Morgunblaðið - Sunnudagur - 28.04.2019, Blaðsíða 2

Hvernig liggur á þér?
Bara vel!
Þú ert að fara að fylla Hörpu á sunnudag, aftur.
Það eru bara örfáir miðar lausir.
Hvert þó í logandi! Er það virkilega?
Hvað veldur þessum vinsældum á gamals aldri?
Ég skil það ekki, ég er 84 ára og er að fylla Hörpuna tvisvar í röð.
Ertu enn í fullu fjöri?
Já, já, ég er á hundraðinu.
Hvaða lög syngurðu?
Gömul og ný lög, allt aftur til 1960. Vertu ekki að horfa svona alltaf á
mig er á dagskrá til dæmis og ég verð aldrei leiður á að syngja það
þótt ég hafi sungið það mörg þúsund sinnum. Ég er með skemmtilegt
lið með mér þarna og það er alls konar prakkaraskapur í gangi.
Áttu þér uppáhaldslag?
Nei, en My Way finnst mér krefjandi og gaman að syngja. Kannski
Við bjóðum góða nótt, eftir hann pabba.
Er alltaf jafn gaman að standa á sviði og syngja fyrir
fullu húsi?
Já, það er alveg sama hvort það eru tuttugu manns eða þúsund
manns; ég hef alltaf jafn gaman af þessu.
Kemur aldrei fyrir að þú gleymir textum?
Jú, það kemur fyrir. Þá kalla ég bara út í sal og spyr hvort einhver
kunni ekki textann.
Morgunblaðið/Ásdís
RAGGI BJARNA
SITUR FYRIR SVÖRUM
Alls konar
prakkaraskapur
Í FÓKUS
2 MORGUNBLAÐIÐ SUNNUDAGUR 28.4. 2019
Ég hef mikið dálæti á karlmannsnafninu Snæbjörn enda ættaður fráSnæbjarnarstöðum í Fnjóskadal. Afi minn hét Snæbjörn og ég áfrændur í báðum ættum sem bera þetta tígulega nafn en bæði móðir
mín og systir hennar gengu að eiga menn sem eru Snæbjörnssynir, þó
óskyldir. Þriðja systirin hefði ugglaust gert slíkt hið sama hefði hún ekki flutt
ung að árum til Svíþjóðar en þar er af einhverjum ástæðum minna framboð á
Snæbjörnum en hér í fásinninu. Í Svíþjóð búa hins vegar ákaflega margir
menn sem heita Lars. Suma þeirra þekki ég persónulega.
Það er svo skemmtilegt við nafnið Snæbjörn að engin leið er að átta sig á
því hvað slíkir menn eru kallaðir. Ég meina, 99% Matthíasa kallast Matti og
98% Gunnara kallast Gunni. Ég þekki eða veit um Snæbirni sem kallaðir eru
Diddi, Bibbi, Bubbi, Bjössi, Snabbi,
Snæsi og Snæi. Og þessi listi er
hvergi nærri tæmandi. Raunar eru
dæmi um að fólk telji að síðasttalda
gælunafnið sé skrifað Snagi en það
er allt önnur saga.
En er nafnið til útflutnings? Snæ-
björn frændi minn hefur búið í um
tvo áratugi erlendis, lengst af í
enskumælandi löndum, og gerði sér
snemma grein fyrir því að nafnið fer
ekki nægilega vel í munni inn-
fæddra. Þeir hósta bara og hiksta
þegar þeir gera heiðarlega tilraun til
að bera það fram. Hann gerði sér af
þeim sökum lítið fyrir og snaraði
nafninu beint yfir á ensku: Snow-
bear. Og hefur notast við það með
góðum árangri síðan. Það stendur
meira að segja á nafnspjaldinu sem
hann réttir samferðafólki sínu.
Í huga mér hefur Snæbjörn alltaf staðið fyrir festu og þess vegna kemur
ekki á óvart að nafnið fléttist með afgerandi hætti inn í kjarabaráttuna sem
stendur svo hátt nú um stundir gegnum Kristján Þórð Snæbjörnsson, for-
mann Rafiðnaðarsambands Íslands, og Björn Snæbjörnsson, formann
Starfsgreinasambandsins. Þegar maður hugsar út í það væri Snæbjörn auð-
vitað gráupplagt nafn á heilt stéttarfélag. Að ekki sé talað um björgunar-
sveit. „Hafið engar áhyggjur; Björgunarsveitin Snæbjörn er á leiðinni!“
Loks er fyrirmunað að skilja hvers vegna við brenndum af því dauðafæri
að kalla ísbirni eða hvítabirni snæbirni. Það fer þeim miklu betur. Alltént
þangað til þeir ganga óboðnir á land í Skagafirði og menn taka upp frethólka
og byrja að skjóta þá. Það þætti mér óþægilegt.
Snæbjörn
Pistill
Orri Páll
Ormarsson
orri@mbl.is
’Mér er fyrirmunað aðskilja hvers vegna viðbrenndum af því dauða-færi að kalla ísbirni eða
hvítabirni snæbirni. Það
fer þeim miklu betur. All-
tént þangað til þeir ganga
óboðnir á land í Skaga-
firði og menn taka upp
frethólka og byrja að
skjóta þá.
Jóna Stefanía Guðlaugsdóttir
Já, til New York, að hitta au-pairinn
sem passaði mig einu sinni.
SPURNING
DAGSINS
Ætlar þú til
útlanda í
sumar?
Páll Baldursson
Já, líklega til Berlínar í júlí.
Hulda Theódórsdóttir
Nei, ég ætla að vera mest bara
heima og hjóla og synda.
Ingi Freyr Rafnsson
Já, til Manchester og Danmerkur.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Kristinn Magnússon
Raggi Bjarna heldur aðra tónleika af þrennum á sunnudag, 28. apríl, í
Hörpu í tilefni af 85 ára afmæli sínu á árinu. Síðustu tónleikarnir verða 1.
september. Nokkrir miðar eru enn til á sunnudag á tix.is.
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.