Morgunblaðið - 30.01.2019, Blaðsíða 10

10 FRÉTTIRInnlent
MORGUNBLAÐIÐ MIÐVIKUDAGUR 30. JANÚAR 2019
NOKIAN stígvélabúðin | Mjóddinni | Reykjavík I Sími 527 1519 | Nokian Stígvélabúðin
Opið virka daga kl. 10.00-18.00
Loðfóðraður skófatnaður
fyrir veturinn
Kristján H. Johannessen
khj@mbl.is
„Eins og staðan er núna þá eru 19
manns á biðlista, þar af eru 12 sem
bíða eftir hjúkrunarrými og sjö á
biðlista eftir dvalarrými,“ segir Jón
G. Guðbjörnsson, formaður stjórnar
Brákarhlíðar í Borgarnesi.
Jón vakti athygli á stöðu mála í
Brákarhlíð í aðsendri grein sem birt
var í Morgunblaðinu í gær. Þar sagði
hann meðal annars hægt með skjót-
um hætti og ýmist með engum eða
litlum stofnkostnaði að fjölga hjúkr-
unarrýmum í Brákarhlíð um 10 til
14. „Það virðist ekki ná eyrum þeirra
sem eiga að heyra. Um það vitnar
nýlegt svar heilbrigðisráðuneytisins
við tveggja ára gömlu erindi stjórnar
Brákarhlíðar. Að beita því sem rök-
um að ekki séu biðlistar eftir hjúkr-
unarrýmum í fjarlægum héruðum
eru léttvæg rök gegn því að verða við
óskum um fjölgun hjúkrunarrýma í
Brákarhlíð þar sem eru viðvarandi
biðlistar,“ sagði Jón í áðurnefndri
grein sinni í blaðinu.
Af þeim 12 sem nú eru á biðlista
eftir hjúkrunarrými segir Jón fimm
vera á dvalarrými og eru þeir komn-
ir með hjúkrunarrýmismat.
„Það er ekki sjálfgefið að þeir ein-
staklingar sem eru inni á dvalar-
rými, komnir með hjúkrunarrýmis-
mat, komist inn á undan einhverjum
öðrum sem bíða fyrir utan því matið
ræður. Þannig getur einhver með
strangara mat komist fram fyrir þá
sem bíða inni á dvalarrými,“ segir
Jón og bætir við að þjónustusvæði
Brákarhlíðar sé afar stórt.
„Um er að ræða allt Vesturland,
Strandasýslu og Húnaþing vestra,“
segir hann en íbúafjöldi svæðisins er
rúmlega 18 þúsund. Þó finna megi
fleiri hjúkrunar- og dvalarheimili á
þessu svæði segir Jón flesta íbúa að
finna á syðri hluta svæðisins. „Þar
eru um 70% íbúanna og alltaf biðlist-
ar á Akranesi og í Borgarnesi.“
Alltaf biðlistar
á Vesturlandi
 19 manns á biðlista hjá Brákarhlíð
Brákarhlíð Hægt er að fjölga rýmum
á skömmum tíma fyrir lítinn kostnað.
Ljósmynd/Theodór Kristinn Þórðarson
Lögreglan tekur þrjú ný sérbúin
BMW 1200 RT Police Special-
lögreglumótorhjól í notkun með
vorinu. Agnar Hannesson, rekstr-
ar- og þjónustustjóri hjá Embætti
ríkislögreglustjóra, sagði að hjólin
komi tilbúin frá verksmiðjunni með
forgangsljósum, sírenu, auka-
ljósum, ratsjárbúnaði til hraða-
mælinga og öðru sem lögreglan
þarf.
Lögreglan er einnig með sér-
útbúin Yamaha-lögreglumótorhjól í
flota sínum. Agnar segir að þeir
ætli að gera samanburð á BMW-
hjólunum og Yamaha-hjólunum.
„Bæði BMW og Yamaha eru
hörkulögregluhjól og vinsælustu
mótorhjólin hjá lögregluliðum í
dag,“ sagði Agnar. Vélin í BMW-
hjólunum er með þverliggjandi
strokka og 1,2 lítra rúmtak en 1,3
lítra í Yamaha-hjólunum. Báðar
tegundirnar eru með drifsköft, en
ekki keðju eða belti, ABS-bremsur
og vatnskæld þannig að hægt er að
skilja þau eftir í gangi á vettvangi.
Þá eru hjólin létt og þægileg.
Lögreglan hefur áður notað lög-
reglumótorhjól frá BMW, meðal
annars í kringum 1970 og svo aftur
í kringum 1990. Harley-Davidson-
lögreglumótorhjólin voru lengi ráð-
andi en þau eru löngu farin úr um-
ferð. Notkun þeirra var að mestu
hætt þegar lögregluhjól frá
Yamaha komu árið 2007. Lög-
reglan notaði einnig mótorhjól frá
Kawasaki um tíma. gudni@mbl.is
Þrjú ný BMW-lögreglumótorhjól
 Verða tekin í notk-
un þegar fer að vora
Lögreglumótorhjól Nýju BMW-lögregluhjólin eru af sömu gerð og eins útbúin og mótorhjólið á myndinni.
Ómar Friðriksson
omfr@mbl.is
Lið Framhaldsskóla Austur-
Skaftafellssýslu er Evrópumeistari
í olíuleit eftir að hafa borið sigur
úr býtum í alþjóðlegri keppni
framhaldsskóla sem fram fór í
Cambridge á Englandi í seinustu
viku. Í keppninni er hermt eftir
raunverulegum verkefnum sem
olíuleitarfyrirtæki þurfa að leysa
við sín störf. Fram kemur í um-
fjöllun á vefsíðu Orkustofnunar,
sem styrkir þátttöku íslenskra
framhaldsskóla í keppninni, að lið-
in vinna við svonefndan OilSlim
olíuleitarhermi sem er hugbúnaður
sem líkir eftir raunverulegum að-
stæðum í olíuleit og eiga kepp-
endur að finna olíu og markaðs-
setja hana á sem hagkvæmastan
hátt.
Þetta er annað árið í röð sem ís-
lenskt lið sigrar í þessari keppni.
Haldin var undankeppni níu liða í
Vestmannaeyjum fyrr í janúar og
vann liðið „Olíuleit með pabba“
landskeppnina en liðið skipa þeir
Björgvin Freyr Larsson, Júlíus
Aron Larsson, Kristján Vilhelm
Gunnarsson og Oddleifur Eiríks-
son nemendur í Framhaldsskól-
anum í Austur-Skaftafellssýslu.
Unnu þeir sér þar með rétt til að
taka þátt í úrslitakeppninni sem
haldin var í Cambridge 25.-27.
janúar.
,,Í úrslitum sigraði FAS örugg-
lega fulltrúa Noregs, sem stendur
einna fremst ríkja í olíuleit og
-vinnslu með ábyrgum hætti og
þar sem byggð hefur verið upp
mikil þekking í þessum geira,“
segir í frétt Orkustofnunar. Í um-
fjöllun um keppnina á vefsíðu skól-
ans kemur fram að ,,olíufurstarnir
snjöllu frá Höfn“ hafi unnið loka-
keppnina með miklum yfirburðum.
Lokakeppnin fór fram í Schlum-
berger Cambridge Research (SCR)
sem er fyrirtæki sem sérhæfir sig
m.a. í tæknilausnum fyrir olíuiðnað
og er með starfsemi í 85 löndum.
Evrópumeistarar í olíuleit
Ljósmynd/Hjördís Skírnisdóttir
Olíufurstarnir Sigurvegararnir frá FAS ásamt fulltrúum keppninnar.
 Lið FAS sigraði fulltrúa Noregs í úrslitakeppninni
Björn Zoëga
hefur verið ráð-
inn forstjóri
Karólínska
sjúkrahússins í
Svíþjóð, sem er
með stærstu há-
skólasjúkra-
húsum í Evr-
ópu.
Björn, sem er
sérfræðingur á sviði bækl-
unarskurðlækninga, gegndi
stöðu forstjóra Landspítalans ár-
in 2008 til 2013. Hann hefur
meðal annars gegnt stöðu for-
stjóra bæklunarstofunnar GHP
Stockholms Spine Center, sem
hefur verið stærsta einingin í
hryggskurðlækningum á Norður-
löndum, en þar eru framkvæmd
25% allra hryggskurðaðgerða í
Svíþjóð.
Stoltur og spenntur
„Ég er stoltur og spenntur yfir
þessu krefjandi starfi,“ sagði
Björn í samtali við mbl.is í gær.
Við sjúkrahúsið starfa um 16
þúsund starfsmenn og þar eru
um 1.400 rúm. Þá er velta spít-
alans um 18 milljarðar sænskra
króna, andvirði 239 milljarða ís-
lenskra króna.
Björn forstjóri
Karólínska
Björn Zoëga