Morgunblaðið - 18.10.2018, Qupperneq 71

MENNING 71
MORGUNBLAÐIÐ FIMMTUDAGUR 18. OKTÓBER 2018
94
international
design awards
Einstök barnagleraugu
frá Lindberg. Þau hafa
hlotið fjölda viðurkenninga
um heim allan.
Angústúra hefur lagt áherslu á þýð-
ingar á erlendum bókmenntum í
bland við barnabækur og léttmeti
fyrir fullorðna. Á árinu hafa meðal
annars komið út bækurnar Sælu-
víma eftir Lily King, Allt sundrast
eftir Chinua Achebe, Einu sinni var í
austri eftir Xiaolu Guo og Sakfelling
eftir Bandi.
Sagan um Skarphéðin Dungal er
barnabók eftir þau Hjörleif Hjart-
arson og Rán Flygenring sem sendu
frá sér metsölubókina Fugla á síð-
asta ári. Sagan segir frá flugunni
Skarphéðni Dungal sem grunar að
heimurinn geymi fleira en sléttuna
umhverfis borg flugnanna. Þess má
geta að komin er út ensk útgáfa á
Fuglum þeirra Hjörleifs og Ránar.
Bækur Jenny Colgan hafa notið
vinsælda hér á landi líkt og víða er-
lendis. Þríleik hennar um bakaríið
hennar Polly Waterford lýkur með
bókinni Jól í Litla bakaríinu við
Strandgötu í þýðingu Ingunnar
Snædal, en áður eru komnar Litla
bakaríið við Strandgötu og Sumar í
Litla bakaríinu við Strandgötu.
Í Etýðum í snjó eftir japanska
höfundinn Yoko Tawada segja þrjár
kynslóðir ísbjarna sögu sína með
eigin orðum. Elísa Björg Þorsteins-
dóttir þýddi.
Fyrstu bækurnar í þremur nýjum
barnabókaflokkum Angústúru koma
út í haust. Fyrst er að nefna Seið-
menn hins forna eftir Cressidu Cow-
ell en hún er þekktust fyrir bóka-
flokkinn Að temja drekann sinn. Í
Seiðmönnum hins forna þurfa aðal-
sögupersónurnar, Xar og Ósk, að
gleyma þrætuefnum þjóða sinna og
taka höndum saman til að sigrast á
vondum göldrum. Jón St. Kristjáns-
son þýddi.
Kóngsríkið mitt fallna eftir Finn-
Ole Heinrich og Rán Flygenring er
fyrsta bókin af þremur í bókaflokkn-
um Ótrúleg ævintýri Brjálínu Han-
sen í þýðingu Jóns St. Kristjáns-
sonar. Hún segir frá Pálinu Klöru
Lind Hansen, sem er í senn meist-
araspæjari, ofurfimleikastúlka og
heimsmeistari í brjáli.
Eldraun er fyrsta bókin í danska
bókaflokknum Villinorn um Klöru
og baráttu hennar við ill öfl eftir
verðlaunahöfundinn Lene Kaaber-
bøl í þýðingu Jóns St. Kristjáns-
sonar. Klöru finnst hún vera venju-
leg 12 ára stelpa. En þegar óvenju-
lega stór svartur köttur ræðst á
hana í kjallaratröppunum heima
uppgötvar Klara að hún hefur sér-
stakar gáfur og eftir það hættir allt
að vera venjulegt.
Bangsi litli í skóginum er önnur
bangsabók Benjamins Chauds á ís-
lensku. Litríkar myndir segja sögu
um Bangsa litla sem lendir í miklum
ævintýrum þegar hann ákveður að
hætta að vera björn og verða krakki.
Guðrún Vilmundardóttir þýddi.
Hvað ert þú að gera? eftir Oliviu
Cosneau og Bernard Duisit í þýð-
ingu Guðrúnar Vilmundardóttur er
hreyfibók um fugla fyrir yngstu kyn-
slóðina. arnim@mbl.is
Fyrir alla aldurshópa
 Aðal Angústúru er þýðingar í bland við barnabækur
Rán
Flygenring
Jenny
Colgan
Benjamin
Chaud
Xialou
Guo
Hjörleifur
Hjartarson
Lene
Kaaberbøl
Finn-Ole
Heinrich
Yoko
Tawada
Hildigunnur Einarsdóttir mezzó-
sópran og Guðrún Dalía Salómons-
dóttir píanóleikari halda tónleika í
Hannesarholti til heiðurs Jóni Ás-
geirssyni níræðum laugardaginn 20.
október kl. 16. „Þær flytja ljóða-
flokkinn Svartálfadans eftir Jón við
ljóð Stefáns Harðar Grímssonar, en
þessi krefjandi ljóðaflokkur er mjög
sjaldan fluttur í heild sinni. Einnig
kemur fram Gunnar Þorsteinsson
þýðandi og þulur sem les ljóðin á
milli laga. Að auki verða flutt nokkur
lög Jóns við ljóð Halldórs Laxness,“
segir í tilkynningu.
Samstarf Hildigunnar og Guð-
rúnar Dalíu hófst fyrir nokkrum ár-
um. Hildigunnur lærði söng og tón-
listarkennslu í Söngskólanum í
Reykjavík, Berlín, Utrecht og í
Listaháskóla Íslands. Í nóvember
syngur Hildigunnur fyrsta einsöngs-
hlutverk sitt hjá Íslensku óperunni
þar sem hún fer með hlutverk móð-
urinnar í Hans og Grétu. Guðrún
Dalía nam píanóleik við Tónlistar-
skólann í Reykjavík, Tónlistar-
háskólann í Stuttgart og í París og
hefur haldið fjölda tónleika víða er-
lendis og hér heima sem einleikari
og í kammermúsík. Fyrr á árinu lék
hún einleik á tónleikum SÍ.
Skapandi Guðrún Dalía Salómons-
dóttir og Hildigunnur Einarsdóttir.
Tónleikar til
heiðurs Jóni
Fjórir höfundar halda upplestrar-
kvöld í Gunnarshúsi á Dyngjuvegi 8
kl. 20 í kvöld og lesa upp úr fjórum
nýjum og nýlegum bókum.
Linda Vilhjálmsdóttir les upp úr
nýútkominni ljóðabók sinni, Smáa
letrinu.
Einar Kárason les upp úr bókinni
Stormfuglum sem kom út í vor og
segir frá glímu sjómanna við illviðri
við Nýfundnaland.
Börkur Gunnarsson les upp úr þrí-
leik sínum Þau, sem hefur að geyma
þrjár nóvellur, Hann, Hún og Þeir.
Júlía Margrét Einarsdóttir les úr
fyrstu skáldsögu sinni, Drottningunni
á Júpíter, sem fékk nýlega fjórar
stjörnur í Morgunblaðinu.
Júlía Margrét
Einarsdóttir
Linda
Vilhjálmsdóttir
Börkur
Gunnarsson
Einar
Kárason
Upplestur í
Gunnarshúsi
 Fjórir höfundar
lesa úr nýjum bókum