Morgunblaðið - 18.10.2018, Blaðsíða 73

MENNING 73
MORGUNBLAÐIÐ FIMMTUDAGUR 18. OKTÓBER 2018
Guðrún Óla Jónsdóttir
gudruno@mbl.is
„Ég er að verða voða spennt,“ seg-
ir myndlistarkonan Hildur
Ásgeirsdóttir þegar blaðamaður
slær á þráðinn til hennar yfir
Atlantshafið.
Hildur er stödd í New York en í
dag verður opnuð þar sýning með
verkum hennar í Tibor de Nagy-
galleríinu. Sýningin ber heitið
Fossar / Waterfalls og er önnur
einkasýning listakonunnar í gall-
eríinu. Sýningin stendur yfir til 25.
nóvember.
Hildur hefur verið búsett í
Bandaríkjunum um margra ára
skeið og sýnir undir nafninu Hild-
ur Ásgeirsdóttir Jónsson.
Innblástur á Íslandi
Hildur hefur verið búsett í
Cleveland, Ohio, í rúm þrjátíu ár
en segist koma til Íslands eins oft
og hægt er. „Við hjónin eigum hús
í Njarðvík og erum með börn á
skólaaldri, þannig að við förum
alltaf til Íslands í sumarfríum og
um jól og áramót. Ég segi alltaf að
ef það er frí í skólanum, þá erum
við á Íslandi.“ Og aðspurð segist
Hildur fá mikinn innblástur frá Ís-
landi fyrir verk sín, sérstaklega úr
íslenskri náttúru. Hún gangi mikið
úti í náttúrunni og taki þá myndir
á gönguferðum sínum sem hún
noti svo þegar hún býr til verkin.
Eins og nafn sýningarinnar gef-
ur til kynna er þema hennar foss-
ar en Hildur segir að íslensk nátt-
úra sé henni hugleikin.
„Síðustu tuttugu ár hef ég mikið
unnið með íslenska náttúru í
myndlistinni og það sem laðar mig
að henni er krafturinn sem í henni
býr. Ég hef gert margar myndir af
hverum, jökultungum og eld-
gosum, og unnið myndaraðir um
Vatnajökul og Heklu.“
Af hverju eru fossar í aðal-
hlutverki í þetta sinn?
„Fyrir um það bil þremur árum
fór ég að fossinum Dynjanda á
Vestfjörðum og það gerðist eitt-
hvað. Ég hafði svo sem komið
þangað oft áður en í þetta sinn
gerðist eitthvað sem ég hafði ekki
upplifað áður og ég heillaðist al-
gjörlega. Ég ákvað því að gera
hann að viðfangsefni í næstu
myndaröð og gerði þrjár myndir
af honum sem voru hugsaðar sem
svokallað „triptych“-verk, en svo
hafa myndirnar að vísu farið hing-
að og þangað og eru ekki allar
saman að þessu sinni. En á sýn-
ingunni eru líka myndir af
Svartafossi í Skaftafelli og
fleiri fossum.“
Hildur segir að ætlunin
sé að vinna meira með
þessa fossaseríu. „Það er
svo mikill kraftur í vatninu
og mér finnst gaman að
vinna með fossana.“
Málar og vefur
Vinnustofa Hildar er í
Cleveland í Bandaríkjunum.
Þar vefur hún verk sín í
þriggja metra breiðum vef-
stól en aðferðin er tímafrek
og flókin.
„Verkin eru sambland af
málaralist og vefnaði,“ segir
Hildur. „Ég mála mynd-
irnar á silkiþræði og vef
þær svo eftir japanskri að-
ferð þannig að áferðin verð-
ur létt og fljótandi og lín-
urnar svolítið óskýrar.“
Á sýningunni verða bæði
minni og stærri verk.
„Þrjár myndanna eru þrír
metrar á breidd og allt frá
þremur metrum upp í fimm
metra á hæð. Ég nota bjarta og
sterka liti í þessum verkum en
með árunum verða verk mín sífellt
litríkari. Ég var ragari áður við að
nota sterka liti en það hefur
breyst.“
Hildur hefur hlotið fjölda viður-
kenninga og verðlauna, þar á með-
al hin virtu og eftirsóttu listaverð-
laun Cleveland-borgar í Ohio-ríki í
Bandaríkjunum og styrki frá
Ohio Arts Council, auk þess
sem hún vann opinber verk
fyrir Cleveland Clinic-
stofnunina.
Mörg söfn eiga verk eftir
hana, m.a. Listasafnið í Clev-
eland, Listasafn Reykjavíkur
og The Progressive Ins-
urance Collection.
Hildur hefur haldið sýn-
ingar víða, meðal annars í
Samtímalistasafninu í Cleve-
land, William Busta-galler-
íinu í Cleveland og fjölmörg-
um galleríum og söfnum á
Íslandi.
Hún segir það mikla viður-
kenningu að fá boð um að
halda sýningu í Tibor de
Nagy-galleríinu í New York.
Samkeppnin sé mikil og
færri komist að en vilji. „Ég
hef verið fastráðinn lista-
maður í galleríinu í rúm tvö
ár og verð með sýningar þar
á um það bil tveggja ára
fresti um óákveðinn tíma.“
Töluvert er síðan Hildur
hélt síðast sýningu á Íslandi,
en það var á Kjarvalsstöðum árið
2013. „Mig langar mjög mikið að
halda sýningu heima og hugsa
mikið um það. Vonandi næ ég því
á næsta ári.“
Morgunblaðið/Ásdís
Listakonan Hildur Ásgeirsdóttir við nokkur verka sinna í sýningarsal Tibor de Nagy-gallerísins í New York. Á
sýningunni, sem stendur til 25. nóvember næstkomandi, verða bæði minni og stærri verk til sýnis.
Náttúrukraftur Fossinn Dynjandi var innblástur
Hildar að þessu verki. Hún segist nota bjarta og
sterka liti í verkunum sem sýnd eru á sýningunni.
Kraftur Dynjanda heillaði
 Listakonan Hildur Ásgeirsdóttir opnar sýningu í New York  Fossar í aðal-
hlutverki  Innblástur úr íslenskri náttúru  Eitthvað gerðist við Dynjanda
Ljósmynd/Tim Safranek
Suðurlandsbraut 26 Sími: 587 2700
Opið 11-18 virka daga www.alno.is
ICQC 2018-20
„Frá drengja-
kollum til
#MeToo: Líkams-
byltingar í eina
öld“ nefnist fyrir-
lestur sem dr. Þor-
gerður H. Þor-
valdsdóttir flytur
á vegum RIKK í
fyrirlestrasal
Þjóðminjasafns
Íslands í dag kl. 12. Þar setur Þor-
gerður #MeToo-byltinguna í sögu-
legt samhengi og beinir síðan sjón-
um „að keðju líkamsbyltinga á
síðustu árum sem allar hafa, með
einum eða öðrum hætti, snúist um
kynfrelsi kvenna og lausn undan
áþján kynferðisofbeldis“, segir í til-
kynningu. Skoðað verður hvernig
#MeToo-byltingin birtist hér á
landi með því að rýna í þær rúm-
lega 800 frásagnir kvenna sem
birst hafa „en þær spanna allt frá
óviðeigandi bröndurum, niðurlægj-
andi athugasemdum, um útlit eða
getu, og þöggun yfir í kynferðis-
lega áreitni, ofbeldi og nauðgun“.
Líkamsbyltingar í
eina öld í hádeginu
Þorgerður H.
Þorvaldsdóttir
Bandaríkjadeild PEN, sem eru al-
þjóðleg samtök rithöfunda, þýðenda
og ritstjóra, hefur höfðað mál á
hendur Donald Trump sökum þess
að þeir telja Bandaríkjaforseta hafa
notað stjórnsýslulegt vald sitt til að
ráðast á fjölmiðla sem stríði gegn 1.
viðauka bandarísku stjórnarskrár-
innar. Í frétt á vef Bandaríkjadeild-
ar PEN benda Jennifer Egan forseti
og Suzanne Nossel framkvæmda-
stjóri deildarinnar á að Trump hafi
stjórnarskrárvarinn rétt til að gagn-
rýna fjölmiðla, rithöfunda og blaða-
menn.
„En þegar Trump forseti fer yfir
strikið og hótar að nota vald sitt til
að refsa fjölmiðlum og í reynd gerir
það er nauðsynlegt að dómskerfið
stígi inn og staðfesti að slíkar hót-
anir og refsiaðgerðir stríða gegn
stjórnarskránni. Við vinnum náið
með leiðandi fræðimönnum á sviði 1.
viðauka stjórnarskrárinnar sem og
sjálfstætt starfandi lögmönnum og
háskólasamfélaginu til að láta reyna
á þetta mál fyrir dómstólum.“
AFP
Falsfréttir Donald Trump hefur um
langt skeið ráðist harkalega að fjölmiðlum.
PEN í mál við Trump
Lilja Guðmundsdóttir sópran og
Eva Þyri Hilmarsdóttir píanóleik-
ari koma fram á hádegistónleika-
röðinni Á ljúfum nótum í Fríkirkj-
unni í Reykjavík í dag kl. 12 og
flytja sönglög eftir Tsjajkovskíj og
Rakhmaninoff.
Flytja sönglög í
Fríkirkjunni í dag
Dúó Lilja Guðmundsdóttir sópran
og Eva Þyri Hilmarsdóttir píanisti.