Félagabréfið - 11.09.1971, Blaðsíða 17

Sp. 7. "Þótt barátta öreigalýðsins gegn borgarastéttinni sé ekki
þjóðlegs eðlis að inntaki, er hún það að formi fyrst í stað.
Öreigalýður hvers lands verður auðvitað fyrst að gera sinni
eigin borgarastétt skil."
Hvernig samræmist innihald þessarar tilvitnunar lokaorðum
Kommúnistaávarpsins?
Staðreynd er, að öreigastétt hvers lands á meira sameiginlegt með
öreigastéttum annarra landa en borgarastétt síns eigins lands.
Tilurð öreigastéttarinnar er jafnframt upphaf baráttu hennar gegn
borgarastéttinni - og þegar öreigastétt eins lands gerir sinni eig-
in borgarastétt skil, táknar það, að nýjar byltingarvígstöðvar hafa
risið upp.
Sigur öreiganna í einu landi er stuðningur við baráttu öreiga annar^a
landa ; þannig er barátta verkalýðsins í Víetnam gegn bandarísku
heimsvaldasinnunum og leppum þeirra, stuðningur við baráttu verka-
lýðsins í heimsvaldasinnuðu löndunum; byltingarbarátta í NATOlandi
er beinn stuðningur við frelsisstríð alþýðunnar í Guinea Bissau,
eins er barátta alþýðunnar þar stuðningur við verkalýð Portúgals.
Hvers vegna ber öreigunTOT að styðja hverir aðra?
Til þess að koma á sósíalisma og síðar stéttlausu þjóðfélagi -
steypa alræði auðvaldsins og þannig binda endi á kúgun og arðrán
og koma á varanlegum friði og sönnu lýðræði.
Gegn alþjóðlegu samsæri auðvaldsins teflir verkalýðurinn alþjóða-
hyggju öreiganna.
Baráttan gegn heimsvaldastefnunni, fasismanum og stríðsbrölti auð-
valdsins, nær aðeins teljandi og varanlegum árangri hafi verkalýður-
inn tileinkað sér alþjóðahyggjuna.
"Hver er sá andi, sem fær útlending til þess að gera málstað kínverska
þjóðfrelsisstríðsins að sínum án þess að hugsa um sjálfan sig?
Það er andi alþjóðahyggjunnar og kommúnismans og sérhver kínverskur
kommúnisti verður að læra af þessu dæmi. Lenínisminn kennir oss, að
heimsbyltingin geti því aðeins sigrað, að öreigalýður auðvaldslandanna
styðji frelsisbaráttu fólksins í nýlendum og hálfnýlendum og öreiga-
lýður nýlendna og hálfnýlendna styðji frelsisbaráttu stéttarbræðra
sinna í auðvaldslöndunum." (Maó Tsetung: Til minningar um Norman
Bethune, Ritgerðir III, bls. 221).
Um leið og mikilvægi þjóðlegu baráttunnar skal undirstrikað, bendum
við ákveðið á þær takmarkanir, sem hún ér háð.
Markmið eins og að koma hernum úr landi eru rétt, en það má aldrei
gleymast að tengja þau baráttunni fyrir sósíalisma, - og þessi barátta
verður að vera háð á grundvelli sögulegs hlutverks verkalýðsstéttar-
innar.
Þýðir þetta, að kommúnistar séu ekki föðurlandsvinir?
"Getur kommúnisti, sem fylgir stefnu alþjóðahyggjunnar jafnframt verið
föðurlandsvinur? Vér höldum því fram, að eigi aðeins geti hann verið
það, heldur hljóti að vera það. Inntak föðurlandsástar ákvarðast af
sögulegum aðstæðum hverju sinni. Eitt er "föðurlandsást" japönsku
árásarmannanna og Hitlers og annað föðurlandsást vor. Kommúnistar
hljóta að vera í ákveðinni andstöðu við "föðurlandsást" japönsku
árásarmannanna og Hitlers. ... Sigur Kína og ósigur heimsvaldamanna,
15