Morgunblaðið - 03.01.2019, Side 10

10 FRÉTTIRInnlent
MORGUNBLAÐIÐ FÖSTUDAGUR 4. JANÚAR 2019
Sameinar það besta í rafsuðu
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Teitur Gissurarson
teitur@mbl.is
„Það er allt tilbúið í tunnunum. Nú er bara
beðið,“ segir Jóhannes Stefánsson, þekktur
sem Jói í Múlakaffi, óopinber konungur
þorrans, þegar blaðamaður nær af honum
tali og spyr hvernig undirbúningur fyrir
komandi þorravertíð gangi.
Samkvæmt venju hóf Jói vinnu við þorra-
undirbúning í byrjun september. „Þá byrj-
um við að leggja í; punga, sultu og lunda-
bagga,“ segir Jói og bætir við að undir-
búningur og eldun „nýmetisins“, eins og
hangikjöts og saltkjöts, sé „að hefjast
núna“.
Pungarnir langbestir
Jói segist aðspurður hafa alist upp og lif-
að í návígi við þorramat allt sitt líf og þyki
alltaf súrmetið best. „Pungarnir þykja mér
langbestir.“
Hann segir að miðað við stöðu pantana
núna stefni í metár, enda verði þorraveislur
æ vinsælli.
„Það skemmtilega við þetta er að það
breytist eiginlega ekki neitt,“ segir Jói
spurður hvort eitthvað við þorramatinn þró-
ist með tíð og tíma. Hann nefnir þó að á
stærri þorrablótum bjóði hann yfirleitt upp
á fleira en einungis hefðbundinn þorramat,
svosem lambalæri og ýmiss konar salöt.
„Við erum meira að segja með græn-
metisrétti í þessum stóru veislum,“ bætir
hann við.
Snýst auðvitað um þorramatinn
Í þessu samhengi minnist Jói á auknar
vinsældir stórra þorrablóta og segir að á
slíkum hátíðum sé lögð áhersla á margt
annað en bara þorramat en bætir við: „Þar
er mikil fjölbreytni í mat en auðvitað snýst
þetta um þorramatinn. Þetta er mikil
gleðihátíð.“
Hann segir að í seinni tíð hafi þorrablótin
í vissum skilningi „komið aftur“ eftir að
íþróttafélög og bæjarfélög víða um land
fóru að halda slík „risa-blót“. Þau segir
hann vera alveg „gríðarlegar hátíðir“.
Bóndadag, fyrsta dag þorra, ber í ár upp
á 25. janúar. Jói ætlar þó eins og undan-
farin ár að taka forskot á sæluna og hefur
sölu á þorramat viku fyrr. Auk þess að sjá
um stærri þorrablót býður hann til sölu
„hjónakassa“ og „þorratrog“ sem henta fyr-
ir tíu manns eða fleiri.
Hefur beðið þorrans síðan í september
 Stefnir í metár í sölu á þorramat hjá Jóa í Múlakaffi  Ekkert breytist í matnum  Býður líka upp
á lambalæri og grænmetisrétti  Tekur forskot á sæluna og hefur sölu viku fyrir bóndadaginn
Morgunblaðið/Árni Sæberg
Þorraþrællinn Jói er enginn nýgræðingur í því að súrsa punga og sultu.
Ein öld er liðin frá því að reglulegt
stúkustarf frímúrarareglunnar
hófst á Íslandi. Það gerðist þegar
Jóhannesarstúkan Edda var vígð 6.
janúar 1919. Ald-
arafmælisins
verður minnst
með ýmsum
hætti á þessu ári,
að sögn Eiríks
Finns Greips-
sonar, erindreka
reglunnar.
„Við viljum
minnast þessara
tímamóta í
mannræktar- og
velgjörðarstarfi frímúrararegl-
unnar. Gagnvart almenningi er
einna merkilegast að það verður
opið hús í Regluheimilinu í Reykja-
vík á menningarnótt, 24. ágúst
2019. Einnig verða opin hús í stúku-
húsum okkar úti á landi og verður
það auglýst nánar á hverjum stað,“
sagði Eiríkur.
Afmælisins verður minnst marg-
víslega innan frímúrarareglunnar.
Þannig verður hundrað ára frímúr-
arastarf á Íslandi meginstef
Regluhátíðar 12. janúar og 9. mars
verður hátíðarstúka sett í Jóhann-
esarstúkunni Eddu og 100 ára af-
mælis hennar minnst. Hátíðar-
samkoma frímúrarareglunnar
verður í Eldborgarsal Hörpu 7. apr-
íl og aldarafmælisins minnst í tali
og tónum. Hátíðin er ætluð reglu-
bræðrum og systrum, það er eigin-
konum reglubræðra.
Í frímúrarareglunni á Íslandi eru
nú um 3.500 reglubræður og er sá
fjöldi líklega einstakur á heimsvísu
miðað við höfðatölu þjóðarinnar, að
sögn Eiríks. „Nýliðun hefur gengið
ágætlega en því er ekki að leyna að
meðalaldur þeirra sem ganga í
regluna hefur aðeins hækkað. Þeir
sem ganga í regluna nú eru að með-
altali rúmlega fertugir þó svo að
aldurstakmarkið sé 24 ár,“ sagði
Eiríkur. „Þetta endurspeglar þjóð-
félagsbreytingar sem orðið hafa.
Karlar sinna almennt meira barna-
uppeldi og fjölskyldustörfum en
þeir gerðu áður, sem er mjög
ánægjuleg þróun. Þeir ganga því
síðar á ævinni í regluna en venjan
var. Gera það þegar hægist um eft-
ir barnauppeldi. Þeir hafa þá betri
tíma til að skoða sjálfa sig og
stunda þá mannrækt og velgjörðar-
starf sem þarna fer fram.“
gudni@mbl.is
Frímúrarastarf
á Íslandi í 100 ár
 Opið hús á menningarnótt 2019
Eiríkur Finnur
Greipsson