Fréttablaðið - 04.06.2019, Blaðsíða 34

Sandra Guðrún
Guðmundsdóttir
sandragudrun@frettabladid.is
Heilsunudd nær yfir margar mismundandi nuddaðferðir frá öllum heimshornum.
Fjölbreytileiki heilsunudds er
ótvíræður kostur og heilsunudd­
arar eru með ólíkar áherslur við
meðhöndlun. Unnur Kolka Leifs­
dóttir, formaður Félags íslenskra
heilsunuddara, segir að starfs­
heitið heilsunuddari sé notað til að
aðgreina þá frá öðrum nuddurum
sem ekki hafa jafn mikla menntun
í faginu.
„Sá sem er heilsunuddari er
lærður úr nuddbraut FÁ sem þýðir
að hann hefur lokið þriggja ára
námi auk starfsþjálfunar og kann
hinar ýmsu nuddaðferðir sem
hann svo beitir eftir þörfum. Við
lærum meðal annars klassískt
nudd, triggerpunkta meðferð,
heildrænt nudd, sogæðanudd og
íþróttanudd. Við lærum sem sagt
alhliða nudd, en nuddarar velja oft
að sérhæfa sig eftir áhugasviðum.“
Unnur Kolka segir að það megi
skipta faginu í tvennt. Heilsunudd­
arar vinna með fólk sem kemur
í meðferð við kvillum eins og til
dæmis vöðvabólgu, verkjum og
stirðleika. En nudd er líka fyrir­
byggjandi. Það er hægt að stunda
nudd reglulega, líkt og líkamsrækt
eða jóga.
„Nútímalífsstíll er þannig að
hann vinnur svolítið á móti okkar
náttúrulegu þörfum. Þessi mikla
kyrrseta, og þá sérstaklega tölvu­
vinna, er slæm fyrir líkamann. Með
því að stunda nudd reglulega má
minnka töluvert líkur á því að þróa
með sér vinnutengda stoðkerfis­
vanda. Svo erum við mörg dugleg
að hreyfa okkur en kannski ekki
nógu dugleg að teygja, þá getur
nudd bætt upp fyrir það og mögu­
lega komið í veg fyrir meiðsli,“ segir
Unnur Kolka.
„Nudd hjá lærðum nuddara er
frekar vinsælt á Íslandi miðað við
önnur lönd. Íslendingar þekkja
alvöru nudd. Margir eru mjög
meðvitaðir um það að ef þeir fara
til nuddara einu sinni í mánuði
fá þeir síður stoðkerfisvandamál,
til dæmis höfuðverki, hálstak eða
bakvandamál. Margt af því sem við
gerum er forvörn. Mér finnst það
svolítið vanmetinn hluti af heil­
brigðisþjónustu. Það væri áhuga­
vert að sjá tölur um það hversu
margir fá vöðvabólgugreiningu
eftir að hafa mætt á bráðamót­
töku vegna verkja. Ég get nokkurn
veginn fullyrt að ef fleiri fengju
reglulegt nudd sem forvörn myndi
veikindadögum á flestum vinnu­
stöðum fækka svo um munar.“
Unnur Kolka segir að heilsu­
nuddarar hafi unnið að því að fá
viðurkenningu sem heilbrigðis­
þjónusta en kannski eigi þeir ekki
heima þar.
„Við erum svolítið eins og
hreyfingin og heilsuræktin. Að
borða hollt, hreyfa sig og fara í
nudd. Þetta er frekar hluti af heilsu­
eflingu en heilbrigðiskerfinu. Það
ætti kannski frekar að heita sjúk­
dómakerfið. Þú ferð þangað því þú
ert kominn á þann stað að vanda­
málin eru orðin alvarleg og krefjast
læknisaðstoðar, en þú vilt vera hjá
okkur til að forðast vandamál í
stoðkerfinu og meiðsli. Gott dæmi
er hásinarslit sem í mörgum til­
fellum kemur vegna þess að vöðvar
í kálfa gefa ekki nógu vel eftir.“
Unnur Kolka leggur áherslu á
að starf heilsunuddara sé mikil­
vægt og þeir beri mikla ábyrgð því
þeir eru með fólk í höndunum. Því
finnst henni mikilvægt að starfs­
heitið verði lögverndað.
„Eins og er getur hver sem er
kallað sig heilsunuddara og ekkert
sem ég get gert annað en senda
skammarbréf . Margir halda að
nuddnám snúist um að kunna sem
mestar og bestar aðferðir til þess að
nudda en satt best að segja er mikil­
vægasta ástæða þess að nuddari
þarf að hafa góða menntun sú að
hann hafi viskuna til þess að vita
hvenær ekki á að nudda. Til dæmis
að átta sig á öðrum einkennum sem
benda til þess að viðkomandi ætti
frekar að leita til læknis. Þess vegna
er lögverndun starfsheitis svo
mikilvæg. Við viljum að starfsheit­
ið verði lögverndað svo fólki viti að
þeir sem kalla sig heilsunuddara
séu öruggir. Fólk þarf að treysta því
að ef einhver kallar sig heilsunudd­
ara þá hafi hann sannarlega tekið
þetta nám.“
Nudd getur verið fyrirbyggjandi
Unnur Kolka segir nudd koma í veg fyrir meiðsli FRÉTTABLAÐIÐ/SIGTRYGGUR ARI
Formanni félags
heilsunuddara
finnst mikilvægt
að starfsheitið
verði lögverndað.

viftur.is
S:566 6000 ∑ Smiðjuvegur 4a, græn gata, 200 Kópavogur
Loftviftur
Loftræstibúðin á Smiðjuvegi 4a, Græn Gata
Amerísk Gæði síðaN 1886
Blástu hitanum burt!
Andaðu léttar
6 KYNNINGARBLAÐ FÓLK 4 . J Ú N Í 2 0 1 9 Þ R I ÐJ U DAG U R
0
4
-0
6
-2
0
1
9
0
7
:3
1
F
B
0
4
8
s
_
P
0
3
4
K
.p
1
.p
d
f
F
B
0
4
8
s
_
P
0
2
7
K
.p
1
.p
d
f
F
B
0
4
8
s
_
P
0
1
5
K
.p
1
.p
d
f
F
B
0
4
8
s
_
P
0
2
2
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
3
2
7
-E
8
F
C
2
3
2
7
-E
7
C
0
2
3
2
7
-E
6
8
4
2
3
2
7
-E
5
4
8
2
7
5
X
4
0
0
.0
0
1
4
A

F
B
0
4
8
s
_
3
_
6
_
2
0
1
9
C
M
Y
K