Morgunblaðið - 12.11.2018, Page 2
2 FRÉTTIRInnlent
MORGUNBLAÐIÐ MÁNUDAGUR 12. NÓVEMBER 2018
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
Ath
að
ve
rð
ge
tur
br
ey
st
án
fyr
irv
ar
a
595 1000
Frá kr.
94.185
Jólainnkaupin í sól og slökun
u.
Ath
.a
ðv
er
ðg
etu
rb
re
yst
án
fyr
irv
ar
a. Sólin fyrir jólin
g
g
Tenerife eða Gran Canaria í
nóvember & desember
Kynntu þér úrvalið á heimsferdir.is
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Guðni Ágústsson heimti forystu-
gimbur sína norðan úr Þingeyjar-
sýslu í gær. Hún kom með áætlunar-
flugi flugfélagsins Ernis frá Húsavík
og var gefið nafn á Reykjavíkur-
flugvelli.
„Þetta er gert forystukindinni til
heiðurs. Hún er með mannsvit í
veðrum, leiðir hjörðina og bóndann
heim,“ segir Guðni.
Vinningur á kótilettukvöldi
Hópur manna kemur árlega sam-
an á kótilettukvöldi í Þingborg í Flóa
til að safna fé til styrktar útgáfu
Flóamannabókar. Þar eru kálfar og
ýmsir aðrir vinningar í verðlaun í
happdrætti og síðustu þrjú árin hef-
ur einnig verið meðal vinninga for-
ystugimbur frá Skúla Ragnarssyni,
bónda á Ytra-Álandi í Þistilfirði. Sá
sem hreppti gimbrina í haust gat
ekki tekið við henni og gerðu þeir
Guðni þá kaup með sér og Guðni
eignaðist kindina.
„Ég hringdi í Aðalstein Bald-
ursson, verkalýðsforingja á Húsa-
vík, en hann er líka sauðfjárbóndi
eins og margir á Húsavík og sauða-
hvíslari því mér er sagt að allar
kindur verði spakar sem hann nálg-
ast. Bað hann um að sækja fyrir mig
svarta gimbur og koma henni suð-
ur,“ segir Guðni. Gimbrina geymdi
Aðalsteinn í bílskúrnum heima hjá
sér og sendi síðan með áætlunarvél
Ernis til Reykjavíkur í gær.
Tekið var við henni með viðhöfn á
Reykjavíkurflugvelli og þar hellti
Hörður Guðmundsson, eigandi flug-
félagsins, yfir hana sunnlensku rign-
ingarvatni og gaf henni nafnið Flug-
freyja.
Gimbrin er þrílembingur undan
Slyddu á Ytra-Álandi og Strump frá
Gunnarsstöðum, svört með hvítar
hosur.
Guðni segir að Geir bóndi Gísla-
son á Stóru-Reykjum í Flóa muni
fóstra gimbrina fyrir sig. Þar muni
hún fara fyrir kindahjörð hans og
verði gaman að fylgjast með.
„Forystukindin er sérstakt fjár-
kyn, einstakt á heimsvísu. Þyrfti að
rannsaka það frekar, meðal annars
hvaðan kynið er komið,“ segir
Guðni.
Morgunblaðið/Árni Sæberg
Móttökuathöfn Guðni Ágústsson og Hörður Guðmundsson, eigandi flugfélagsins Ernis, stilla sér upp til mynda-
töku með gimbrinni Flugfreyju. Með Guðna eru dótturdætur hans, Eik og Eva Arnarsdætur. Á bak við krjúpa Ágúst
Ingi Ketilsson, fjallkóngur Flóamanna, og Aldís Þórunn Bjarnardóttir og Geir Gíslason á Stóru-Reykjum.
Forystugimbur með áætl-
unarflugi úr Þingeyjarsýslu
Gefið nafnið Flugfreyja við móttökuathöfn í Reykjavík
Arnar Þór Ingólfsson
Guðrún Hálfdánardóttir
Lík tveggja íslenskra fjallgöngu-
garpa, Kristins Rúnarssonar og
Þorsteins Guðjónssonar, fundust
nýverið í Nepal, 30 árum eftir að
þeir fórust í hlíðum fjallsins Pu-
mori í október árið 1988. Þeir voru
27 ára að aldri þegar þeir fórust.
Bandarískur fjallgöngumaður
rakst á lík þeirra, leitaði að skil-
ríkjum og komst að því að þeir
væru íslenskir og tilkynnti fundinn,
segir Anna Lára Friðriksdóttir,
vinkona þeirra Kristins og Þor-
steins.
Upplýsingar væntanlegar
Ekki kemur til greina að um
aðra sé að ræða en þá Þorstein og
Kristin, en Bandaríkjamaðurinn er
enn á fjallinu og mun væntanlega
veita nánari upplýsingar síðar.
Hún segir að þrír dagar séu síð-
an fyrstu fréttir af fundi þeirra
Þorsteins og Kristins bárust hing-
að til lands og að fregnum af fundi
þeirra hafi verið komið út til að-
standenda þeirra.
„Þetta eru góðar og erfiðar frétt-
ir,“ segir Anna Lára. „Það er alltaf
gott að geta sett punktinn yfir i-ið.
Það hefði verið gott fyrir foreldr-
ana að fá að jarða börnin sín,“ bæt-
ir hún við, en minningarathöfn um
þá Kristin og Þorstein fór fram 26.
nóvember 1988.
Reyndir fjallamenn
Þrátt fyrir ungan aldur voru
Þorsteinn Guðjónsson og Kristinn
Rúnarsson í hópi reyndustu fjalla-
manna landsins. Þeir héldu frá
Katmandú, höfuðborg Nepals, 24.
september 1988 áleiðis að fjallinu
Pumori sem er 7.161 metra hár
tindur við landamæri Tíbets. Með
þeim voru Jón Geirsson og Stephen
Aistrope frá Skotlandi. Jón veiktist
og sneri við til byggða og flaug til
Parísar þar sem hann var búsettur.
Eftir aðlögun héldu Þorsteinn og
Kristinn á fjallið 17. október en
Stephen var veikur og varð eftir í
aðalbúðum. Þeir komu í 1. búðir
sama dag. Árla næsta morgun, 18.
október, lögðu þeir á tindinn.
Klukkan tvö eftir hádegi sá Steph-
en til þeirra í gegnum sterka að-
dráttarlinsu en þeir voru þá í 6.600-
6.700 metra hæð og komnir yfir
verstu erfiðleikana við klifið. Þeir
voru staddir í bröttum ísbrekkum
og festir með línu og sóttist ferðin
vel. Eftir að þeir hurfu úr sjónlínu
frá aðalbúðum hefur ekki sést til
þeirra fyrr en lík þeirra fundust
núna, 30 árum og þremur vikum
síðar.
Daginn eftir fór Stephen að
gruna að ekki væri allt með felldu
og sendi boð til byggða til að biðja
um aðstoð þyrlu við leit. Á meðan
beðið var eftir þyrlu leitaði hann
við búðir 1 og gekk auk þess um-
hverfis fjallið. Ekkert sást til Þor-
steins og Kristins úr þyrlunni, eða
farangurs þeirra.
Lík fjallgöngumanna fundin í Nepal
Kristinn Rúnarsson
Fórust í hlíðum fjallsins Pumori í Nepal fyrir þrjátíu árum Bandarískur fjallgöngumaður rakst á
lík fjallgöngumanna með íslensk skilríki og tilkynnti fundinn Góðar en erfiðar fréttir, segir vinkona
Þorsteinn Guðjónsson
Bensíntunnan fór undir 70 dali á
heimsmörkuðum í síðustu viku. Þar
með hafði orðið 20% lækkun á
henni frá hæsta punkti í október.
Íslensk olíufélög brugðust við þessu
um helgina og lækkuðu bensín-
verðið um þrjár krónur.
Nú kostar lítri af 95 oktana bens-
íni hjá Orkunni (Skeljungi) 228,70
kr., hjá Atlantsolíu 228,80 kr. og
hjá N1 232,30 krónur. N1 lækkaði
dísilolíuverðið þá um tvær krónur,
það er víðast hvar um þremur krón-
um lægra en á 95 oktana bensíni.
Það er spurning hvort verðið
lækki áfram á næstu dögum, sökum
mikillar lækkunar á heimsmark-
aðsverði. „Það er líklegt. Þetta er
fljótt að breytast og sterkur dollari
étur upp mikið af lækkuninni,“ seg-
ir Már Erlingsson hjá Orkunni.
Eggert Þór Kristófersson, for-
stjóri Festis (N1), tekur í sama
streng aðspurður. „Það kemur í
ljós. Fer eftir þróun gengis og olíu-
verðs,“ segir hann. Hann ítrekar
jafnframt: „Olíuverð lækkar hraðar
en það hækkar hérlendis. Það er
staðfest af Samkeppniseftirlitinu,
þó að sumir vilji stundum meina hið
gagnstæða.“
Skýringin sem báðir þessir við-
mælendur Morgunblaðsins gefa á
því hvers vegna verðið lækkar ekki
meira, eða ekki um sömu upphæð
og það hefur lækkað á heimsmark-
aði, er sú sama og ævinlega: hér-
lendis er meira en helmingur af
bensínverðinu föst stærð; skattar,
olíugjald o.s.frv. snorrim@mbl.is
Bensínverð lækkaði um
þrjár krónur um helgina
Morgunblaðið/Árni Sæberg
Bensíndæla Lægra lítraverð í
sjálfsafgreiðslu hjá Orkunni.