Morgunblaðið - Sunnudagur - 20.01.2019, Blaðsíða 36

Það fjalla mjög margir þættir ísjónvarpi um lífsstíl og viðliggur að hugtakið sé komið
með óorð á sig. Þess vegna langaði
mig að koma úr annarri átt og niður-
staðan varð sú að leggja áherslu á að
þetta væri vísindaleg nálgun en án
þess þó að hljóma eins og Sigurður H.
Richter og Nýjasta tækni og vísindi.
Þetta eru með öðrum orðum vísinda-
legir heimildarþættir um heilsu á
mannamáli.“
Þetta segir Helga Arnardóttir
sjónvarpskona en á þriðjudag koma
inn í Sjónvarp Símans Premium átta
nýir heimildarþættir eftir hana undir
yfirskriftinni Lifum lengur. Fyrsti
þátturinn verður á dagskrá Sjón-
varps Símans sama kvöld.
Að sögn Helgu er um faglega um-
fjöllun að ræða, þar sem rætt er við
vísindamenn, sérfræðinga og lækna
sem horfa áhyggjufullir upp á alvar-
legan heilsubrest í samfélaginu vegna
óheilbrigðs lífsstíls. „Við erum að
borða okkur í gröfina og hreyfa okkur
ekki í gröfina, ef svo má að orði kom-
ast, og mikilvægt að grípa hratt og
örugglega í taumana,“ segir Helga en
einnig er rætt við venjulegt fólk um
reynslu þess.
Sjálf hefur hún meira verið í hörð-
um fréttum og glæpamálum á sínum
sjónvarpsferli og segir suma hvá þeg-
ar hún upplýsi að hún sé að vinna
þætti um heilsu. „Staðreyndin er hins
vegar sú að ég hef gengið lengi með
þessa þætti í maganum enda fann ég
þessi fjögur ár sem ég var í Kastljós-
inu á RÚV að fólk hefur brennandi
áhuga á þessum málum; það vill upp
til hópa bæta heilsu sína og fræðast
um leiðir að því marki.“
Rætt er við fjölmargra sérfræð-
inga í þáttunum, þar á meðal dr.
Chatterjee Rangan sem er breskur
heimilislæknir og metsöluhöfundur.
Hann hefur skrifað og fjallað töluvert
um fjóra þætti heilsu sem skiptir lyk-
ilmáli að halda í góðu horfi til að
sporna gegn myndun alvarlegra og
þekktra lífstílssjúkdóma sem herja á
vestræn samfélög í dag. Þessir
heilsufarsþættir samanstanda af
svefni, næringu, hreyfingu og and-
legri heilsu og verða tveir sjónvarps-
þættir helgaðir hverjum þeirra.
„Þetta er eldgömul nálgun sem af
einhverjum ástæðum hefur gleymst.
Það er svo margt sem við getum gert
sjálf til að koma í veg fyrir alvarlega
sjúkdóma; svo sem að hreyfa okkur
meira, vera úti í dagsbirtunni og
draga úr neyslu á koffeini. Við
plöntum allskyns fróðleiksmolum hér
og þar í þáttunum og tilgangurinn er
alls ekki að prédika, heldur fræða og
útskýra. Það er ekki nokkur maður
dæmdur í þessum þáttum.“
Óvísindalegar tilraunir
Þá eru unnar óvísindalegar sjón-
varpstilraunir undir leiðsögn sér-
fræðinga fyrir þættina þar sem
fjallað verður um hvernig breyting á
mataræði, aukin hreyfing og fleira
getur gerbreytt heilsu fólks á
skömmum tíma. Sjálf komst Helga að
raun um að góð og markviss hreyfing
yfir daginn getur gert sama gagn og
að mæta í ræktina. „Þetta kom mér
svolítið á óvart en með því að ná átta
til tíu þúsund skrefum á dag brenndi
ég nánast jafnmörgum kaloríum og ef
ég mætti í ræktina. Það sýnir hvað
það skiptir miklu máli að setja hreyf-
ingu inn í líf sitt,“ segir hún.
Brennslan dagana sem Helga
hreyfði sig var á bilinu 2.400 til 2.800
kaloríur en á „letidögum“ var hún að-
eins 1.800 kaloríur. „Reiknað var út
fyrir mig að væru allir dagar letidag-
ar myndi ég þyngjast um sextán kíló
á ári. Það er ekkert smáræði. Það
munar um alla hreyfingu.“
Helga segir gerð þáttanna hafa
verið fróðlega og skemmtilega og
hyggst halda áfram að hamra járnið
með hljóðvarpi og opnun heimasíð-
unnar lifumlengur.is, þar sem fróð-
leik um heilbrigðari lífsstíl verður
miðlað. „Mig langar að gera meira úr
þessu frá ýmsum sjónarhornum;
hvetja til heilsubyltingar.“
Helga Arnardóttir
lærði margt við
gerð þáttanna.
Morgunblaðið/Kristinn Magnússon
Borðum okkur ekki í gröfina!
Lifum lengur kallast átta glænýir þættir um heilsu eftir Helgu Arnardóttur sem koma inn í Sjónvarp
Símans Premium á þriðjudaginn. Þar nálgast hún viðfangsefnið vísindalega en í senn á mannamáli.
Orri Páll Ormarsson orri@mbl.is
36 MORGUNBLAÐIÐ SUNNUDAGUR 20.1. 2019
LESBÓK
ELJA Enda þótt þeir séu komnir á áttræðisaldurinn er
engan bilbug á eftirlifandi meðlimum hinnar goðsögu-
legu rokkhljómsveitar The Who að finna. Roger Dalt-
rey, 74 ára, og Pete Townshend, 73 ára, kynntu í vik-
unni glænýja tónleikaferð um Bandaríkin sem hefjast
mun í maí undir yfirskriftinni „Áfram gakk“. Með í för
verður sinfóníuhljómsveit, hvorki meira né minna. Áður
hafði komið fram að sveitin hyggst senda frá sér sína
fyrstu breiðskífu frá 2006 síðar á þessu ári. „Setjið ykk-
ur í stellingar, Who-aðdáendur,“ sagði Daltrey við fjöl-
miðla. „Þó að þetta sé The Who með sinfóníuhljómsveit
þýðir það ekki að við Pete gefum nokkurn afslátt af því
hvernig við flytjum okkar tónlist. Þetta verður Who í
öllu sínu veldi með horn og bjöllur.“
Er hver?
Roger Daltrey og
Pete Townshend.
Reuters
HEILSA „Ég verð ekki enn ein tölfræðin
varðandi sjálfsmorð!!!!! Ég ætla að leita mér
hjálpar strax á morgun. Ég kem til með að
berjast fyrir framtíð minni og neita að gefast
upp.“ Þessi dramatísku orð lét Jesse Leach,
söngvari bandaríska málmbandsins Kill-
switch Engage, falla á Instagram á dögunum
en hann hefur glímt við þunglyndi og kvíða.
Til að bæta gráu ofan á svart skildi Leach ný-
verið við eiginkonu sína til sextán ára. „Geð-
sjúkdómar eru veikindi og þegar þeir skarast
við harmleik geta þeir skellt manni flötum og
sogað úr manni kraftinn með hætti sem mað-
ur hefði aldrei getað séð fyrir.“
Hefur ekki áform um að svipta sig lífi
Jesse Leach er boginn en ekki brotinn.
Wikipedia
Metallica setur
bjór á markað
Málmgoðin í Metallica hafa í sam-
starfi við Arrogant Consortia, sem
er partur af Stone Brewing-
brugghúsinu, sett á markað nýjan
bjór, Enter Night Pilsner. Mjöður-
inn er þegar kominn í verslanir í
Bandaríkjunum og verður fáan-
legur víðar með vorinu. Á heima-
síðu Metallica er Stone Brewing
lýst sem hinum fullkomna sam-
starfsaðila en í anda málmbandsins
og brugghússins er bjórinn sagður
„liggja þvert á línur, vera gríðar-
lega sjálfstæður, brjóta niður stað-
almyndir og ögra hefðum“ en nafn-
ið vísar í eitt vinsælasta lag
Metallica, Enter Sandman frá árinu
1991. Með uppátækinu fetar Metal-
lica í fótspor annarra málmgoða,
Iron Maiden, sem eiga sinn eigin
bjór, Trooper.
Hinn nýi Enter Night Pilsner.
BÆJARLIND 16 I 201 KÓPAVOGUR I SÍMI 553 7100 I LINAN.IS
OPIÐ MÁN TIL FÖSTUDAGA 11 - 18 I LAUGARDAGA 11 - 16
20 - 50% afsláttur af útsöluvörum
10% afsláttur af nýjum vörum
J A N Ú A R Ú T S A L A
Trace leðursófi kr. 298.700
Nú kr. 195.000
-30%