Morgunblaðið - 25.10.2018, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 25. OKTÓBER 2018
Smart haustfatnaður, fyrir smart konur
Holtasmári 1
201 Kópavogur
sími 571 5464
Str. 38-52
BAKSVIÐ
Baldur Arnarson
baldura@mbl.is
Árið 2016 kynnti Hagstofa Íslands
mannfjöldaspá fyrir tímabilið 2016-
2065, eða til næstu hálfrar aldar.
Þar var til skemmri tíma gert ráð
fyrir 342.767 íbúum (lágspá), 351.759
íbúum (miðspá), eða 362.063 íbúum
(háspáin) árið 2020. Munurinn var
sagður fyrst og fremst liggja í ólík-
um forsendum um „árlegan hagvöxt
og atvinnuleysi sem verka á aðflutn-
ing og brottflutning frá landinu“.
Þessar forsendur breyttust með
hröðum vexti ferðaþjónustunnar.
Það birtist í nýju mannfjöldaspánni,
2018-2067. Þar er gert ráð fyrir
360.718 íbúum (lágspá) árið 2020,
eða 363.906 íbúum (miðspá) eða
366.492 íbúum (háspá).
Þessar breytingar eru sýndar á
myndrænan hátt hér til hliðar.
Með þeim hækkar lágspáin um 18
þúsund íbúa, í alls um 361 þúsund
íbúa árið 2020. Miðspáin hækkar um
12 þúsund íbúa, í 364 þúsund íbúa
2020 og háspáin um 4 þúsund íbúa, í
366 þúsund íbúa árið 2020.
Á við allan Hafnarfjörð
Gangi nýja miðspáin fyrir árið
2020 eftir mun íbúum landsins hafa
fjölgað um ríflega 30 þúsund á
árunum 2016 til 2020. Til sam-
anburðar bjuggu 29.400 manns í
Hafnarfirði í byrjun ársins.
Slík íbúafjölgun er mikil í sögu-
legu samhengi á Íslandi.
Um 22.400 fleiri erlendir ríkis-
borgarar höfðu flutt til landsins frá
ársbyrjun 2012 og fram á mitt þetta
ár en fluttu þá frá landinu.
Árið 2017 voru aðfluttir erlendir
ríkisborgarar umfram brottflutta
rúmlega 8.200 og á fyrri hluta þessa
árs voru þeir um 3.500. Samanlagt
eru þetta um 12 þúsund manns.
Þessi mikli aðflutningur á líklega
þátt í því að Hagstofan hefur endur-
metið mannfjöldaspár til hækkunar.
Aðflutningurinn hefur verið
skýrður með mikilli mannaflsþörf í
ferðaþjónustu og byggingariðnaði.
Hægt hefur á vexti ferðaþjónustu og
gæti því dregið úr nýráðningum í
greininni. Flest bendir til að bygg-
ingargeirinn sé enn í miklum vexti.
Mannaflsþörfin verður því talsverð.
Við þessa krafta bætist að talið er
að margar erlendar fjölskyldur eigi
eftir að sameinast fyrirvinnu sem
hefur komið sér fyrir á Íslandi.
Þessi þróun mun skýrast betur
þegar Hagstofan birtir tölur um bú-
ferlaflutninga á þriðja ársfjórðungi.
Sterk fylgni er milli búferlaflutn-
inga og hagvaxtar. Verði bakslag í
hagkerfinu gæti þróunin snúist við.
Stefnir í þreföldun árið 2024
Forvitnilegt er að setja íbúafjölg-
unina í sögulegt samhengi.
Lýðveldisárið 1944 voru íbúar
landsins 125.967 talsins. Á 80 ára af-
mæli lýðveldisins, 2024, er ekki
óhugsandi að íbúar landsins verði
orðnir 375 þúsund, eða tæplega þre-
falt fleiri en þeir voru árið 1944.
Í ársbyrjun 1968 voru landsmenn
200.281 talsins og aldamótaárið 2000
voru þeir orðnir 279.049.
Þeim hefur síðan fjölgað um 74
þúsund í um 353 þúsund um mitt
þetta ár. Við það bætist að Samtök
ferðaþjónustunnar áætla að um 90
þúsund erlendir ferðamenn verði
hér að jafnaði á dag yfir háannatím-
ann næsta sumar. Spáð er enn frek-
ari fjölgun ferðamanna næstu ár.
Laugardalsvöllur er einn þeirra
staða þar sem hvað flestir lands-
menn koma að jafnaði saman með
reglulegu millibili. Því er ekki frá-
leitt að nota völlinn sem mælikvarða
á íbúafjölgun síðustu áratuga.
Þegar rýnt er í fjölda sæta á vell-
inum og íbúafjölda landsins kemur í
ljós að um 37 landsmenn verða á
hvert sæti árið 2020, að því gefnu að
nýjasta miðspá Hagstofunnar gangi
eftir. Hlutfallið verður því næstum
orðið jafn hátt og árið 1997, þegar
austurstúkan var tekin í notkun.
Á við tíu fulla velli
Samkvæmt miðspánni verða
landsmenn næstum 100 þúsundum
fleiri 2020 en árið 1997. Sá fjöldi
gæti nú fyllt völlinn tíu sinnum.
Það ber að hafa í huga að fyrr á
árum voru stæði leyfileg á Laugar-
dalsvelli. Frægt er að árið 1968 sáu
18.200 manns Val spila gegn Ben-
fica. Sá fjöldi samsvarar því að rúm-
lega 32 þúsund áhorfendur færu á
völlinn í dag. Þá miðað við að íbúum
hafi fjölgað úr 200.281 í 353.070, eða
um 76%.
Íbúafjölgunina má auðvitað skoða
frá ótal hliðum. Ein þeirra er sú að
hvert prósentustig í fjölgun telur
orðið rúmlega 3.500 íbúa, eða tæp-
lega íbúafjölda Ísafjarðar.
Gera nú ráð fyrir meiri íbúafjölgun
 Hagstofan endurmetur íbúaspá til hækkunar  Gerir nú ráð fyrir allt að 366 þúsund íbúum 2020
 Það yrði fjölgun um 30 þúsund íbúa frá ársbyrjun 2016  Það er á við íbúafjölda Hafnarfjarðar
Mannfjöldi 2000-2018 og spár Hagstofu Íslands fyrir árið 2020
350
325
300
275
250
225
200
þúsund Spá fyrir 2020 gerð 2016 (þúsund): 343, lágspá 352, miðspá 362, háspá
Spá fyrir 2020 gerð 2018 (þúsund): 361, lágspá 364, miðspá 366, háspá
Rauntölur um íbúafjölda 1. janúar ár hvert (þúsund)
2000 2001 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2020
Heimild: Hagstofa Íslands
279
283 287
288 291
294
300
308
315 319 318 318
320 322
326 329
333
338
348
353
1.
ja
nú
ar
30
. j
ún
í (
br
áð
ab
irg
ða
tö
lu
r)
Lá
g-
, m
ið
- o
g
há
sp
á
Lá
g-
, m
ið
- o
g
há
sp
á
362 366
Íbúafjöldi og Laugardalsvöllur
*Sætafjöldi 1957 og 1970 er áætlun vallarstjóra
**Íbúafjöldi miðað við síðustu miðspá
Heimildir: Hagstofan/Jóhann G. Kristinsson, vallarstjóri Laugardalsvallar
1957 1970 1997 2006 2020**
Nýr Laugar-
dalsvöllur
tekinn í notkun
Vesturstúkan
stækkuð og
yfirbyggð (setið
á bekkjum)
Austurstúka
vígð (3.500
sæti), tekin
upp sæti í
vesturstúku
Vesturstúka
vígð eftir
stækkun og
endurbætur
(A- og I-hólf
bætast við)
Miðað við
óbreyttan
sætafjölda
Fjöldi sæta*
2.500 4.000 7.068 9.767 9.767
Íbúafjöldi 1. janúar
162.700 204.042 269.874 299.891 364.000
Fjöldi íbúa á hvert sæti
65 51 38 31 37