Morgunblaðið - 27.11.2018, Blaðsíða 17
FRÉTTIR 17Erlent
MORGUNBLAÐIÐ ÞRIÐJUDAGUR 27. NÓVEMBER 2018
0Marmot®
l>U FINNUR MUNINN!
Featherless d6mu jakki
Vera: 29.995 kr.
Strer5ir: XS-XL
Featherless einangrunin
._., er 75% endurunnin
Kringlan 7 I Laugavegur 11 I Reykjavikurvegur 64 I S: 510 9505 I fjallakofinn.is II@
Vígamenn Ríkis íslams felldu minnst
92 liðsmenn bandalags kúrdískra og
arabískra hreyfinga, sem nefnast
Sýrlensku lýðræðisöflin (SDF), í
austurhluta Sýrlands um helgina. Er
51 almennur borgari einnig sagður
hafa fallið í átökunum, en þetta er
mannskæðasta árás vígamanna á
SDF frá upphafi.
Fréttaveita AFP greinir frá því að
um 500 vopnaðir liðsmenn Ríkis ísl-
ams hafi síðastliðinn föstudag blásið
til stórsóknar gegn liðsmönnum
SDF. Mannfall var mest þann dag-
inn og á laugardag en átökin stóðu
yfir fram á sunnudag. Eru sveitir
SDF sagðar hafa svarað árásinni,
meðal annars með loftárásum, og
fengu þær þá aðstoð frá bandarísk-
um orrustuþotum. Tókst þannig að
berja sókn Ríkis íslams á bak aftur.
Mannréttindahreyfingin Syrian
Observatory for Human Rights, sem
fylgist með stríðinu í Sýrlandi, segir
51 almennan borgara hafa fallið í
þessum átökum, þeirra á meðal 19
börn. Að sögn samtakanna voru
þessir einstaklingar flestir tengdir
vígamönnum Ríkis íslams fjöl-
skylduböndum.
Samkvæmt fréttum frá fréttaveitu
AFP er sjaldgæft að SDF gefi upp
nákvæmar tölur um mannfall í sínum
röðum og gáfu þau ekki yfirlit yfir
mannfall sl. föstudag. Tala látinna
gæti því verið nokkuð hærri.
Fjölmargir féllu í
árás Ríkis íslams
Um 500 vígamenn réðust gegn mönnum SDF í Sýrlandi
AFP
Stríðsátök Flugskeyti skotið í átt að liðsmönnum Ríkis íslams nýverið.
Mikið mannfall varð um helgina í árás vígamanna á sveitir SDF í Sýrlandi.
Úkraínska þingið samþykkti í gær-
kvöld að setja herlög í landinu í
kjölfar þess að Rússar hertóku
þrjú úkraínsk herskip og 23 sjóliða
skammt frá Krímskaganum um
helgina. Petró Pórósjenkó Úkra-
ínuforseti lagði fram tillöguna sem
fól í sér 30 daga herlög. Lögin er
samþykkt voru taka gildi á morg-
un, miðvikudag.
Herlögin færa yfirvöldum um-
talsvert meira vald í hendur en þau
hafa undir venjulegum kringum-
stæðum. Meðal annars geta yfir-
völd sett hömlur á fjölmiðlaum-
fjöllun og lagt bann við fjölda-
fundum. Einhverjir þingmenn hafa
lýst yfir áhyggjum af að Póró-
sjenkó nýti herlögin í eigin þágu en
framundan eru forsetakosningar
eftir áramót. Pórósjenkó tekur fyr-
ir slíkt.
NATO boðaði til neyðarfundar
vegna átaka á Krímskaganum, að
ósk Pórósjenkós sjálfs. Trump
Bandaríkjaforseti hefur undanfarið
rætt það að Bandaríkin þurfi að
senda Úkraínumönnum liðsauka ef
áfram kemur til átaka á svæðinu.
Þá fundaði Öryggisráð Sameinuðu
þjóðanna í New York.
Hiti hefur færst í leikinn eftir að
atburðir helgarinnar komu upp á
yfirborðið. Í Kænugarði hafa mót-
mælendur stillt sér upp fyrir utan
rússneska sendiráðið og mótmælt
aðgerðum Rússa. Þeir bera fyrir
sig að Úkraínumennirnir hafi verið
í leyfisleysi í rússneskri sjóhelgi.
Herlög sett í
Úkraínu í gær
Herlög Pólitískir hópar komu sam-
an við þinghúsið í Úkraínu í gær og
kröfðust þess að sett yrðu herlög.
Hiti færist í leikinn milli Rússa og
Úkraínu NATO boðar til neyðarfundar
Búið er að koma fyrir öflugum súlum við jólamarkaðinn á
Breitscheidplatz, nærri Kurfürstendamm, stærstu verslunar-
götu Berlínar. Er þeim ætlað að koma í veg fyrir að ökutækjum,
allt frá minni fólksbílum upp í stærri vöruflutningabíla, verði
ekið í gegnum mannmergðina á jólamarkaðnum. Þann 19. des-
ember 2016 létust 12 manns og 70 slösuðust, sumir hverjir al-
varlega, þegar flutningabíl var ekið á miklum hraða inn á
markaðinn. Nam bílstjórinn ekki staðar fyrr en hann hafði
keyrt 50-80 metra þar sem fyrir voru gangandi vegfarendur.
AFP
Varnir settar upp við fjölsóttan jólamarkað í Berlín