Morgunblaðið - 12.11.2018, Side 15
FRÉTTIR 15Erlent
MORGUNBLAÐIÐ MÁNUDAGUR 12. NÓVEMBER 2018
Við kvefi og særindum í hálsi
• Vörn gegn sýklum
• Linar særindi í hálsi
• Flýtir bata á kvefi
• Flýtir endurnýjun slímhimnu í hálsi
Leiðtogar ríkja heimsins gengu
margir saman upp Champs-Elysees-
breiðgötuna í París í gær til að minn-
ast þess að öld er liðin frá endalokum
fyrri heimsstyrjaldarinnar. Sérstaka
athygli vakti að tveir leiðtogar tóku
ekki þátt í athöfninni, þeir Donald
Trump Bandaríkjaforseti og Vladim-
ír Pútín Rússlandsforseti. Þeir fóru
hvor í sínu lagi að Sigurboganum, en
fóru ekki í rútuferðina og gönguna
táknrænu ásamt hinum þjóðarleið-
togunum.
Samkvæmt upplýsingum frá
Hvíta húsinu var Trump seinna á
ferðinni af öryggisástæðum.
Emmanuel Macron Frakklands-
forseti flutti ræðu þar sem hann
gagnrýndi einangrunarhyggju þar
sem alið sé á ótta og hvatti þjóðhöfð-
ingjana til þess að taka höndum sam-
an um að skapa frið.
„Þjóðerniskennd er svik við þjóð-
rækni,“ sagði Macron. „Ræktum
drauma okkar í stað þess að ala á
ótta hvert gegn öðru,“ sagði hann.
Athöfnin var haldin til minningar
um þær milljónir sem létu lífið í
stríðinu. Lásu meðal annars nem-
endur upp úr bréfum hermanna til
fjölskyldna sinna þegar þeir komust
að því að stríðinu væri lokið.
Öld frá lokum síð-
ari heimsstyrjaldar
Trump og Pútín gengu ekki með hinum
AFP
Leiðtogar Emmanuel Macron Frakklandsforseti og eiginkona hans Birgitte
fyrir miðju ásamt ýmsum þjóðhöfðingjum heimsins sem minntust stríðsloka.
Sjaldgæf 850 gramma truffla var
seld fyrir 85 þúsund evrur, rétt tæp-
lega 12 milljónir króna, á uppboði í
ítalska héraðinu Alba. Kaupandinn
er kínverskur.
„Verðið á þessari fágætu trufflu
endurspeglar ekki markaðsverðið,
sem á þessu ári er í kringum 350
evrur fyrir 100 grömm,“ sagði tals-
maður uppboðsins sem haldið er ár-
lega í grennd við ítölsku borgina
Tórínó. „Þetta háa boð má útskýra
bæði af því að ágóðinn rennur til
góðgerðarmála og að 850 gramma
trufflur eru sjaldséðar. Eftir því sem
þær eru stærri verða þær dýrari.“
Hvítu trufflurnar úr Alba-héraði
eru mjög eftirsóttar en uppskeru-
tímabilið er frá 21. september til 31.
janúar.
Í frétt AFP segir að uppskeran í
ár hafi verið með eindæmum góð,
bæði í magni og gæðum, öfugt við
uppskeruna í fyrra sem þótti heldur
dræm. Þetta aukna framboð hefur
leitt til verðlækkana á trufflum, veit-
ingamönnum og matgæðingum til
mikillar gleði.
Á síðasta ári leiddu þurrkar til
uppskerubrests og var þá markaðs-
verð á trufflum á bilinu 600 til 700
evrur fyrir 100 grömm. Í ár fór verð-
ið niður í 250 evrur en stendur nú í
kringum 350, segir í frétt AFP.
Truffla seld
á tólf millj-
ónir króna
Fágæt hvít truffla
var seld á uppboði
AFP
Trufflukaup Kaupandinn heldur á
trufflunni og lyktar af henni.
Andri Steinn Hilmarsson
ash@mbl.is
Fjöldi látinna í skógareldunum sem
hafa geisað í Kaliforníuríki í Banda-
ríkjunum undanfarna daga er á þriðja
tug. 250 þúsund manns hefur verið
gert að yfirgefa heimili sín og mörg
þúsund heimili og fyrirtæki hafa orðið
skógareldum að bráð.
Stærsti skógareldurinn logar við
rætur Sierra Nevada-fjallanna norð-
ur af Sacramento, en sá eldur hefur
brennt 6.700 heimili og fyrirtæki til
grunna í bænum Paradise. Þar hafa
23 dauðsföll verið staðfest, en íbúar
bæjarins eru aðeins 27 þúsund tals-
ins.
Anton Axelsson býr skammt frá
Paradise í bænum Chico ásamt eigin-
konu sinni og sex börnum, en hjónin
opnuðu morgun- og hádegisverðar-
staðinn Old Barn Kitchen í Paradise
fyrir tveimur mánuðum. Þegar Morg-
unblaðið náði tali af honum í gær-
kvöldi hafði hann nýlega fengið upp-
lýsingar um að staðurinn hefði
sloppið við brunann. „Við heyrum að
90 prósent bæjarins séu brunnin til
grunna,“ segir Anton. „Eins og stað-
an er akkúrat núna þá stendur stað-
urinn. Við vorum að fá mjög góðar
fréttir, en það er gjörsamlega allt
brunnið í kringum hann. Það er eins
og að guðirnir hafi verið að líta eftir
veitingastaðnum,“ segir Anton.
„Ég vaknaði á fimmtudagsmorgun
og var að sækja kaffi fyrir konuna
mína áður en ég færi upp eftir. Á leið-
inni sé ég svakalegan reykmökk, en
hann var dálítið í burtu frá bænum
svo ég spáði ekki mikið í það þótt ég
hefði einhverjar áhyggjur,“ segir
Anton. Hann skilaði kaffinu heim til
konunnar í flýti og ók af stað til Para-
dise á veitingahúsið. „Á leiðinni upp
eftir sé ég að eldurinn er búinn að
færast töluvert nær Paradise. Lög-
reglubílar, slökkviliðisbílar og sjúkra-
bílar koma á móti mér og allt vinstra
megin við mig er orðið að báli. Það var
eins og að himinninn breyttist frá
degi í nótt og aska kom yfir bílinn.
Fólk var í örvæntingu að reyna að
komast úr bænum,“ segir Anton en
hann lokaði staðnum og tók allt
starfsfólkið upp í bíl og brunaði út úr
Paradise. „Þegar við leggjum í hann
eru eldarnir komnir alveg upp að
bænum. Það var allt í blossa og það
ríkti mikil ringulreið, en við náðum að
komast í burtu,“ segir hann. „Eldur-
inn breiðir úr sér eins og ég veit ekki
hvað. Ég hef aldrei séð annað eins,“
segir hann.
„Það er sennilega mikið átak fram-
undan. Það mun taka ár eða tvö að
endurbyggja bæinn. Þetta er svaka-
legt áfall bæði fyrir veitingahúsið
okkar og fyrir bæjarfélagið allt. Við
vitum ekki hvort við náum að opna á
næstunni. Allar síma- og rafmagns-
línur eru ónýtar og við vitum ekki
hvort við náum að opna eða hvað.
Fjölskyldan hefur sett upp Go-
FundMe-síðu fyrir okkur til að hjálpa
okkur í gegnum þetta og það er farin
af stað söfnun fyrir bæjarfélagið til að
hjálpa við endurbygginguna.“
Anton segir að fjölskyldan hafi
þurft að yfirgefa heimilið á fimmtu-
dag, en fengið að snúa aftur til baka
síðar um nóttina. „Eldarnir komu
ekki alveg niður að Chico, slökkviliðið
náði að stöðva þá. En það er rosalega
mikill reykur og þetta er alveg hræði-
legt,“ segir hann.
AFP
Skógareldar Dádýr stendur á grunni húss í Paradise sem brann til kaldra kola. Tugir manna hafa látið lífið.
„Gjörsamlega allt brunnið
í kringum veitingastaðinn“
Íslendingur rekur veitingastað á svæðinu sem fór illa í eldunum í Kaliforníu
Ljósmynd/Aðsend
Veitingamenn Anton Axelsson fyrir miðju ásamt eiginkonu sinni Chrystal
Axelsson og Ramon Silva. Þau reka veitingastað í bænum Paradise.