Morgunblaðið - 14.03.2019, Blaðsíða 20

20 FRÉTTIRInnlent
MORGUNBLAÐIÐ FIMMTUDAGUR 14. MARS 2019
Snorri Másson
snorrim@mbl.is
Félag ungra athafnakvenna (UAK)
sker upp enn aðra herörina gegn
kynjamisrétti í íslensku þjóðfélagi.
UAK dagurinn 2019 er haldinn há-
tíðlegur í Hörpu næstkomandi
laugardag, í annað sinn. Yfirskrift-
in er Brotið glerþak til frambúðar,
sem vísar til myndlíkingarinnar
glerþaks sem kvað standa konum
fyrir þrifum á vegferð þeirra upp á
við í metorðastiganum.
Sigyn Jónsdóttir, formaður
Ungra athafnakvenna, segir tíma
til kominn að mölva glerþakið. Það
séu allra hagsmunir að hlutur
kvenna og karla sé jafn í þjóðfélag-
inu. Á laugardaginn verður sjónum
beint sérstaklega að viðskiptalíf-
inu. Þar ríkir ekki jafnrétti, segir
Sigyn: í þeim 18 fyrirtækjum sem
eru skráð í Kauphöllinni er enginn
æðsti stjórnandi kona. Og 14 for-
stjórar hafa verið ráðnir í þessum
skráðu fyrirtækjum síðan 2012.
Til þess að breyta þessu ástandi
þarf að byrja á toppnum, að mati
Sigynjar. „Það þyrfti mögulega
bara að sýna hugrekki og færa
ákveðnar fórnir. Þeir sem stýra
þessum fyrirtækjum þurfa að
spyrja sig: eru okkar æðstu stjórn-
endur ómissandi eða getum við
tekið af skarið og verið fyrirtæki
sem stuðlar að fjölbreytni í ís-
lensku atvinnulífi?“ segir hún.
Sigyn ítrekar að jafnrétti
kynjanna hafi einfaldlega bein já-
kvæð áhrif á efnahagslífið. Þættir
á borð við arðsemi eigna, arðsemi
eiginfjár og hagnað á hlut færist
allir til betri vegar þar sem meira
jafnrétti ríkir, samkvæmt skýrslu
Sameinuðu þjóðanna.
Einvalalið einstaklinga
Þessar bollaleggingar verða í
brennidepli á UAK deginum í
Norðurljósasal Hörpu á laugar-
daginn. Frú Vigdís Finnbogadóttir
setur ráðstefnuna með ræðu og
meðal ræðumanna eru svo Sigríður
Dúna Kristmundsdóttir, fræðimað-
ur og fv. þingmaður, Guðbjörg
Heiða Guðmundsdóttir, fram-
kvæmdastjóri Marel, og Bergur
Ebbi Benediktsson grínisti.
Pallborðsumræður verða í
tveimur lotum. Sú fyrri heitir Frá
byltingum og bakslögum til að-
gerða og henni stýrir Auður Al-
bertsdóttir. Sú seinni ber titilinn
Er pláss fyrir konur á toppnum?
en henni stýrir Edda Sif Páls-
dóttir.
UAK dagurinn hefst klukkan 10
um morgun, á honum er gert hlé
með inniföldum hádegisverði kl.
12.30 og honum lýkur með kokteil-
boði fyrir ráðstefnugesti kl. 16.30 í
boði Kviku. Viðburðurinn er öllum
opinn og miðarnir eru 250. Er
Morgunblaðið náði tali af Sigyn
voru þó ekki nema fáeinir miðar
eftir, þannig að aðsóknin verður að
líkindum með besta móti.
Ungar athafnakonur
ætla að mölva glerþakið
 Tími til að stjórnendur færi fórnir  Stór nöfn á ráð-
stefnu Félags ungra athafnakvenna næsta laugardag
Bergur Ebbi
Benediktsson
Vigdís
Finnbogadóttir
Guðbjörg Heiða
Guðmundsdóttir
Hlutur kvenna skarður
» Í 18 fyrirtækjum sem skráð
eru í Kauphöll Íslands er engin
kona æðsti stjórnandi.
» 14 forstjórar hafa verið
ráðnir í þessi fyrirtæki síðan
2012. Þeir voru allir karlar.
» Hlutfall kvenna á þingi hefur
ekki verið lægra síðan 2007.
Þar eru konur rúm 35%.
» Konur stýra innan við 10%
af 400 stærstu fyrirtækjum
landsins.
Sigríður Dúna
Kristmundsdóttir
Morgunblaðið/Eggert
Glerþak Ungar athafnakonur funda í Hörpu á laugardaginn.
á meðan þú
verslar
börnin
Biti fyrir
Afgreiðslutímar á www.kronan.is
Öll verð eru birt með fyrirvara um prentvillur og/eða myndabrengl.
Agnes Bragadóttir
agnes@mbl.is
Bændasamtök Íslands hafa undan-
farin ár starfrækt vinnuverndarverk-
efnið „Búum vel“ í samvinnu við
nokkur búnaðarsambönd. Fram
kemur á heimasíðu BÍ að markmið
verkefnisins er að bæta öryggis- og
vinnuverndarmenningu í sveitum,
fækka slysum í landbúnaði og stuðla
að góðu vinnuumhverfi og bættri
ásýnd bæja. Starfið hafi meðal ann-
ars falist í heimsóknum til bænda,
fræðslu og fundahöldum.
Guðmundur Hallgrímsson er verk-
efnisstjóri „Búum vel“ og segir
bændur hafa tekið verkefninu mjög
vel.
„Ég fer bara á þá bæi sem ég er
beðinn um að koma á því þátttakan er
engin skylda. Þegar ég fer á bæina
yfirfer ég vélarnar og rafmagnið með
hitamyndavél. Öll ljós eru kveikt og
allir mótorar sem hægt er eru gang-
settir. Svo fer ég yfir aðstöðu innan-
húss í gripahúsum og geri síðan at-
hugasemdir ef þurfa þykir, eins og
um loftræstingu, birtu, hvað megi
bæta og hvað beri að varast,“ sagði
Guðmundur við Morgunblaðið í gær.
Hófst heima í stofu
Þá segir Guðmundur að hann geri
sérstaka grein fyrir í athugasemdum
sínum fyrir því hvernig hann metur
ásýnd býlisins hverju sinni. Hann
segir að eftir að hann hafi gert sínar
athugasemdir ráði bóndinn og hans
fólk hvað það geri við athugasemd-
irnar. Ekki sé um neina eftirfylgni að
ræða.
Guðmundur var til langs tíma ráðs-
maður á Hvanneyri og er í raun upp-
hafsmaður þess að Bændasamtökin
ákváðu að ráðast í verkefnið. „Þetta
hófst eiginlega allt saman heima í
stofu hjá mér, árið 2013, þar sem ég
fór að skoða þessi vinnuverndar- og
öryggismál bænda, aðallega mér til
skemmtunar og ég byrjaði á því að
gera áhættumat um störf bænda,“
sagði Guðmundur.
Hann segir að í upphafi hafi hann
hugsað sér að koma hugmyndum sín-
um og útfærslum á framfæri við
Bændasamtökin, en hafi ekki fengið
mikil viðbrögð í fyrstu. „Það varð til
þess að ég breytti minni upphaflegu
nálgun áhættumatsins í það sem ég
nefndi innra eftirlit. Og það var svo
fyrir hálfgerða tilviljun að formaður
Bændasamtakanna sem þá var, sá
þessar hugmyndir mínar og hann
bara stökk á þetta mér til undrunar,“
segir Guðmundur og hlær við.
„Við fórum til Noregs og kynntum
okkur hvernig Norðmenn standa að
vinnuverndarmálum bænda eftir að
ég hafði gengið frá prógramminu eins
og ég vildi hafa það hér,“ sagði Guð-
mundur. Hann segir að í megin-
dráttum séu Norðmenn að gera það
sama og felist í „Búum vel“, en hjá
þeim sé skriffinnskan þó miklu meiri
en hjá honum. „Ég vil ekki að heim-
sókn mín á býli taki lengri tíma en
einn og hálfan til tvo tíma, því lengri
heimsóknir geta bara virkað íþyngj-
andi,“ sagði Guðmundur.
Vel sóttir fundir
Loks sagði Guðmundur að hann
ásamt lækni og sálfræðingi hefði
staðið fyrir mjög vel sóttum fundum
fyrir bændur þar sem tilfinningar,
andleg og líkamleg heilsa hefði verið
þema fundanna og í ljósi þeirra undir-
tekta sem fundirnir hefðu fengið yrði
augljóslega framhald þar á.
Ljósmynd/Hörður Kristjánsson
Verkefnisstjóri Guðmundur Hallgrímsson með drifskaft á lofti.
Bændur huga að
vinnuvernd sinni
 Verkefnið „Búum vel“ verið vel tekið