Morgunblaðið - 20.03.2019, Side 10

10 FRÉTTIRInnlent
MORGUNBLAÐIÐ MIÐVIKUDAGUR 20. MARS 2019
Aðalfundur Símans hf.
verður haldinn fimmtudaginn 21. mars 2019
kl. 10:00 að Nauthól við Nauthólsvík
Dagskrá
1. Skýrsla stjórnar um starfsemi félagsins á liðnu starfsári.
2. Ársreikningur félagsins fyrir liðið starfsár, ásamt skýrslu endur-
skoðanda, lagður fram til staðfestingar. Ákvörðun um ráðstöfun
hagnaðar félagsins á reikningsárinu.
3. Ákvörðun um greiðslu arðs.
4. Kosning tveggja einstaklinga í tilnefningarnefnd.
5. Kosning stjórnar félagsins.
6. Kosning löggilts endurskoðanda eða endurskoðunarstofu.
7. Ákvörðun um þóknun til stjórnarmanna félagsins sem og
þóknun nefndarmanna í tilnefningarnefnd fyrir störf þeirra.
8. Tillaga stjórnar um starfskjarastefnu félagsins.
9. Tillaga um að heimila félaginu kaup á eigin hlutabréfum
skv. 55. gr. hlutafélagalaga og framkvæmd endurkaupaáætlunar.
Verði tillagan samþykkt felur það í sér að heimildarinnar
verður getið í sérstökum viðauka við samþykktir félagsins
og skal viðaukinn vera hluti af samþykktunum þann tíma
sem heimildin er í gildi, sbr. grein 8.1 samþykkta félagsins.
10. Önnur mál.
Reykjavík, 20. mars 2019,
Stjórn Símans hf.
Ágúst Ingi Jónsson
aij@mbl.is
Útlit er fyrir að veiðar á makríl í ár
geti orðið 160% umfram ráðgjöf
fiskifræðinga, en Alþjóða hafrann-
sóknaráðið, ICES, lagði til síðasta
haust að aflinn 2019 yrði ekki meiri
en 318 þúsund tonn. Samkvæmt út-
reikningum Fiskeribladet í Noregi
er líklegt að afli ársins verði alls um
820 þúsund tonn. Makríll hefur ver-
ið veiddur umfram ráðgjöf síðustu
ár, en gangi spár um veiðar ársins
eftir yrði um að ræða meiri hlut-
fallslega veiði umfram ráðgjöf en
áður.
40% samdráttur í ráðgjöf
Ráðgjöf ICES fyrir síðasta ár var
551 þúsund tonn og er því um að
ræða rúmlega 40% samdrátt í til-
lögum ráðsins um afla. Heildarafl-
inn 2018 var hins vegar ríflega ein
milljón tonn og 82% umfram ráðgjöf
og 2017 fór aflinn 37,5% umfram.
ESB, Noregur og Færeyjar
sömdu sín á milli um alls 551 þús-
und tonna afla fyrir þetta ár og tóku
frá 102 þúsund tonn til viðbótar fyr-
ir Ísland, Grænland og Rússland.
Ekkert samkomulag er um stjórnun
makrílveiða á Norður-Atlantshafi
frekar en aðrar uppsjávartegundir
og hlutur ætlaður Íslandi, Græn-
landi og Rússlandi er ekki í neinu
samræmi við veiðar síðustu ára.
Í fyrra veiddu þessar þjóðir um
360 þúsund tonn, að því er fram
kemur í Fiskeribladet, en saman-
lagðir kvótar voru um 310 þúsund
tonn. Grænland hefur tilkynnt að
kvóti ársins verði 60 þúsund tonn,
10% minni en í fyrra. Miðað er við
að Rússar og aðrir veiði sama magn
og í fyrra. Fiskeribladet miðar við
að Íslendingar minnki makrílkvót-
ann úr 132 þúsund tonnum í fyrra í
105 þúsund tonn í ár. Í Morgun-
blaðinu hefur komið fram að líklega
verði makrílkvótinn um 108 þúsund
tonn.
Stofnlíkan gagnrýnt
Í greinargerð með ráðgjöf ICES
síðasta haust kemur fram að hár
fiskveiðidauði og léleg nýliðun árin
2015 og 2016 hafi leitt til þess að
stærð hrygningarstofns sé komin
undir aðgerðamörk. Þar kemur
fram að ef afli ársins 2019 verður
svipaður og áætlaður afli 2018 sé
gert ráð fyrir að stærð hrygningar-
stofns verði undir varúðarmörkum
árið 2020.
Talsverð gagnrýni kom fram í
fyrrahaust á stofnlíkanið sem liggur
til grundvallar ráðgjöfinni. Í kjölfar-
ið var ákveðið að fara í saumana á
líkaninu á vettvangi ICES og hugs-
anlega endurmeta stærð stofnsins í
framhaldi af því. Þeirri vinnu er
nánast lokið og er gert ráð fyrir að
niðurstöður verði kynntar í byrjun
apríl.
Í aflareglu eldri samnings ESB,
Noregs og Færeyja var ákvæði um
að aflinn sveiflist aldrei meira upp
en sem nemur 25% og aldrei meira
niður en sem nemur 20% á milli ára.
Þessi tregðuregla átti hins vegar að
falla niður færi stofninn undir að-
gerðamörk. Í nýjum samningi virð-
ist ekki hafa verið tekið tillit til
þessa atriðis.
MSC-vottun makrílveiða í Norð-
austur-Atlantshafi var felld niður nú
í byrjun mars.
Makrílveiðar langt umfram ráðgjöf
 Mesta ofveiðin
gæti orðið á þessu ári
 Skoðun á stofn-
matslíkani að ljúka
Morgunblaðið/Börkur Kjartansson
Bjarni Ólafsson AK-70 Flest uppsjávarskipin hafa verið á kolmunna undanfarið en í sumar taka makríllinn og norsk-íslenska síldin við.
Fulltrúar dómsmálaráðuneytisins
hafa upplýst fjárlaganefnd um að
útgjöld vegna hælisleitenda hér á
landi geti farið allt að 2 milljörðum
króna fram úr þeim 3 milljörðum
sem fjárlög gera ráð fyrir til mála-
flokksins á þessu ári.
Þetta kom fram í máli Ólafs Ís-
leifssonar, þingmanns Miðflokks-
ins, í fyrirspurnatíma á Alþingi í
gær. Beindi hann fyrirspurn sinni
til dómsmálaráðherra, til hvaða
ráðstafana ætti að grípa til að koma
í veg fyrir frávik milli fjárheimilda
og raunútgjalda, eins og kveðið
væri á um í 34. gr. laga um opinber
fjármál.
„Tveir milljarðar eru mikið fé,
herra forseti, og gæti víða komið að
miklu gagni, ekki síst í heilbrigðis-
kerfinu og til aðstoðar við þá sem
höllum fæti standa,“ sagði Ólafur í
fyrirspurn sinni.
Vísaði hann til þess að fram hefði
komið hjá fulltrúum dómsmála-
ráðuneytisins að aukin fjárþörf
málaflokksins væri vegna fjölgunar
umsókna um hæli hér á landi. Sam-
kvæmt gögnum Útlendinga-
stofnunar bárust 146 umsóknir á
fyrstu tveimur mánuðum þessa árs,
borið saman við 95 umsóknir á
sama tíma í fyrra. Aukningin á milli
ára er 54%.
Þórdís Kolbrún Reykfjörð Gylfa-
dóttir dómsmálaráðherra svaraði
því til að ekki væri búið að grípa
formlega til aðgerða. Hún hefði þó
verið upplýst um stöðuna.
„Núna erum við að vinna að því í
ráðuneytinu að kalla eftir upplýs-
ingum frá Útlendingastofnun um
hvað sé mögulega hægt að gera til
að bregðast við þessari stöðu, fara
yfir það og leggja í framhaldinu til
ákveðnar tillögur,“ sagði ráðherra
ennfremur.
Sagði Þórdís Kolbrún það viður-
kennt að ekki væri gott fyrir neinn
að fá ekki alþjóðlega vernd og vera
sendur til baka. Þá væri ekki gott
að hafa verið hér í langan tíma og
myndað tengsl. Allra hagur væri að
afgreiða málin skjótt.
Morgunblaðið/Eggert
Hælisleitendur Mótmæli hafa staðið yfir á Austurvelli að undanförnu.
Stefnir í tvo millj-
arða yfir heimildir
 Mál hælisleitenda rædd á Alþingi