Morgunblaðið - 15.03.2019, Qupperneq 2

Útgefandi Árvakur Umsjón Marta María Jónasdóttir Blaðamenn Ásgeir Ingvarsson ai@mbl.is Elínrós Líndal elinros@mbl.is Lilja Ósk Sigurðardóttir
snyrtipenninn@mbl.is Nína Guðrún Geirsdóttir ninagudrun@gmail.com Auglýsingar Katrín Theódórsdóttir kata@mbl.is Prentun Landsprent ehf.
2 MORGUNBLAÐIÐ FÖSTUDAGUR 15. MARS 2019
Forsíðumyndina tók
Kristinn Magnússon
F
ermingardagur barns er stór dagur í lífi hverrar fjölskyldu. Oft og
tíðum veldur fermingin miklu stressi og setur líf fjölskyldunnar á
hliðina. En hvað getum við gert til þess fermingarundirbúningur
verði sem minnst stressandi en auki gleðistundir í fjölskyldunni um
leið. Er hægt að samræma þetta
tvennt?
Á tímum þar sem annar hver maður er
kominn með kulnun í starfi (og mögulega
einkalífi líka) getur fermingarundirbúningur
skapað allt of mikið álag. Svo kostar peninga
að láta ferma barn og þess vegna þarf að vera
skýr rammi utan um hverju má eyða og hverju
má sleppa. Flestir eru sammála um að ferm-
ingarbarnið eigi að ráða ferð en það getur
alveg gerst að barnið hafi stjarnfræðilegar
væntingar um daginn sinn. Íslensk börn
miða sig við það sem þau sjá á Youtube og
Instagram og samræmist lífsstíll venjulegrar
íslenskrar vísitölufjölskyldu kannski ekki allt-
af lífsstíl „sponsaðrar“ raunveruleika-
stjörnu. Og svo þarf að gera allt til
þess að veislan lúkki sem allra besta á
Instagram (sem er kreisí).
Níski Jóakim myndi alltaf halda veisluna heima í stað þess að leigja sal ef
það væri hægt. Hann myndi líka útbúa veitingar sjálfur og koma verkefnum
yfir á vini og vandamenn. Það munar engan um að skella í eina marengstertu
eða útbúa nokkur kjúklingaspjót en það er heilmikið mál fyrir eina manneskju
að matreiða allt. Ef fólk heldur veisluna heima þarf það að læra að sleppa
tökunum og ná að greina aðalatriði frá aukaatriðum. Það skiptir til dæmis
engu máli hvort fataskápar heimilismeðlima séu Marie Kondo-aðir eða ekki.
Baðherbergi þurfa að vera hrein og best er að fjar-
læga allt aukadót. Fallegt veisluborð er eitthvað sem
þarf að vera í lagi en það er hægt að búa til huggu-
legt veisluborð með afskornum blómum og fal-
legum borðbúnaði. Svo þurfa helst allir í fjölskyld-
unni að vera í sæmilega hreinum fötum og
nýbaðaðir. Hvort fötin séu splunkuný eða ekki
skiptir engu máli.
Þegar heimilið fyllist af fólki sjást húsgögn og
skrautmunir lítið en það sem stendur eftir hjá
gestunum er hvort það var góð stemning eða
ekki.
Ef einhver í fjölskyldunni hefur hæfileika
sem vert er að flagga í veislunni er um að gera
að draga það fram. Og ekki verra ef það er
eitthvað óvænt og spaugilegt.
Fermingarveisla
níska Jóakims
Marta María Jónasdóttir
  

Glæsileg fermingartilboð
á sængum, koddum og hreinsun
Laugavegur 68, 101 Rvk,
sími 511 2004
dunogfidur.isLöggildur dúnmatsmaður
Í
ferðinni fer stór hópur af ís-
lenskum unglingum saman til
Englands í enskuskóla. Á meðan
þau eru úti búa þau tvö og tvö
saman hjá bresku fólki í litla
strandbænum Broadstairs á suður-
strönd Englands, en þar er skólinn.
Þau byrja ferðina á því að taka
stöðupróf og er raðað í bekki eftir
því. Á morgnana læra þau ensku í
skólanum en seinni partinn gera þau
eitthvað skemmtilegt saman eins og
að fara á strönd, í keilu, ratleik, ferð-
ir til næstu bæja og fleira! Á kvöldin
er aftur skipulögð dagskrá, þá fara
þau í karókí, læra breska þjóðdansa,
í bíó, á diskótek og þar fram eftir
götum. Þau eru oft með unglingum
frá öðrum Evrópulöndum sem eru
líka í skólanum, bæði í tímum og í
því sem þau gera seinni partinn og á
kvöldin. Um helgar er enginn skóli
en þá fara unglingarnir í dagsferð til
Cambridge og fá frjálsan tíma til að
skoða sig um og jafnvel kíkja í búðir.
Unglingarnir fá tækifæri til að læra
ensku með formlegum hætti í skól-
anum en þau læra líka ótrúlega mik-
ið af samskiptum við fjölskylduna
sem þau gista hjá, aðra nemendur
skólans og í því sem hópurinn gerir
saman eftir skóla! Þau fá að upplifa
mikið sjálfstæði, sem unglingar á
þessum aldri þrá, en eru samt í
öruggu umhverfi og vel passað upp á
þau. Þetta er frábært tækifæri til að
læra ensku, kynnast nýju fólki frá
öllum löndum og hafa það óendan-
lega skemmtilegt,“ segir Kristín
Hulda Gísladóttir, meistaranemi í
klínískri sálfræði og fararstjóri í
ferðinni.
Hver var þín upplifun þegar þú
fórst í þessa ferð á sínum tíma?
„Ferðin var eitt það allra
skemmtilegasta og eftirminnilegasta
sem ég gerði á unglinsárunum! Ég
fór með vinkonu minni og við gistum
saman hjá eldra pari sem bjó rétt
hjá skólanum, þau voru alveg ynd-
isleg og okkur fannst mjög gaman að
heyra hreiminn þeirra. Íslenski
hópurinn kynntist strax rosalega vel
en ferðin er sett upp þannig að
hópurinn er saman nær allan dag-
inn. Ég eignaðist marga góða vini
sem ég hélt sambandi við í mörg ár
eftir ferðina og suma þekki ég ennþá
í dag, 11 árum seinna!“
Hvað lærðir þú af ferðinni?
„Ég lærði mikla ensku og fékk
mikið sjálfstraust í að tala hana.
Allir á vegum skólans eru breskir,
bæði kennarar og þeir sem sjá um
skemmtanirnar auk þess sem það
þarf að tala ensku við fjölskylduna
sem maður gistir hjá, hina erlendu
nemendurna og alla aðra í bænum.
Ég lærði að standa aðeins á eigin
fótum og að pluma mig í nýju og
öðruvísi umhverfi. Ég lærði líka
ótrúlega mikið um að kynnast nýju
fólki og eignast vini en ég var í litlum
grunnskóla og það var alveg nýtt
fyrir mig að vera með svona stórum
hópi af unglingum á svipuðum aldri
og ég.“
Hverju leggur þú upp úr sem hóp-
stjóri?
„Að krakkarnir fái tækifæri til að
njóta sín, kynnast vel og skemmta
sér. Ég vil að þau fái að upplifa sjálf-
stæði en séu samt alltaf örugg og
fylgst með þeim. Ég legg mikið upp
úr því að þau fái allar upplýsingar,
að þau viti alltaf hvað er í gangi og
hvað þau eru að fara að gera. Ég
reyni aðallega bara að halda vel utan
um hópinn, tryggja að öllum líði vel
og passa að þau viti að ég sé alltaf til
staðar til að spjalla eða leysa úr
vandamálum!“
Tryggir að öllum líði vel
Kristín Hulda Gísladóttir meistaranemi í klínískri sálfræði er fararstjóri í ferð
íslenskra unglinga til Englands á vegum fyrirtækisins Enska fyrir alla.
Marta María | mm@mbl.is
Kristín Hulda Gísladóttir,
meistaranemi í klínískri
sálfræði og formaður
Hugrúnar, geðfræðslu-
félags háskólanema.
Hún er líka fararstjóri í
ferðinni til Englands.
Það sem þykir áhugavert um þessar
mundir er teboð (e. high tea) í stað hefð-
bundinnar fermingarveislu. Í teboði er
boðið upp á te og kaffi. Eins eru smurðar
litlar brauðsneiðar og hafðar litlar kökur
sem enginn verður of saddur af. Þessar
veislur eru umhverfisvænar og skemmti-
legar og í anda þeirra sem vilja halda í
gamlar breskar hefðir.
Teboð í
tilefni
fermingar
Ljósmynd/Thinkstockphotos
Í fermingar-
teboðum eru
hafðir köku-
standar á
hverju borði.