Morgunblaðið - 28.11.2018, Qupperneq 14

14 FRÉTTIRInnlent
MORGUNBLAÐIÐ MIÐVIKUDAGUR 28. NÓVEMBER 2018
Hólshraun 3 · 220Hafnarfjörður · Símar: 555-1810, 565-1810 · Netfang: veislulist@veislulist.is · www.veislulist.is
Nú gefst þér tækifæri til að gleðja starfsfélaga, fjölskyldu
og vini með konunglegum kræsingum frá Veislulist
Starfsfólk okkar leggur sig fram um að gera stundina fallega með
úrvals veitingum og persónulegri og góðri þjónustu.
Hlaðborð fyrir allar stærðir af hópum.
Þrjár mismunandi steikur ásamt meðlæti.
Hlaðborð fyrir allar stærðir af hópum.
Konunglegar kræsingar.
Hlaðborð fyrir allar stærðir af hópum.
Hátíðlegir smáréttir.
Jólasteikur Jólahlaðborð 1&2 Jólasmáréttir
Jólahlaðborð
Jólin 2018
Viðkoma rjúpna var áberandi lítil á
Vesturlandi í sumar samkvæmt því
sem lesið hefur verið úr fyrstu
vængjasýnum af veiddum rjúpum
þetta haustið. Viðkoman var hins
vegar góð á Norðausturlandi en mun
lakari annars staðar á landinu. Þetta
má lesa í pósti sem Ólafur K. Niel-
sen, vistfræðingur og rjúpnasér-
fræðingur hjá Náttúrufræðistofnun
Íslands, sendi rjúpnavinum eftir að
rjúpnaveiðitímabilinu lauk um síð-
ustu helgi.
Þá var búið að aldursgreina 982
rjúpur úr veiðinni í haust og má sjá
niðurstöðurnar í meðfylgjandi töflu.
Ólafur kvaðst gera ráð fyrir að fá
rétt innan við 2.000 vængi til viðbót-
ar til aldursgreiningar eftir haustið.
Rjúpnaskyttur eru hvattar til að
senda Ólafi hjá Náttúrufræðistofnun
Íslands annan væng veiddra rjúpna.
Halda þarf aðskildum vængjum af
rjúpum frá mismunandi landshlut-
um. Merkja þarf pokana með veiði-
svæði, nafni veiðimannsins og tölvu-
póstfangi hans. Allir sem skila
vængjum fá greiningu á sínum afla
og upplýsingar um niðurstöður þeg-
ar þær liggja fyrir hverju sinni.
Þessar aldursgreiningar úr veiði
ásamt upplýsingum úr veiði-
skýrslum og öðrum gögnum gera
vísindamönnum kleift að meta stofn-
stærð og afföll rjúpunnar.
gudni@mbl.is
Rjúpnavængir
segja til um aldur
Rjúpnaveiðin 2018 – aldursgreining Heimild: NÍ
Landshluti Fullorðnir Ungfuglar Samtals % ungfuglar Ungar á kvenfugl
Vesturland 69 94 163 58% 2,7
Vestfirðir 70 219 289 76% 6,3
Norðvesturland 13 26 39 67% 4,0
Norðausturland 95 338 433 78% 7,1
Austurland 0 0 0 0%
Suðurland 16 42 58 72% 5,3
Ógreint 0 0 0 0%
Samtals 263 719 982 73% 5,5
Á síðasta fundi borgarráðs var sam-
þykkt kauptilboð í eignina Granda-
garður 1A á Granda. Húsið er 216
fermetrar og tvær hæðir. Seljandi er
Sínus-fasteignir ehf. Kaupverðið er
86.400.000 krónur. Þá heimilaði
borgarráð að verja 120 milljónum til
breytinga og búnaðarkaupa.
Húsnæðið verður notað sem neyð-
arskýli fyrir unga heimilislausa
karla í vímuefnaneyslu og verður
framleigt til velferðarsviðs. Stefnt er
að því að neyðarskýlið verði opið frá
kl. 17 til klukkan 10 næsta dag og
hægt verði að taka á móti 15 ein-
staklingum í einu. Rekstrarkostn-
aður er áætlaður 115 milljónir á ári.
Á fundi velferðarráðs borgarinnar
16. ágúst sl. var samþykkt tillaga um
að koma á fót nýju neyðarskýli fyrir
unga heimilislausa vímuefnaneyt-
endur og eru kaupin til að koma til
móts við þá samþykkt. Í greinargerð
sem lögð var fyrir fund ráðsins kem-
ur m.a. fram að með nýju neyðar-
skýli verði hægt að auka stuðning
við unga einstaklinga sem eru heim-
ilislausir og glíma við áfengis- og
vímuefnavanda og/eða geðræn veik-
indi. Ungum mönnum sem neyta
vímuefna um æð hafi fjölgað í Gisti-
skýlinu við Lindargötu á undan-
förnum árum. Þessi hópur eigi að
mörgu leyti ekki samleið með eldri
hópum, sem séu fyrst og fremst í
áfengisneyslu. Þeir hópar séu jafn-
framt í þörf fyrir meiri þjónustu
vegna aldurs og margs konar heilsu-
farsvandamála.
Í bókun fagnaði borgarráð því að
búið sé að finna hentugt húsnæði
undir neyðarskýli fyrir unga heim-
ilislausa vímuefnaneytendur. Opnun
neyðarskýlisins sé mikilvæg og jafn-
framt skaðaminnkunarúrræði.
„Réttur til bestu mögulegu heilsu
eru mannréttindi og allir eiga að
geta átt gott líf í samfélaginu okkar
og eiga rétt á þjónustu og stuðningi
á eigin forsendum,“ segir í bókun-
inni. sisi@mbl.is
Morgunblaðið/Eggert
Lindargata Í húsinu hefur borgin rekið gistiskýli undanfarin ár fyrir karla
sem eru í neyslu. Stefnt er að því að þar muni eldri hópar karla eiga athvarf.
Aðskilja ólíka hópa
sem eru í neyslu
Grandagarður Þar verður innréttað
athvarf fyrir unga karla í neyslu.
VIÐTAL
Hjörtur J. Guðmundsson
hjortur@mbl.is
Forgangsmál Atlantshafsbandalags-
ins (NATO) er að tryggja að banda-
lagið hafi yfirhöndina gagnvart
Rússlandi og öðrum þeim sem
kunna að ógna öryggi aðildarríkja
þess. Þetta sagði bandaríski hers-
höfðinginn Curtis Michael Scap-
arrotti, yfirhershöfðingi NATO í
Evrópu, en hann var staddur hér á
landi í byrjun vikunnar til þess að
ræða við íslenska ráðamenn.
Spurður um stöðuma á Norður-
Atlantshafi sagði Scaparrotti að
mikilvægi þess svæðis og norður-
slóða væri í forgrunni á ný eins og
sjá mætti meðal annars af ákvörð-
unum sem teknar hefðu verið á síð-
ustu ársfundum NATO. Þar hefði Ís-
land sem fyrr mikilvægu hlutverki
að gegna. Áherslan hefði ennfremur
verið á breyttar aðstæður þar sem
öryggismálin væru háð meiri breyt-
ingum en áður. Tæknin væri meðal
annars að breytast og hernaðar-
aðferðir væru að breytast að sama
skapi.
Áhersla á færanlegar sveitir
Hershöfðinginn sagði þessar
breytingar ekki síst felast í því að
NATO stæði á ný frammi fyrir ör-
yggisógn frá Rússlandi. Scaparrotti
segir landfræðilega legu Íslands fyr-
ir vikið skipta miklu máli eins og áð-
ur. Rússar hafi verið að nútímavæða
her sinn á undanförnum árum og þá
ekki síst sjóherinn. Þá einkum kaf-
bátaflota sinn. NATO þyrfti því að
tryggja yfirburði sína í þeim efnum.
Landfræðileg lega Íslands og sú
aðstaða sem fyrir hendi væri hér á
landi skipti miklu máli í þeim efnum,
að sögn Scaparrottis. Þá ekki síst
staða landsins sem ákveðin brú í
GIUK-hliðinu svonefnda, það er haf-
svæðinu á milli Grænlands og Ís-
lands og Íslands og Bretlands. Það
skipti NATO miklu máli varðandi
möguleika bandalagsins þegar kæmi
að aðgeðum bæði á legi og í lofti.
Spurður hvort NATO þyrfti að
auka viðveru sína á Íslandi að hans
mati sagði Scaparrotti að ljóst væri
að starfsemi bandalagsins hefði auk-
ist hér á landi samhliða vaxandi ógn
frá Rússlandi. Aukin viðvera væri
annað mál. Hins vegar væru aðrar
aðstæður en voru á árum áður þar
sem kerfi NATO væru langdrægari
en áður og bandalagið legði aukna
áherslu á færanlegar hersveitir.
Varnir Íslands alltaf í skoðun
Hershöfðinginn var einnig spurð-
ur að því hversu góða yfirsýn NATO
hefði einkum þegar kæmi að ferðum
rússneskra kafbáta um Norður-
Atlantshafið í kringum Ísland. Scap-
arrotti sagði að bandalagið hefði
langa reynslu í þeim efnum. Áhersl-
an væri á það að vera skrefi á undan
Rússum sem aftur þýddi að halda
þyrfti áfram að tryggja að NATO
hefði yfirhöndina í þeim efnum.
Spurður hvort loftrýmisgæslan,
sem komið var á hér á landi til þess
að tryggja varnir Íslands eftir að
bandarísku herstöðinni var lokað ár-
ið 2006, væri að hans mati nægjan-
leg til þess að tryggja öryggi lands-
ins og varnarhagsmuni NATO í
heild sagði Scaparrotti að loftrýmis-
gæslan hefði verið það sem talið var
mæta þessum þörfum á sínum tíma
þegar henni var komið á.
Hershöfðinginn sagði að hins veg-
ar væri ljóst að aðstæður væru háð-
ar stöðugum breytingum og fyrir
vikið væri loftrýmisgæslan eins og
annað í stöðugri skoðun.
Geti brugðist við stöðunni
Spurður hvort hann væri sam-
mála þeirri skoðun sem heyrst hefði,
meðal annars hjá sérfræðingum á
sviði öryggis- og varnarmála, að það
hefðu verið mistök að loka herstöð-
inni, einkum þegar litið væri til
baka, sagði hann mestu skipta í þeim
efnum að tryggja að hægt væri að
bregðast við stöðu öryggismála á
hverjum tíma, hver sem hún kynni
að vera, og hafa þá aðstöðu hér á
landi sem nauðsynleg væri til þess.
Tryggja þurfi yfirburði
NATO gagnvart Rússum
 Norður-Atlantshafið og norðurslóðir í forgrunni á ný
Morgunblaðið/Hari
Foringi Curtis Michael Scaparrotti, yfirhershöfðingi NATO í Evrópu, heim-
sótti Ísland fyrr í vikunni og átti fundi með íslenskum ráðamönnum.