Morgunblaðið - 14.03.2019, Qupperneq 57

MENNING 57
MORGUNBLAÐIÐ FIMMTUDAGUR 14. MARS 2019
fara að skipta um hugmynd varð-
andi neysluna og neysluhætti okkar
því annars erum við í lífshættu. Við
þurfum að finna ný viðmið í stað
hins stanslausa vaxtar sem forsendu
lífsins. Við þurfum að fá nýja hug-
mynd sem er sjálfbærni sem mun
kosta einhverjar fórnir. Í því liggur
líka eitthvað í þessu verki. Við fáum
að sjá að við erum bara á valdi ein-
hverra vírusa sem heita hugmyndir
sem stjórna okkur,“ segir Benedikt
og bendir á að verkið fjalli öðrum
þræði um óánægju fólks með þau
hlutverk sem það hefur verið sett í
eða sjálft sett sig í.
Ég vil vera skemmtilegur
Tæpt ár er síðan þú frumsýndir
kvikmyndina Kona fer í stríð sem
rakað hefur til sín verðlaunum. Ég
skynja ákveðinn samhljóm milli
boðskapar þeirrar myndar og leik-
sýningarinnar sem þú ert núna að
leikstýra. Er það þér mikilvægt sem
listamaður er vera ávallt gagnrýnin
á samfélagið sem þú býrð í og í þeim
skilningi pólitískur?
„Ég er popúlisti. Ég vil vera
skemmtilegur og fá áhorfendur. Það
er mitt dílemma. Á sama tíma er ég
alltaf að slást við móralistann innra
með mér, enda er predikun dauði
allrar góðrar skemmtunar. Sumir
halda því fram að list geti aldrei
sprottið af góðum móral. Í árekstr-
inum af þessu tvennu er gaman að
dansa á línunni. Ætli markmiðið sé
ekki fyrst og fremst að segja satt og
í grunninn hef ég áhuga á svona
málum.“
Ertu farinn að leggja drög að
næsta kvikmyndaverkefni?
„Já. Ég er byrjaður að skrifa
handritið að næstu mynd, en get því
miður ekkert sagt meira um það
verkefni á þessu stigi,“ segir Bene-
dikt og tekur fram að hann deili
ekki þeirri þörf margra kollega
sinna í hópi kvikmyndaleikstjóra að
einblína á kvöl og hörmungar í
myndum sínum. Aðspurður segist
hann hafa átt alls kyns samtöl við
framleiðslufyrirtæki bæði vestan-
hafs og austan. „Draumur minn er
að geta lifað sem kvikmyndagerð-
armaður. Þannig að ég sé fram á að
vera frumskapandi næstu árin og
skrifa fram fyrir mig nokkur kvik-
myndahandrit sem ég geti síðan
framleitt. Það er að minnsta kosti
planið.“
Ljósmynd/Hörður Sveinsson
Demón „Mér fannst mikil-
vægt að hafa höfundinn
sjálfan í miðju verksins.
Hann passar mjög vel í hlut-
verk Kristjáns sem er ein-
hvers konar demón og æðsti-
prestur í þessu musteri,“
segir leikstjórinn um Jón
Gnarr sem fer með hlutverk
Kristjáns verslunarstjóra.
„Ég á von á þrusuflutningi, enda
skilja hljómsveitin og hljómsveitar-
stjórinn verkið vel,“ segir Þorsteinn
Hauksson tónskáld um Sinfóníu nr.
2 sem frumflutt verður undir stjórn
Önnu-Mariu Helsing á tónleikum
Sinfóníuhljómsveitar Íslands í kvöld
kl. 19.30 og útvarpað beint á Rás 1.
Aðspurður lýsir Þorsteinn verki
sínu, sem hann samdi 2014, sem ör-
ljóðum í anda japönsku hækunnar
þar sem örstuttar myndir séu
dregnar upp. „Þess vegna er verkið
í átta köflum, sem hver um sig veit-
ir innsýn í ólíka heima og furðuver-
aldir. Þetta eru skrýtnar og ör-
stuttar myndir sem komu til mín,“
segir Þorsteinn og tekur fram að
hann hafi snemma fundið að hann
myndi rústa hugmyndinni ef hann
ynni of lengi með hana. Þorsteinn
segir ánægjulegt hversu vel hljóð-
færaleikararnir og hljómsveitar-
stjórinn hafa tekið verkinu og vinni
úr því.
„Anna-Maria Helsing er sér-
staklega flinkur hljómsveitarstjóri
og mjög nákvæm. Löngu áður en
æfingar hófust var ég farin að fá
tölvupósta frá henni um ýmis smá-
atriði í túlkun verksins. Það var því
greinilegt að hún hafði kafað mjög
djúpt inn í raddskrána og skoðað af
mikilli nákvæmni,“ segir Þorsteinn
og tekur fram að slík vinnubrögð
séu til mikillar fyrirmyndar.
Morgunblaðið/Kristinn Magnúss
Tónskáldið Þorsteinn Hauksson á æfingu í Eldborg Hörpu í gær.
„Von á þrusuflutningi“
STJÖRNUM PRÝDDAR
Margföld metsölubók byggð
á magnaðri sannri sögu
Hjartnæm frásögn full af hryllingi
en einnig óbilandi ást og von
Áhrifamikil saga um horfinn
veruleika, hugdirfsku og fagra
en óblíða náttúru
Tilnefnd til alþjóðlegu
Man Booker-verðlaunanna 2017
„... fagurbókmenntir af allra besta tagi.“
A F T E N PO S T E N
„... hittir svo sannarlega í mark.“
S G / M B L
Metsölulisti
Eymundsson
Heildarlisti
2.
6
.-12
.
m
a
rs
Metsölulisti
Eymundsson
Heildarlisti
3.
6
.-12
.
m
a
rs
Bókabúð Forlagsins | Fiskislóð 39 | Opið alla virka daga 10–18 | Laugardaga 11–16 | www.forlagid.is
LANDSINS MESTA ÚRVAL BÓKA