Fréttablaðið - 21.03.2019, Blaðsíða 58

ÞAÐ KOM GRÍÐARLEGA
AFTAN AÐ MÉR
HVERNIG EITTHVAÐ SVONA
AULALEGT GETUR HAFT MIKLAR
OG ALVARLEGAR AFLEIÐINGAR.
ÞETTA ER BÚIÐ AÐ VALDA MÉR
MIKILLI ÁFALLASTREITU.
Ég er að glíma við afleið-ingar umferðarslyss sem ég lenti í fyrir ári,“ segir söngkonan og flugfreyj-an Heiða Ólafsdóttir sem hefur ekkert getað
flogið síðan í desember.
„Ég neyddist til þess að fara í veik-
indaleyfi hjá Icelandair vegna þess
að áverkarnir sem ég fékk í bílslys-
inu hafa bara versnað,“ segir Heiða.
„Ég er með stöðugan doða í hendi
og fingrum og með brjósklos í hálsi
og hef auk þess þurft að takast á við
mikla áfallastreituröskun. Þannig
að það að brasa í minni eigin tónlist
hefur alveg bjargað geðheilsunni.“
Heiða segir líf sitt hafa gerbreyst
á björtum og fallegum degi fyrir ári
þegar hún beið á rauðu ljósi og ekið
var aftan á bílinn hennar á mikilli
ferð. „Það kom gríðarlega aftan að
mér hvernig eitthvað svona aula-
legt getur haft miklar og alvarlegar
afleiðingar. Þetta er búið að valda
mér mikilli áfallastreitu.“ Og óhætt
er að segja að ógæfan hafi komið
bókstaflega í bakið á henni vegna
þess að hnykkurinn sem hún fékk
á hálsinn endaði í brjósklosi með
tilheyrandi stöðugum verkjum.
Stóru stundirnar
og spurningarnar
„Það er auðvitað galið að vera að
gefa út plötu í þessu breytta og raf-
ræna tónlistarumhverfi en ég er
fyrst og fremst að gera þetta fyrir
sjálfa mig,“ segir Heiða og bætir við
að þótt það hljómi drungalega þá
„getum við öll dáið á morgun þann-
ig að það þýðir ekkert að sitja heima
og lesa“.
Hún ákvað því að kýla í hljóm-
plötuútgáfu með dyggum stuðn-
ingi eiginmannsins Snorra Snorra-
sonar sem gerði garðinn frægan
sem Ídol-stjarna Íslands 2006. „Ég
gat gert heila plötu vegna þess að
Snorri minn er upptökustjóri og á
hljóðver og frítt fyrir konuna sína,“
segir Heiða glaðlega. „Svo seldi ég
plötuna og miða á útgáfutónleik-
ana fyrirfram á þessari stórsniðugu
síðu, Karolina Fund, og það gekk
svo vel að ég komst með útgáfuna á
núllpunkt.“
Heiða segir lögin á nýju plötunni
hafa orðið til á löngum tíma, bæði
fyrir og eftir slysið. „Á plötunni eru
einungis alíslensk lög sem öll eiga
það sameiginlegt að fjalla um ást,
von og yl. Helmingurinn eftir mig
og hinn helmingurinn þekkt lög í
mínum búningi. Allt lög sem hafa
talað sérstaklega til mín í gegnum
tíðina.“
Lögin eru eftir nokkra af uppá-
halds tónlistarmönnum Heiðu,
til dæmis Bjartmar Guðlaugsson,
Jóhann Helgason og Gunnar Þórð-
arson. „Platan fékk nafnið Ylur frá
upphafsorði lags og texta sem ég
samdi til Snorra míns þegar við
vorum að fella hugi saman.“
Heiða yrkir og syngur um stóru
stundirnar og spurningarnar í líf-
inu og þrátt fyrir allt sem á henni
hefur dunið segir hún að bjart sé
yfir plötunni. „Ég sleppti drama-
tísku lögunum sem ég á til en þau
koma kannski út síðar. Ég er rosa-
lega jákvæð og bjartsýn að eðlisfari
en kannski verið meira í að peppa
aðra og gleyma sjálfri mér. „Núna er
komið að því að ég muni eftir því að
vera jákvæð í minn garð.“
Heiða segist hafa viljað gefa
jákvæðan tón með plötunni. „Mig
langar að fólk heyri eitthvað sem
færir þeim bjartsýni og þótt ástin,
vonirnar og væntingarnar geti oft
verið erfiðar þá er ekkert verra en
að missa vonina. Það er það versta
sem getur komið fyrir fólk.“
Útgáfutónleikar Heiðu hefjast
í Salnum í Kópavogi klukkan 20 á
laugardagskvöld og þar mun hún
f lytja öll lögin af plötunni í bland
við nokkur af uppáhaldslögunum
sínum. thorarinn@frettabladid.is
Heiða syngur sig frá
áfallastreituröskun
„Þegar maður fær áfallastreituröskun læðast allt í einu aftan að manni einhver gömul áföll sem maður hefur ekki áttað sig á að gætu haft svona mikil áhrif á mann.“
Heiða Ólafsdóttir
tekst á við afleiðing-
ar umferðarslyss og
áfallastreituröskun
syngjandi bjartsýn.
Hún segir laga-
smíðar hafa bjargað
geðheilsu sinni en
afraksturinn má
heyra á nýrri plötu,
Ylur, sem hún fagnar
með tónleikum á
föstudagskvöld.
Matreiðslumeistarinn Garðar Agn-
arsson Hall hefur starfað við góðan
orðstír sem kokkur í mötuneyti
lávarðadeildar breska þingsins í
rúm tvö ár. Svo góðan reyndar að í
fyrradag var hann heiðraður fyrir
brauðgerð sína sem hefur heldur
betur slegið í gegn í Westminster.
Viðurkenningin sem Garðar fékk
er tilkomumikil, House of Lords
priority awards fyrir framúrskar-
andi árangur í þróun og daglegri
framreiðslu á fersku brauði. Þann-
ig að segja má að hann sé eiginlega
orðinn konunglegur brauðgerðar-
maður.
„Ég hef verið að reyna að poppa
þetta aðeins upp með yfirkokknum
og hluti af því var að knýja fram
breytingar á brauðframboðinu,“
segir Garðar í samtali við Frétta-
blaðið eftir langan vinnudag.
Merkilegt nokk er metnaðurinn í
matseldinni í lávarðadeildinni ekki
slíkur að herramannsmatur hafi
verið daglegt brauð áður en Garðar
tók til sinna ráða. „Við vorum
kannski að selja þrjú eða fjögur
brauð yfir daginn áður en seljum
nú tólf til fimmtán þannig að þetta
hefur slegið rækilega í gegn.“
Garðar segir brauðbyltinguna
vera lið í því að uppfæra mötu-
neyti lávarðanna frá því „að vera
svona miðlungs yfir í mjög gott“,
og hann segist bjóða upp á allar
tegundir brauðs; súrdeigs, ítölsk og
hvað eina. „Raunverulega bara allan
pakkann.“
Garðar gerir brauðin sjálfur frá
grunni og þótt hann sé ekki bakari
þá hafi brauðgerðin fylgt honum
allar götur frá því hann byrjaði að
kokka. Og þótt hann sé hógvær
mjög að eðlisfari neitar Garðar því
ekki að hann njóti nokkurra vin-
sælda og virðingar í Westminster.
„Ég hef allavega fengið mikið
klapp á bakið
og það er ekki
au ð ve l t a ð
ger a brey t-
ingar á svona
stað. Það er
langur vegur
frá því. Þetta er
mjög íhaldssamt
umhverfi og maður
hefur þurft að sýna smá
þrautseigju.“
Vinsældir mötuneytisins hafa
aukist jafnt og þétt eftir að Garðar
bretti upp ermar að íslenskum
hætti og gæðastöðlum. „Það eru all-
margir lordar og
barónessur sem
nýta sér mötuneyt-
ið og traffíkin hefur
aukist sennilega um
60-70% á einu ári eftir
að við fórum að gera hlut-
ina meira sjálf á staðnum. Það
er smekkfullt alla daga frá morgni
til kvölds en áður var það aðeins á
miðvikudögum sem eru steikar-
dagar.“ – þþ
Garðar kokkur brauðfæðir lávarðadeildina Garðar ásamt Norman Fowler, formælanda
lávarðadeildarinnar,
eftir að hann tók
við viðurkenn-
ingunni fyrir snilli
sína í brauðgerð.
2 1 . M A R S 2 0 1 9 F I M M T U D A G U R42 L Í F I Ð ∙ F R É T T A B L A Ð I Ð
LÍFIÐ
2
1
-0
3
-2
0
1
9
0
4
:3
6
F
B
0
6
4
s
_
P
0
5
8
K
.p
1
.p
d
f
F
B
0
6
4
s
_
P
0
5
5
K
.p
1
.p
d
f
F
B
0
6
4
s
_
P
0
0
7
K
.p
1
.p
d
f
F
B
0
6
4
s
_
P
0
1
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
9
D
-2
3
A
C
2
2
9
D
-2
2
7
0
2
2
9
D
-2
1
3
4
2
2
9
D
-1
F
F
8
2
7
5
X
4
0
0
.0
0
1
7
A

F
B
0
6
4
s
_
2
0
_
3
_
2
0
1
9
C
M
Y
K