Morgunblaðið - 31.10.2018, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 31. OKTÓBER 2018
Ríkiskaup hafa auglýst að nýju eftir
húsnæði fyrir Vegagerðina á höfuð-
borgarsvæðinu.
Í júlí birtu Ríkiskaup auglýsingu
þessa efnis. Samkvæmt upplýsing-
um Framkvæmdasýslu ríksins, sem
er umsjónaraðili málsins fyrir ríkis-
sjóð, bárust 11 tilboð.
Í nýrri auglýsingu Ríkiskaupa
segir að auglýsingin sé birt að nýju,
þar sem svæðistakmarkanir sem til-
greindar voru í fyrri auglýsingu hafi
verið of þröngt tilgreindar, m.a.
vegna þeirra breytinga á almenn-
ingssamgöngum, sem vænta megi á
næstu árum.
Í fyrirspurnum og svörum á vef
Ríkiskaupa má m.a. lesa athuga-
semd frá skrifstofu eigna og at-
vinnuþróunar Reykjavíkurborgar.
Skrifstofan bendir á að samkvæmt
auglýsingunni verði ekki annað skil-
ið en að kröfur um staðsetningu úti-
svæðis útiloki flest atvinnu- og at-
hafnasvæði í Reykjavík þar sem
finna má svæði af þessari stærð sem
heimila létta atvinnustarfsemi og
raunar á höfuðborgarsvæðinu öllu.
Þetta muni að öllum líkindum leiða
til óhagstæðari tilboða en nokkur
ástæða sé til.
Óskað er eftir því að staðsetning-
arkröfur verði skýrðar á þá leið að
útisvæði geti verið staðsett innan
höfuðborgarsvæðisins, þar á meðal á
athafnasvæðum borgarinnar við
Hólmsheiði og Esjumela.
Í auglýsingunni er miðað við að
húsnæði fyrir Vegagerðina yrði tek-
ið á leigu til 20 ára. Húsnæðisþörfin
er áætluð tæpir 6.000 fermetrar og
að auki þarf útisvæði að vera 9.000
fermetrar. Tilboð verða opnuð hjá
Ríkiskaupum 22. nóvember nk.
Vegagerðin hefur verið með aðset-
ur í Borgartúni í Reykjavík í tæp 80
ár. Þá hefur stofnunin verið með
starfsemi víðar á höfuðborgarsvæð-
inu. Æskilegt þykir að hafa starf-
semina á einum stað. sisi@mbl.is
Svæðistakmark-
anir of þröngar
 Leita að húsnæði fyrir Vegagerðina
Morgunblaðið/Ófeigur
Vegagerðin Hefur verið með starf-
semi í Borgartúni í tæp 80 ár.
Rekstrarhagnaður Símans á þriðja
ársfjórðungi fyrir afskriftir og
fjármagnsliði (EBTIDA) nam 2,4
milljörðum króna og hækkaði um
0,4% frá því á sama tímabili í
fyrra. Tekjur Símans á þriðja árs-
fjórðungi námu tæpum 7 millj-
örðum króna. Sé leiðrétt fyrir
seldri starfsemi hækka tekjur um
51 milljón króna á milli ára.
EBITDA-hlutfallið nam því 34,4%
fyrir þriðja ársfjórðung og hækk-
aði um 0,1% frá sama tímabili í
fyrra.
Hagnaður Símans á þriðja árs-
fjórðungi nam 978 milljónum
króna samanborið við 905 milljónir
á sama tímabili í fyrra. Eignir fé-
lagsins námu 60,6 milljörðum
króna í lok septembermánaðar,
eigið fé nam 37,6 milljörðum og
var eiginfjárhlutfall félagsins
62,1%. Síminn greiddi á tímabilinu
311 milljónir króna í arð til hlut-
hafa.
Sé litið til fyrstu níu mánaða
ársins var rekstrarhagnaður Sím-
ans 6,8 milljarðar króna og nemur
aukningin um 2,5% miðað við sama
tímabil í fyrra. Í tilkynningu lýsir
Orri Hauksson, forstjóri Símans,
yfir ánægju með rekstur fyrir-
tækisins en segir að samkeppnin
um íslenska neytendur hafi sjaldan
verið harðari. Viðskiptavinum hafi
þó fjölgað á milli fjórðunga.
„Vegna góðs gengis í kjarnavörum
okkar í smásölu aukast tekjur,
EBITDA og hagnaður samstæð-
unnar lítillega í heild á milli ára á
þriðja ársfjórðungi, þrátt fyrir að
reiki og heildsala dragist saman,“
segir Orri m.a. í tilkynningu.
peturhreins@mbl.is
2,4 milljarða
rekstrarhagnaður
 Tekjur Símans námu 7 milljörðum
Icelandair Group hagnaðist um 62
milljónir dollara, jafnvirði 7,5 millj-
arða íslenskra króna á þriðja árs-
fjórðungi þessa árs, samanborið við
97,2 milljarða dollara, jafnvirði 11,7
milljarða króna, yfir sama tímabil í
fyrra. Tekjur félagsins námu 545
milljónum dollara, 65,8 milljörðum
króna á fjórðungnum og jukust um
8 milljónir dollara frá fyrra ári. Á
sama tíma jókst rekstrarkostnaður
félagsins um 49,1 milljón dollara og
nam hann 430,2 milljónum dollara,
jafnvirði tæplega 52 milljarða
króna.
Athygli vekur að tekjur af far-
gjöldum dragast saman um 9 millj-
ónir dollara á tímabilinu. Hins veg-
ar eru það aðrar tekjur af starfsemi
samstæðunnar og einkum flugvéla-
og flugáhafnaleiga sem skilar félag-
inu auknum tekjum upp á ríflega 11
milljónir dollara miðað við sama
tímabil í fyrra.
Í tilkynningu frá félaginu er bent
á að ásamt lægri farþegatekjum sé
háu eldsneytisverði um að kenna
þegar litið er til lakari afkomu á
fjórðungnum en í fyrra. EBITDA
reyndist 115 milljónir dollara, jafn-
virði 13,9 milljarða króna, á þriðja
ársfjórðungi og lækkar um 40,9
milljónir dollara eða 4,9 milljarða
króna.
EBITDA verði 80-90 milljónir
Samhliða uppgjörinu hefur félag-
ið gefið út nýja afkomuspá fyrir árið
og stendur hún nú í 80-90 milljónum
dollara EBITDA hagnaði. Síðasta
afkomuspá frá því í ágúst gerði ráð
fyrir EBITDA hagnaði upp á 80-
100 milljónir dollara og því hafa efri
mörk spárinnar verið færð niður.
Af uppgjöri félagsins nú leiðir að
það uppfyllir ekki lengur skilmála
sem settir voru við skuldabréfaút-
gáfu þess að fjárhæð 190 milljónir
dollara. Kveða þeir skilmálar á um
að vaxtaberandi skuldir félagsins
megi aldrei fara yfir hlutfallið 3,5
gagnvart EBITDA-hagnaði. Vaxta-
berandi skuldir Icelandair námu
222,2 milljónum dollara í lok sept-
ember.Hefur félagið átt í viðræðum
við lánardrottna sína að undanförnu
vegna þessa og hefur félagið nú far-
ið þess á leit við þá að fá undanþágu
frá fyrrnefndum skilmálum til 30.
nóvember í því skyni að fundin
verði langtímalausn á þeirri stöðu
sem upp er komin. Samkvæmt upp-
lýsingum frá félaginu hefur meiri-
hluti eigenda skuldabréfanna nú
þegar lýst yfir stuðningi við þá ráð-
stöfun mála.
Icelandair Group hagnast
um 7,5 milljarða króna
 Efri mörk afkomuspár lækkuð um 10 milljónir dollara
„Við erum með þessu málþingi að kalla fleiri til
ábyrgðar á því að finna lausnir á vanda póst-
þjónustunnar hér landi,“ segir Ingimundur
Sigurpálsson, forstjóri Íslandspósts hf., um
opinn fund um póstþjónustu sem haldinn var í
Hörpu í gær. Þar fjölluðu sérfræðingar um
breytingar í póstþjónustu og leiðir til að
tryggja framtíð hennar hér landi.
Ingimundur segir að miklu skipti að þeir
sem hafi með málefni póstþjónustunnar að
gera átti sig á stöðunni og þróuninni.
„Hjá Íslandspósti erum við að sinna skyld-
um samkvæmt alþjóðasamningum og sam-
kvæmt íslenskum lögum. Við erum að sinna
ákveðinni grunnþjónustu. Það hefur legið fyrir
lengi, og við verðum áþreifanlega vör við það
núna þegar ríkið er að hætta að senda bréfa-
póst, að tekjugrunnurinn undir þetta kerfi er
ekki lengur fyrir hendi,“ segir Ingimundur.
Hann segir að ekki sé um séríslenskt vanda-
mál að ræða heldur viðfangsefni sem póstrek-
endur víðast hvar í hinum vestræna heimi
standi frammi fyrir.
Tveir erlendir fyrirlesarar á málþinginu
voru frá ráðgjafarfyrirtækinu Copenhagen
Economics. „Þeir hafa unnið fyrir stjórnvöld
víða í Evrópu að því að draga fram helstu
áhrifavaldana í þróun póstþjónustunnar og
gera tillögur um það til hvaða ráða sé hægt að
grípa svo áfram megi halda uppi ásættanlegri
þjónustu,“ segir Ingimundur. Hann segir að
stóra málið sé að sá aðili sem skilgreini lág-
markspóstþjónustu í landinu átti sig á því að
fyrirtæki sem rekið sé sem hlutafélag geti ekki
staðið undir kostnaði við þann rekstur öðruvísi
en að fá tekjur fyrir hann. Hingað til hafi það
verið gert þannig að einkaréttinum sem enn er
til staðar hafi verið ætlað að fjármagna alþjón-
ustuna þar sem hún stendur ekki undir sér. En
með ört rýrnandi tekjum af einkaréttarþjón-
ustu blasi við að ekki sé nema um tvennt að
ræða; draga úr alþjónustunni eða auka
styrkjagreiðslur til hennar eins og farið sé að
gera víðast hvar í Evrópu.
„Þetta eru ákvarðanir sem eru utan vald-
sviðs okkar hjá Íslandspósti,“ bætir Ingimund-
ur við. Fram hefur komið að Íslandspóstur
tapaði 161,2 milljónum króna á fyrri helmingi
þessa árs. Reiknað er með að tekjur fyrir-
tækisins muni dragast saman um hátt í 400
milljónir króna á þessu ári vegna fækkunar á
bréfasendingum. Ingimundur segir ófjár-
magnaður kostnaður við alþjónustu hafi verið
um 600 milljónir króna á síðastliðnu ári og
áætlað sé að hann muni nema um 700 millj-
ónum króna á þessu ári. gudmundur@mbl.is
Auka styrki eða
draga úr þjónustu
 Vandi póstþjónustunnar ræddur á málþingi
Morgunblaðið/Eggert
Póstur Á Íslandspóst hafa verið lagðar miklar skyldur en minnkandi tekjur gera fyrirtækinu
erfitt að rísa undir þeim. Tap á rekstri nam rúmlega 161 milljón kr. á fyrstu 6 mánuðum ársins.
á samkeppnishæfu verði!
Kletthálsi 2, 110 Reykjavík s.562-1717 bilalif.is
Við seljum líka nýja bíla
Range Rover Evoque
Ný sending af mjög vel útbúnum