Fréttablaðið - 18.03.2019, Blaðsíða 36

Haukar - ÍR 31-29
Markahæstir: Adam Haukur Baumruk 8,
Daníel Ingason 5, Heimir Óli Heimisson 5 -
Björgvin Þór Hólmgeirsson 6, Kristján Orri
Jóhannsson 5, Arnar Freyr Guðmundsson 5.
Akureyri - Grótta 25-23
Markahæstir: Patrekur Stefánsson 8,
Leonid Mykhailiutenko 5, Jóhann Geir
Sævarsson 5 - Brynjar Jökull Guðmundsson
7, Arnar Jón Agnarsson 4.
Fram - Stjarnan 24-29
Markahæstir: Þorsteinn Gauti Hjálmarsson
6, Andri Þór Helgason 6, Valdimar Sigurðs-
son 3 - Aron Dagur Pálsson 9, Egill Magnús-
son 7, Ari Magnús Þorgeirsson 3.
FH - Afturelding 22-22
Markahæstir: Bjarni Ófeigur Valdimars-
son 6, Ásbjörn Friðriksson 6, Arnar Freyr
Ársælsson 4 - Finnur Ingi Stefánsson 5, Tumi
Steinn Rúnarsson 5.
Nýjast
Olís-deild karla
Efri
Haukar 29
Selfoss 26
Valur 25
FH 25
Afturelding 19
ÍBV 17
Neðri
Stjarnan 15
ÍR 14
KA 13
Fram 11
Akureyri 10
Grótta 8
Olís-deild kvenna
Efri
Valur 32
Fram 29
Haukar 23
ÍBV 23
Neðri
KA/Þór 19
Stjarnan 13
HK 9
Selfoss 4
Stjarnan - HK 23-22
Markahæstar: Þórey Anna Ásgeirsdóttir 12,
Laufey Ásta Guðmundsdóttir 4, Rakel Dögg
Bragadóttir 2 - Díana Kristín Sigmarsdóttir
6, Berglind Þorsteinsdóttir 5.
Selfoss - ÍBV 19-28
Markahæstar: Hrafnhildur Hanna Þrastar-
dóttir 5, Sara Boye Sörensen 4, Perla Ruth
Albertsdóttir 3 - Ester Óskarsdóttir 9, Greta
Kavaliuskaite 5, Arna Sif Pálsdóttir 4.
Haukar - Valur 25-32
Markahæstar: Berta Rut Harðardóttir 7,
Karen Dögg Díönudóttir 5, Ramune Pekar-
skyte 6 - Lovísa Thompson 6, Gerður Arin-
bjarnar 5, Morgan Marie Þorkelsdóttir 3.
1 8 . M A R S 2 0 1 9 M Á N U D A G U R
SPORT
FORMÚLA 1 Þegar sviðsljósið var á
Lewis Hamilton, Sebastian Vettel,
Max Verstappen og Daniel Ricci­
ardo var það  finnski ökuþórinn
Valtteri Bottas sem reyndist hlut­
skarpastur í fyrsta kappakstri árs­
ins í Formúlu 1 um helgina þegar
hann kom fyrstur í mark í Mel­
bourne, Ástralíu.
Í aðdraganda kappakstursins í
Ástralíu voru augu f lestra á Lewis
Hamilton. Breski ökuþórinn á
Mercedes­bílnum hefur verið í sér­
f lokki undanfarin ár og eftir fjóra
heimsmeistaratitla á undanförnum
fimm árum var komið að því að gera
atlögu að metum Michaels Schu­
macher. Hamilton sjálfur reyndi
að dreifa athyglinni í aðdraganda
kappakstursins og setja pressu á
Ferrari sem komu hvað best út úr
æfingunum í Barcelona en það var
Bottas sem stal sviðsljósinu.
Hamilton var langf ljótastur á
æfingum fyrir helgi og fylgdi því
eftir með því að ná ráspól, þeim 84.
á ferlinum á laugardaginn, um tíu
sekúndubrotum á undan liðsfélaga
sínum hjá Mercedes, Bottas.
Í kappakstrinum sjálfum var
það Bottas sem komst fram fyrir
Hamilton strax í upphafi og átti
óaðfinnanlegan dag. Bottas kom í
mark á 1:25,27 og var með tuttugu
sekúndna forskot á liðsfélaga sinn,
Hamilton sem þurfti að einbeita
sér að því að halda aftur af Max
Verstappen í stað þess að eltast við
Bottas.
Þá fékk Bottas aukastig fyrir fljót­
asta hringinn í kappakstrinum í
tvöföldum sigri Mercedes en Ferrari
þurfti að láta fjórða og fimmta sætið
duga í fyrsta kappakstri ársins.
Bottas, sem náði ekki að fylgja
eftir frábæru tímabili í fyrra, var
að vonum í skýjunum eftir fyrsta
kappakstur ársins.
„Það er erfitt að útskýra hvað fór
úrskeiðis andlega á síðasta tímabili
en það breyttist eitthvað í vetur.
Þetta var besta frammistaða mín
frá upphafi. Bíllinn var fullkominn
og ég naut þess að keyra í dag,“ sagði
Bottas í samtali við fjölmiðlamenn
eftir kappaksturinn.
Næsti kappakstur fer fram í olíu­
ríkinu Barein eftir tvær vikur og fá
liðin því nú viku til að fínstilla bíl­
inn og fara yfir hvað fór úrskeiðis í
kappakstri helgarinnar. Miðað við
fyrsta kappaksturinn skyldi enginn
afskrifa að ökuþór frá Mercedes
vinni sjötta árið í röð. – kpt
Óaðfinnanlegur dagur hjá Finnanum Bottas
Bottas kemur fyrstur í mark í Melbourne um helgina. NORDICPHOTOS/GETTY
MMA Gunnar Nelson mátti sætta
sig við fjórða tap ferilsins eftir að
dómaraþríeykið úrskurðaði Leon
Edwards sigur í búrinu á UFC bar­
dagakvöldi í London um helgina. Er
þetta fjórða tap Gunnars á ferlinum
og það fjórða í síðustu átta bar­
dögum en á sama tíma tókst Leon
að vinna sjöunda bardagann í röð.
Síðan Leon tapaði gegn núverandi
veltivigtarmeistaranum Kamaru
Usman hefur Leon barist sjö sinn­
um og unnið alla þá bardaga, þar
af fimm sinnum á dómaraúrskurði
og má búast við að hann fái titil­
bardaga innan skamms með þessu
áframhaldi á meðan óvíst er hvaða
bardaga Gunnar fær næst.
Keppt var í heimalandi Edwards
en það var ekki að heyra því Íslend­
ingar sem fjölmenntu til London
til að styðja við bakið á Gunnari
létu vel í sér heyra. Virtist oft sem
Íslendingurinn væri á heimavelli en
ekki Edwards.
Fyrsta lotan um helgina var jöfn,
Gunnar var sókndjarfari framan
af og sóttist eftir því að koma Leon
í gólfið sem Leon var að reyna að
forðast. Þegar Gunnar náði að koma
Leon í gólfið eftir rúma mínútu var
Leon vel undir það búinn og komst
fljótlega á fætur á ný. Edwards náði
að koma Gunnari í erfiða stöðu og
skellti honum í gólfið þegar fyrsta
lotan var hálfnuð en Gunnar náði
að verjast vel þrátt fyrir erfiða
stöðu. Leon náði inn á milli að koma
að höggum sem skiluðu honum
eflaust sigri í fyrstu lotunni.
Í annarri lotu var það aftur Gunn­
ar sem reyndi að sækja og koma
bardaganum í gólfið á meðan þeir
skiptust á höggum. Á lokamínútu
annarrar lotu náði Gunnar góðum
höggum en Edwards svaraði með
olnbogaskoti sem kom Gunnari úr
jafnvægi. Við það komst Edwards
í lykilstöðu og lét höggin dynja á
Gunnari síðustu tuttugu sekúndur
lotunnar þegar Gunnar neyddist
til að verjast úr gólfinu en Gunnari
tókst að lifa af síðustu sekúndurnar.
Það var því ljóst að Gunnar þurfti
að klára bardagann í þriðju lotu og
hélt Gunnar áfram að sækja strax
í upphafi lotunnar en Edwards
tókst enn og aftur að sleppa vel
þegar Gunnar kom honum upp að
búrinu. Var lotan því jöfn þar til á
lokamínútunni þegar Gunnar náði
að skella Leon í gólfið og reyndi að
ná stöðu til að vinna bardagann en
Edwards stóðst árásir Gunnars og
hélt sjó síðustu mínútuna.
„Ég er afar sáttur með frammi­
stöðuna mína gegn góðum mót­
herja í Gunnari Nelson. Ég ber
mikla virðingu fyrir Gunnari eftir
frábæran bardaga og ég hlakka
til að sjá hann berjast á ný,“ sagði
Leon á Twitter­síðu sinni eftir
bardagann eftir að hafa kallað
Gunnar einn besta glímukappa
veltivigtardeildarinnar í viðtölum
eftir bardagann á laugardaginn.
kristinnpall@frettabladid.is
Eitt skref til baka hjá Gunnari
Gunnar Nelson tapaði fjórða bardaga ferilsins gegn Leon Edwards um helgina. Gunnar var sókndjarfur
en öflugur olnbogi Leons í annarri lotu gerði útslagið og hefur Edwards nú unnið sjö bardaga í röð.
Dómaraþríeykið úrskurðaði Leon Edwards sigurinn um helgina en einn þeirra var á því að Gunnar hefði haft betur inn í búrinu. NORDICPHOTOS/GETTY
Ég ber mikla
virðingu fyrir
Gunnari og hlakka til að sjá
hann berjast á ný.
Leon Edwards
FIMLEIKAR Valgarð Reinhardsson
úr Gerplu var sigursæll á Íslands­
mótinu í áhaldafimleikum sem fór
fram um helgina.
Á laugardaginn voru Valgarð og
Agnes Suto­Tuuha úr Gerplu krýnd
Íslandsmeistarar í fjölþraut. Var
þetta fyrsti Íslandsmeistaratitill
Agnesar en þriðji í röð hjá Valgarð.
Í gær var keppt í einstökum
áhöldum á seinni dag Íslands­
mótsins og var Valgarð sigursæll
í karlaflokki. Valgarð bar sigur úr
býtum í fjórum áhöldum af sex eða
í hringjum, stökki, tvíslá og svifrá.
Í gólfæfingum stóð Eyþór Örn
Baldursson uppi sem sigurvegari
og á bogahesti var það Arnþór Daði
Jónsson sem sigraði en báðir koma
þeir úr Gerplu.
Í kvennaflokki voru Gerplukonur
sigursælar,  Agnes á tvíslá, Sunna
Kristín Ríkharðsdóttir sigraði á
slá, Andrea Ingibjörg Orradóttir í
stökki, þær eru allar úr Gerplu en
Katharína Sybilla Jóhannsdóttir
úr Fylki þótti skara fram úr í gólf­
æfingum í gær. - kpt
Valgarð bar af á
Íslandsmótinu
1
8
-0
3
-2
0
1
9
0
4
:4
9
F
B
0
4
8
s
_
P
0
3
6
K
.p
1
.p
d
f
F
B
0
4
8
s
_
P
0
2
5
K
.p
1
.p
d
f
F
B
0
4
8
s
_
P
0
1
3
K
.p
1
.p
d
f
F
B
0
4
8
s
_
P
0
2
4
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
9
3
-5
C
5
C
2
2
9
3
-5
B
2
0
2
2
9
3
-5
9
E
4
2
2
9
3
-5
8
A
8
2
7
5
X
4
0
0
.0
0
1
2
A

F
B
0
4
8
s
_
1
7
_
3
_
2
0
1
9
C
M
Y
K