Morgunblaðið - 20.12.2018, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 20. DESEMBER 2018
Njóttu
jólanna
MEÐ
LÍN DESIGN
SMÁRATORGI | KRINGLAN | GLERÁRTORGI | LINDESIGN.IS
„Þessi borgarstjórn er að hrekja alla
í burtu með götulokunum. Búðin mín
hefur verið í miðbænum frá árinu
1965 en nú hef ég fengið nóg og hef
ákveðið að flytjast annað,“ segir
Sverrir Bergmann, eigandi Herra-
hússins Adams á Laugavegi, sem nú
hefur ákveðið að flytja verslunina í
Ármúla.
Hann segir að fjölmargar verslan-
ir hafi þurft að flytjast á brott síð-
ustu ár sökum stefnu borgaryfir-
valda. Þá hafi væntanlegar
götulokanir í miðbænum verið korn-
ið sem fyllti mælinn. „Það á að loka
öllum götum við Snorrabraut á
næsta ári skilst mér auk fleiri breyt-
inga. Það er ekki hægt að una við
þetta lengur,“ segir Sverrir.
Spurður um hvaða ástæður geti
legið að baki aðgerðum borgaryfir-
valda telur Sverrir að með þessu sé
verið að reyna að hamla notkun og
umferð bifreiða. „Þau hatast við bíla
og vilja að fólk sé annaðhvort gang-
andi eða hjólandi. Þar skiptir engu
hvort fólk er á hækjum eða hvað,
þeir vilja bara ekki hafa bíla,“ segir
Sverrir og bætir við að hann hafi
komið athugasemdum sínum á fram-
færi við forseta borgarstjórnar, Þór-
dísi Lóu Þórhallsdóttur, við dræmar
undirtektir. „Ég fór á fund með
henni seint í sumar ásamt nokkrum
öðrum verslunareigendum. Þar var
henni tjáð að verið væri að loka Bella
Boutique á Skólavörðustígnum því
alltaf þegar götum væri lokað á vorin
dytti veltan niður. Hún svaraði með
því að spyrja hvort þessi búð félli
nokkuð inn í flóruna. Svona viðhorf
er ekki hægt að líða,“ segir Sverrir.
aronthordur@mbl.is
Flytur Herrahúsið vegna
stefnu borgarstjórnar
 Opnar í Ármúla eftir rúmlega fimmtíu ár í miðbænum
Morgunblaðið/Ómar
Miðbær Ákveðið hefur verið að flytja
Herrahúsið Adam úr miðbænum.
Baldur Arnarson
Hjörtur J. Guðmundsson
Arnar Þór Ingólfsson
Katrín Jakobsdóttir forsætisráð-
herra kveðst fylgjandi því að hefja
með vorinu uppbyggingu húsnæðis
fyrir tekjulága einstaklinga. Þörfin
fyrir slíkt húsnæði sé mikil.
Rætt er um þúsundir íbúða í
þessu efni. Slíkur fjöldi gæti haft
veruleg áhrif á húsnæðis-, bygging-
ar- og vinnumarkaði á næstu árum.
Katrín stýrði samráðsfundi full-
trúa launþega, atvinnurekenda og
stjórnvalda í Ráðherrabústaðnum í
gær. „Við vorum með þrjú mál á
dagskrá. Við vorum með mál sem
við erum að ljúka, sem við settum af
stað í janúar, um launatölfræði. Nið-
urstaða þess hóps er að það verði
sett á laggirnar föst launatölfræði-
nefnd með fulltrúum allra aðila sem
skili árlegri skýrslu um launaþróun.
Það er gríðarlega mikið ánægju- og
framfaramál myndi ég segja,“ segir
Katrín og nefnir annað mál.
Endurskoðun peningastefnu
„Við vorum með kynningu á stöðu
mála hvað varðar endurskoðun laga
um Seðlabankann og endurskoðun
peningastefnu. Síðan vorum við með
stöðumat frá átakshópi um húsnæð-
ismál sem á að skila af sér í janúar.
Sem er auðvitað risamál. Ég er
mjög bjartsýn eftir þá kynningu að
það verði tillögur sem skipti veru-
legu máli til að mæta húsnæðis-
vandanum,“ segir Katrín en sam-
kvæmt erindisbréfi er miðað við að
húsnæðistillögurnar liggi fyrir 20.
janúar.
Fram kom á fundinum að hús-
næðishópurinn áætlar að það vanti
5-8 þúsund íbúðir á markaðinn til að
mæta eftirspurn á landinu. Til sam-
anburðar áætla Samtök iðnaðarins
að 2.100 íbúðir verði fullgerðar á
höfuðborgarsvæðinu í ár og um
2.200 og 2.700 á næstu tveimur ár-
um. Tekið skal fram að tillögurnar
eru í mótun.
Áformin mögulega endurmetin
Katrín kveðst sömuleiðis hafa
boðað að rætt yrði um endurskoðun
stjórnvalda á tekjuskattskerfinu á
næsta fundi samráðshópsins í jan-
úar. Hún segir aðspurð ljóst að
áform um skattalækkanir kunni að
verða endurmetin ef staða efna-
hagsmála reynist ekki vera jafn
hagfelld á næsta ári og gert var ráð
fyrir.
„Það er auðvitað alveg ljóst að
endurskoðun stjórnvalda á tekju-
skattskerfinu snýst auðvitað um
kerfisbreytingar og hvernig við get-
um gert kerfið þannig að það tryggi
jöfnuð og tekjuöflun. En skattpró-
sentan á hverjum tíma hlýtur auð-
vitað alltaf að ráðast af stöðu efna-
hagsmála og svigrúmi í
ríkisfjármálum. Okkar fjármála-
áætlun miðast við að það sé svigrúm
til skattalækkana, en að sjálfsögðu
þarf það að taka mið af þróun efna-
hagsmála … Það liggur fyrir að við
erum með svigrúm í okkar fjármála-
áætlun sem gerir ráð fyrir skatta-
breytingum sem eiga að gagnast
fyrst og fremst tekjulægri hópum
og lægri millitekjuhópum.“
Varðandi húsnæðismálin bendir
Katrín á að verkalýðshreyfingin hafi
talað fyrir því að sá málaflokkur
geti verið mikilvægt innlegg í samn-
ingaviðræður. „Þetta er auðvitað
stórmál, sérstaklega fyrir tekjulága
hópa sem hafa búið við mikið óör-
yggi á húsnæðismarkaði,“ segir
Katrín sem kveðst aðspurð vonast
til að fyrstu aðgerðirnar hefjist í
vor.
Drífa Snædal, forseti ASÍ, sat
einnig á samráðsfundinum.
Hún segir lausn þessara kjara-
samninga liggja í húsnæðis- og
skattamálum. Vonir séu bundnar við
að skattatillögurnar komi í janúar.
„Það er svekkjandi að skattahóp-
ur ríkisstjórnarinnar sé ekki kom-
inn lengra en raun ber vitni. Það var
ekkert ákveðið á þessum fundi.
Þetta var samráð. Það var verið að
kynna ýmislegt veigamikið en þó
engar beinar tillögur,“ segir Drífa.
Hún segir aðspurð að fulltrúar
ríkisstjórnarinnar hafi ekki sýnt á
spilin varðandi kjarasamningana.
Lítið hafi þokast í viðræðunum.
Samningaviðræður séu nú „á kaót-
íska stiginu“. Hvorki hafi verið rætt
um laun né vinnutíma, enda ekki um
samningafund að ræða.
Spurð hvers vegna breytingar á
launavísitölu myndu skipta máli vís-
ar Drífa til framfærslukostnaðar.
„Það vantar ákveðin gæði í launa-
vísitöluna. Við höfum hins vegar líka
bent á að launavísitalan segir ekki
allt. Það þarf að taka tillit til lífs-
kjara almennt, hvað fer út úr launa-
umslaginu. Um það snýst svolítið
kjarabaráttan núna. Þótt við höfum
fengið ríflegar hækkanir í síðustu
kjarasamningum hefur húsnæðis-
verðið gleypt það upp,“ segir Drífa.
Hægt að auka stofnframlögin
Varðandi húsnæðismálin segir
hún strax hægt að auka stofnfram-
lög til leiguíbúða og stuðla þannig
að auknu framboði þeirra á mark-
aði. Mörg félög hafi enda sótt um
hærri stofnframlög en nú séu í boði
í gegnum Íbúðalánasjóð.
„Það hefði verið aðgerð sem hægt
hefði verið að fara í strax. Það er
greinilega geta og vilji til að byggja
meira af hagstæðum íbúðum en
verið er að byggja,“ segir Drífa.
Hún segir ljóst að aðildarfélög Al-
þýðusambandsins séu í mismunandi
takti varðandi hvort vísa eigi kjara-
deilunni til ríkissáttasemjara eða
hvort bíða eigi og sjá hvort við-
ræður eftir áramót beri árangur.
Húsnæðisáætlunin í gang í vor
 Forsætisráðherra vonast til að aðgerðir vegna uppbyggingar íbúða fyrir tekjulága hefjist með vorinu
 Rætt um 5-8 þús. íbúðir  Forseti ASÍ segir leitt að skattatillögur komu ekki fram á samrásðfundi
Morgunblaðið/Eggert
Í Ráðherrabústaðnum Katrín stýrði fundi með fulltrúum launþega, atvinnurekenda og stjórnvalda. M.a. sátu for-
menn ASÍ, BSRB, VR og BHM fundinn. Þar voru forsætisráðherra, fjármálaráðherra og samgönguráðherra.
Samtal við Bjarna Benediktsson
fjármála- og efnahagsráðherra í
Morgunblaðinu í gær varð til-
efni harðorðra yfirlýsinga frá
formanni VR og miðstjórn ASÍ.
Sagði Bjarni að ekki yrði ráð-
ist í skattalækkanir í kjölfar
„óábyrgra“ kjarasamninga.
Bjarni sagði í samtali við
mbl.is í gærkvöldi að hann hefði
á fundinum í gær lýst furðu
sinni á því að menn gæfu út
slíkar yfirlýsingar. Stjórnvöld
ætluðu sér og hefðu skyldu til
að vinna að stöðugleika í efna-
hagsmálum og ekki láta Seðla-
bankann einan um það verkefni.
Stuðli að
stöðugleika
STEFNA STJÓRNVALDA
Ragnar Þór Ingólfsson, formaður VR, segir aðspurður
„alltof snemmt að spá fyrir um“ hvort verkföll kunni að
vera í kortunum vegna deilna á vinnumarkaði. Margt sé
að gerjast innan verkalýðshreyfingarinnar og meðal
annars séu skiptar skoðanir um hvort vísa eigi deilunni
til ríkissáttasemjara eða ekki. Ragnar sat samráðs-
fundinn í Ráðherrabústaðnum.
„Við höfum verið þeirrar skoðunar að það hafi … í
raun ekkert komið fram um svigrúm frá Samtökum at-
vinnulífsins og stjórnvöldum sem sýnilega gæti gert
það að verkum að við gætum haldið mikið lengra áfram
á þessum vettvangi. En það er alltof snemmt að segja
til um hvort það komi til einhverra átaka eða ekki.“
Spurður um mögulegt samflot með öðrum stéttar-
félögum segir Ragnar að málið sé flókið. Hugsa þurfi
allar ákvarðanir og alla leiki vel fram í tímann.
„Mín skoðun er sú að eftir því sem við erum fleiri og
eftir því sem við erum sameinaðri séum við sterkari og
höfum meiri slagkraft,“ sagði Ragnar Þór.
Vilhjálmur Birgisson, formaður Verkalýðsfélags
Akraness, segir stöðuna í kjaraviðræðunum alvarlega.
„Við vorum að vonast til þess að ríkisstjórnin myndi
kynna einhverjar breytingar á skattkerfinu sem kæmi
lágtekjufólki og millitekjuhópum til góða en það liggur
ekkert fyrir í þeim efnum og verður ekki klárt fyrr en
einhvern tímann í janúar. Ég skal alveg fúslega viður-
kenna að þegar nokkrar mínútur eru þar til kjarasamn-
ingar renna út er maður ekkert rosalega bjartsýnn
þessa stundina. Mér finnst mjög undarlegt miðað við
þá alvarlegu stöðu sem er uppi á íslenskum vinnumark-
aði að það skuli ekki hafa komið einhvers konar drög
sem hefðu kannski getað mildað verkalýðshreyfinguna
í þeim viðræðum sem framundan eru,“ sagði Vilhjálmur
en ítarlegra samtal við hann er að finna á mbl.is.
Of snemmt að spá hvort verkföll séu í kortunum
FORMAÐUR VR SEGIR STÖÐUNA FLÓKNA