Morgunblaðið - 15.12.2018, Síða 24

24 FRÉTTIRErlent
MORGUNBLAÐIÐ LAUGARDAGUR 15. DESEMBER 2018
AUTHORISED DEALER
Wyndham Parka
114.990 kr.
Rossclair Parka
119.990 kr
Langford Parka
119.990 kr
Vegfarendur í Strassborg lögðu leið sína að jólamark-
aði borgarinnar í gær og lögðu þar blóm og kerti og
sýndu annan virðingarvott gagnvart fórnarlömbum
hryðjuverkamannsins Cherif Chekatt. Staðfest var í
gær að fjórða fórnarlamb Chekatts hefði látist á
sjúkrahúsi af sárum sínum og eru þrír enn í lífshættu.
Jólamarkaðurinn var opnaður á ný í gær, eftir að
staðfest hafði verið að Chekatt hefði fallið í átökum við
lögregluna í fyrrakvöld, eftir tveggja daga ákafa leit.
Höfðu þá borist um 800 ábendingar um mögulegan
dvalarstað hans. Reyndust tvær þeirra réttar, sem
leiddi lögregluna að Neudorf-hverfinu, þar sem þrír
lögreglumenn fundu Chekatt á gangi. Þegar hann náði
ekki að komast undan þeim snerist hann á hæli og hóf
skothríð á lögreglumennina. Tveir þeirra svöruðu fyrir
sig og lá Chekatt örendur eftir.
AFP
Minntust fórnarlamba Chekatts
Michael Cohen, fyrrverandi lögfræð-
ingur Donalds Trump Bandaríkja-
forseta, sagði í sjónvarpsviðtali við
fréttastofu ABC-sjónvarpsstöðvar-
innar í gær að Trump hefði vitað að
það væri rangt að bjóða tveimur kon-
um, sem sögðust hafa verið í tygjum
við hann, peningagreiðslur í skiptum
fyrir þögn þeirra.
Cohen var dæmdur í þriggja ára
fangelsi á miðvikudaginn var fyrir
margvísleg lögbrot í starfi, en hann
mun hefja afplánun sína í mars á
næsta ári. Cohen var meðal annars
sakfelldur fyrir að hafa notað fé, sem
eyrnamerkt var kosningabaráttu
Trumps, til þess að kaupa þögn
klámstjörnunnar Stormy Daniels
um meint samskipti hennar við
Trump, en slíkt er brot á reglum um
fjármál stjórnmálaflokka í Banda-
ríkjunum.
Þá ítrekaði Cohen að ekkert hefði
verið gert án vitneskju Trumps, þar
sem allt sem gerðist í fyrirtækjum
hans væri borið undir hann. „Hann
skipaði mér að framkvæma þessar
greiðslur, hann fyrirskipaði mér að
kafa ofan í þessi mál,“ sagði Cohen
um greiðslurnar.
Þá sagði Cohen að hann teldi ekki
að forsetinn hefði sagt allan sann-
leikann um tengsl framboðs síns við
öfl í Rússlandi í aðdraganda kosning-
anna. Hann vildi þó ekki svara nánar
um þetta atriði þar sem hann sagðist
ekki vilja tefla í tvísýnu rannsókn
sérstaks saksóknara og fleiri á Rúss-
landstengslunum.
Cohen átti að kunna lögin
Forsetinn hefur fordæmt Cohen á
samfélagsmiðlum sínum og sagt að
hann hafi veitt sér ranga lögfræði-
lega ráðgjöf. „Hann var lögfræðing-
ur og á að kunna lögin,“ sagði Trump
á fimmtudaginn. Bætti forsetinn við
að hann hefði aldrei fyrirskipað Co-
hen að brjóta lögin. Rudolph Giuli-
ani, fyrrverandi borgarstjóri New
York og einn af lögfræðingum
Trumps, sagði eftir að dómur féll að
Cohen væri „raðlygari“ og að ekkert
mark væri á honum takandi.
sgs@mbl.is
Cohen snýst
gegn Trump
 Sakar forsetann um að hafa vitað af
lögbrotum  Trump fordæmir Cohen
AFP
Dæmdur Michael Cohen yfirgefur
dómssalinn á miðvikudaginn.