle,
tilkynntu í gær
að þau ættu von
á barni í vor, en
parið gifti sig í
maí síðast-
liðnum. Í sér-
stakri frétta-
tilkynningu frá höllinni sagði að
Elísabet II. Englandsdrottning væri
hæstánægð með tíðindin. Ham-
ingjuóskir streymdu hvaðanæva og
sendi Theresa May, forsætisráð-
herra Breta, parinu sérstaka
kveðju á samskiptamiðlinum Twitt-
er. Fjölmiðlar í Bretlandi slógu
fregnunum upp og tóku veðbankar
þegar við veðmálum um kyn barns-
ins, sem og hvað það myndi heita.
Munu flestir hafa veðjað á að barn-
ið sé stúlkubarn sem muni fá heitið
Díana, eftir móður Harrys, prins-
essunni af Wales heitinni.
STÓRA-BRETLAND
Harry og Meghan
eiga von á barni
Meghan Markle