Morgunblaðið - 12.11.2018, Blaðsíða 25

DÆGRADVÖL 25
MORGUNBLAÐIÐ MÁNUDAGUR 12. NÓVEMBER 2018
Stjörnuspá
21. mars - 19. apríl 
Hrútur Viljir þú hafa áhrif og koma sjálfum
þér á framfæri skaltu gera það með því að
vera þú sjálfur. Að ímynda sér hið ómögulega
kemur hugarfluginu af stað.
20. apríl - 20. maí 
Naut Þú nýtur þeirra augnablika sem þú getur
átt í einrúmi með sjálfum þér til fullnustu um
þessar mundir. Róaðu hugann og njóttu kyrrð-
arinnar.
21. maí - 20. júní 
Tvíburar Yfirstandandi ágreiningur gæti kom-
ið róti á heimilislífið. Leitaðu leiða til að bæta
aðstæður fjölskyldu þinnar með einhverjum
hætti.
21. júní - 22. júlí 
Krabbi Þú þarft að ganga í það að leysa ein-
hver verkefni heima fyrir en þau hefur þú látið
sitja á hakanum alltof lengi. Nú ættu hlutirnir
hins vegar að fara að komast á skrið.
23. júlí - 22. ágúst 
Ljón Þú ert að velta fyrir þér viðurhlutamiklu
efni og þarft ekki að örvænta, þótt lausnin
liggi ekki í augum uppi. Hlutirnir eru í góðu
lagi, þótt þeir séu ekki alfullkomnir.
23. ágúst - 22. sept. 
Meyja Þær hindranir sem verða á vegi þínum
eru til þess fallnar að sigrast á þeim en ekki til
þess að stöðvast við. Skelltu skollaeyrum við
slúðri sem vinnufélagar þínir eru að henda á
milli sín.
23. sept. - 22. okt. 
Vog Áður en þú setur afrek einhvers annars á
stall, skaltu hugleiða þín eigin. Líttu í kringum
þig og skoðaðu þá hluti sem þú hefur talið
sjálfsagða til þessa og lærðu að meta þá.
23. okt. - 21. nóv.
Sporðdreki Ef þú vilt breyta einhverju þá
skaltu strax ganga í málin og sannfæra aðra
um ágæti hugmynda þinna. Reyndu umfram
allt að leysa málin á mýkri nótunum.
22. nóv. - 21. des.

Bogmaður Þú stendur á tímamótum og verð-
ur að gera hreint fyrir þínum dyrum. Farðu
varlega og reyndu að gera ekki illt verra.
22. des. - 19. janúar 
Steingeit Það er ódrengilegt af þér að láta
leiðindi yfir gömlum mistökum bitna á sam-
starfsmönnum þínum. Heimurinn er nógu erf-
iður, þótt ekki sé allt upp á alvarlega mátann.
20. jan. - 18. febr. 
Vatnsberi Gefðu þér tíma til að vera einn með
sjálfum þér og rækta andlegu hliðina. Ef eng-
inn getur hlaupið undir bagga með þér verður
þú að gefa einhver verk upp á bátinn.
19. feb. - 20. mars

Fiskar Láttu þér ekki leiðast þótt einhver þér
nákominn virðist fjarlægur þessa dagana.
Kíktu eftir tækifærum til þess að ganga í aug-
un á öðrum eða bæta mannorð þitt.
Skemmtun! Víkverji brá sér í Þjóð-leikhúsið á laugardagskvöldið
þar sem Stuðmenn sungu og léku og
voru í öllu sínu fullveldi. Allir kunnu
lögin; leikhúsgestir klöppuðu, stöpp-
uðu, sungu með og skemmtu sér kon-
unglega. Nærri lét að sumir tækju til
við að tvista, samanber lagið sem
hljómsveitin lék í alveg nýjum takti og
fantagóðri útsetningu. Í salnum mátti
kenna fólk á öllum aldri og úr flestum
kimum þjóðfélagsins sem segir okkur
líka að Stuðmenn eru hljómsveit allra
Íslendinga. Og endirinn á söng-
skemmtun þessari var yndislegur;
fjöldasöngur hvar fólk raulaði saman
Öxar við ána og Popplag í G-dúr.
x x x
Á dögunum var í Bíó Paradís sýndmyndin Bráðum verður bylting
eftir þá Sigurð Skúlason og Hjálmtý
Heiðadal. Hápunktur myndarinnar
er þegar íslenskir stúdentar tóku
sendiráð Íslands í Stokkhólmi yfir
vorið 1970, til þess að vekja athygli á
kröppum aðstæðum sínum. Sama ár
sprengdu Þingeyingar svo stíflu í
Miðkvísl í Mývatnssveit til þess að
sýna í verki andstöðu sína við virkj-
unarframkvæmdir í Laxá. Hvort
tveggja þessa gerðist þegar hart var
á dalnum í þjóðlífinu, en segin saga er
að við slíkar aðstæður skapast ólga í
samfélaginu og mótmælendur láta í
sér heyra. Raunar er mesti veigurinn
í þessari mynd sá að þar eru mál
skoðuð í stóru samhengi við bylting-
arandann sem oft er kenndur við árið
1968. Þetta er fróðleg heimildamynd,
sem borgarastéttin og vinstra fólki
rífst um. Eðlilega!
x x x
Sumarauki. Í ungdæmi Víkverjafyrir 30-40 árum var oft brostið á
með skítaveðri; norðangarra, snjó-
komu og látum um þetta leyti í nóv-
ember. Í dag koma slík vetrarskot
mun sjaldnar, kannski ein til tvær
gusur fyrir áramót en síðan ekki sög-
una meir. Veturinn kemur ekki af
neinni hörku fyrr en í febrúar og
mars. Að minnsta kosti voru margir á
ferðinni í Reykjavík í gær; fólk í
göngutúrum, fjölmenni var í sund-
laugunum og bílastæðin við Kringl-
una og Smáralind alveg stöppuð.
Bara gerist ekki betra!
vikverji@mbl.is
Víkverji
Játið að Drottinn er Guð, hann hefur
skapað oss og hans erum vér, lýður
hans og gæsluhjörð.
(Sálm: 100.3)
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
Áfimmtudag birti Ólafur Stef-ánsson „heimkomukvittun“ á
Leirnum: „Þá erum við, undirrituð
eldri hjón, komin heim eftir mánuð í
sólinni. Það er ekki eins og það sé
tekið út með sældinni. Framfarir til
þæginda ferðamönnum hafa engar
orðið á túristastöðum í suðrinu þau
fjörutíu ár sem ég hef verið að
skreppa þetta. Seinast núna á
þriðjudaginn þurftum við að standa
í tvo og hálfan tíma til að fá innritun
í flugið. Svo eru líka miklar göngur
og langar á flugvöllunum, og ekki
allt betra en í Keflavík. Vantar rana
og fólk látið fara í ógnar stiga og
ganga svo enn aðrar tröppur um
borð, hvað sem á gengur.
Lítið var ort og ekkert af viti,
– enginn þess saknaði.
Tíminn hvarf, það var taumlaus hiti,
– ég tæplega vaknaði.
Ég er búinn að vera svo lengi á
sömu slóðum að ég er löngu farinn
að spá í veðrið , skýjafar og hvaðan
vindurinn stendur. Ef hann dregur
upp um tólfleytið, þá er nokkuð
öruggt að það rofi aftur til um þrjú
og haldist til kvölds. Hins vegar er
erfiðara að spá í mannfólkið.
Úr mér dregur allan mátt,
eirðin burtu flúin.
Sker sig úr á skondin hátt,
Skammkelsstaðafrúin.
Allt er þó gert til hæfis hátt-
virtum gestum, þegar flugvöllunum
sleppir, og hótelfólkið nánast biðst
afsökunar ef ský dregur fyrir sólu
hálfan dag. Þá grípa þeir til kampa-
vínsins við morgunverðarborðið:
Allt er hér í heimi falt,
heilir meðan tórum.
Kampavínið út um allt
– enda rignir stórum.“
Jón Arnljótsson sagði að „sumt í
þessari frásögn vekur upp for-
vitni“:
Þess ég tel að þörf sé brýn,
í þeirri lifi trúnni,
að skenkir okkur skýra sýn
af Skammkelsstaðafrúnni
Og það gerði Ólafur með sínum
hætti:
Siglt var brátt í suðurátt,
sumpart vegu snúna.
Skorti ekki skemmtiþátt,
í Skammkellstaðafrúna.
Ingólfur Ómar orti þessa vísu um
næstsíðustu helgi á leið um Hval-
fjörð í snjókomu og byl:
Heyrast sköll og fellur fjúk,
freðinn völl má líta.
Hamrafjöllin fannadúk
faldar mjöllin hvíta.
Halldór Blöndal
halldorblondal@simnet.is
Vísnahorn
Spáð í veðrið og
mannfólkið
„KLÁRAÐU HEIMAVINNUNA OG
SEGJUM ÞETTA GOTT. ÞÚ GETUR GERT
SKATTASKÝRSLUNA MÍNA Í FYRRAMÁLIÐ.”
„HÚN ER ÚR EKTA KRÓKÓDÍLALEÐRI.”
Ferdinand
Hrólfur hræðilegi
Grettir
... að vilja vera hvíti
riddarinn hennar.
Í klípu eftir Mike Baldwin eftir Jim UngerHermann
ÉG ER
ÞREYTTUR
OG EKKI AÐ
UNDRA …
Í NÓTT FÉKK ÉG EKKI NÓG
AF OF MIKLUM SVEFNI
HRÓLFUR, ÞÚ HEFUR
TALAÐ UM SJÁLFAN ÞIG Í
TUTTUGU MÍNÚTUR!
FYRIRGEFÐUR!
ÉG VAR
SJÁLFSELSKUR!
SEGÐU MÉR HVAÐ ÞÉR FINNST UM MIG!!