Fréttir - Eyjafréttir - 14.01.2015, Qupperneq 6

6 Eyjafréttir / Miðvikudagur 14. janúar 2015
Þeir komu færandi hendi, Drullu-
sokkarnir, á Sjúkrahúsið fyrir
stuttu. Komu þeir með 20 stóla sem
þeir gáfu stofnuninni. „Við vildum
láta gott af okkur leiða sagði
talsmaður Drullusokkanna, Jens
Karl Jóhannesson, í samtali við
Fréttir. Það voru Guðný Bogadóttir
hjúkrunarfræðingur og Ágúst Óskar
Gústafsson, heilsugæslulæknir sem
tóku við gjöfinni.
F.v. Bryndís Gísladóttir, Guðný,
Sigurður Óli Steingrímsson, Ágúst,
Jens Karl, Gunnar Adólfsson og
Sæþór Gunnarsson með dótturina
Bjarteyju Ósk.
Í síðustu viku tóku 16 nemendur
í Framhaldsskólanum þátt í
keppninni Oilsim og komst einn
hópurinn áfram og keppir í
Englandi um aðra helgi.
Það var liðið Exxon Valdez sem í
eru Elliði Ívarsson, Ólafur Freyr
Ólafsson, Valur Marvin Pálsson og
Þórður Örn Stefánsson sem halda
áleiðis til London ásamt Helgu
Kristínu Kolbeins, skólameistara
sem verður liðinu til halds og
trausts. „Strákarnir unnu á dög-
unum landskeppnina í olíuleitar-
leiknum Oilsim og öðluðust þar
með þátttökurétt til að taka þátt í
lokakeppninni í London. Keppnin
verður haldin í Imperial College
sem er mjög virtur og eftirsóttur
skóli. Ferðakostnaður og allt
uppihald er greitt af styrktaraðilum
keppninnar.
Við vonum svo sannarlega að
okkar mönnum gangi sem best ytra
og helgin verði þeim ánægjuleg,“
sagði Helga Kristín.
Kennsla hófst í skólanum
samkvæmt stundaskrá miðvikudag-
inn 7. janúar.
Að venju valdi Lionsklúbbur
Vestmannaeyja jólahúsið og varð
hús Emmu Pálsdóttur og Kristjáns
Óskarssonar, Illugagata 32, fyrir
valinu að þessu sinni. HS-veitur
veita verðlaunin sem eru skjal til
staðfestingar á valinu og afslátt af
rafmagnsreikningi.
Fulltrúar Lions og HS-Veitna
mættu til Emmu og Kristjáns um
jólin og afhentu þeim viðurkenn-
inguna. F.v. Ægir Ármannsson frá
Lions, Sigurjón Ingólfsson frá
HS-Veitum, Kristján og Emma og
Höskuldur Kárason og Óskar Örn
Ólafsson frá Lions.
Fjarskipta- og samgöngumál eru
yfirleitt mál málanna þegar ég ræði
við fólk í hinu ægifagra og
víðfeðma Suðurkjördæmi. Það er
nauðsynlegt að þessum málaflokk-
um sé vel sinnt þar sem
þeir eru grundvöllur
atvinnuuppbyggingar,
námsmöguleika og að
allir landsmenn geti sótt
nauðsynlega grunn-
þjónustu með góðu
móti. Framsókn hefur
lagt mikla áherslu á
mikilvægi fjarskipta-
mála á landsbyggðinni.
Fjarskiptin í forgangi
Fjárlagafrumvarpið var samþykkt
þann 16. desember síðastliðinn og
ég er ánægð með forgangsröðunina
sem þar birtist, ekki síst út frá
umræddum málaflokkum. Þess má
einnig geta að annað árið í röð
samþykkir þingið hallalaus fjárlög
og að þessu sinni með 3,5 milljarða
króna afgangi.
Samþykkt var að veita 300
milljónum í Fjarskiptasjóð til þess
að hefja fyrsta áfanga framkvæmda
við fyrirhugaða fjarskiptaáætlun.
Með fjárveitingunni verður hægt að
skipuleggja og kortleggja innviða-
grunn ljósleiðara, hefja tengingar á
ótengdum svæðum auk þess að
hringtengja landsvæði.
Uppbygging innanlands-
flugvalla
Innanlandsflug er mikilvægur hluti
almenningssamgangna. Samt sem
áður hefur viðhaldi innanlandsflug-
valla ekki verið sinnt sem skyldi
undanfarin ár, ekki frekar en
vegakerfinu, og þarna þarf að gera
bragarbót á. Þingið samþykkti nú
að veita 500 milljónum króna til að
koma til móts við uppsafnaða
viðhaldsþörf á flugvöllum á
landsbyggðinni. Þessi liður er
fjármagnaður með arðgreiðslum frá
ISAVIA sem renna í ríkissjóð. Þar
með er komin lausn áralangrar deilu
varðandi það hvernig hægt sé að
fjármagna viðhald flugvalla á
landsbyggðinni. Sumir hafa
gagnrýnt þá leið og haldið fram að
sú ráðstöfun muni draga úr
nauðsynlegu viðhaldi og uppbygg-
ingu á Keflavíkurflugvelli. Sú er
ekki raunin. Hagnaður ISAVIA er
tæpir 3 milljarðar króna og batnar
ár frá ári. Styrking innanlandsflug-
valla mun ekki hafa áhrif á
framkvæmdahraða á Keflavíkur-
flugvelli. Framkvæmdir munu halda
áfram samkvæmt áætlun og þær
verða fjármagnaðar með arði og
lántökum. Störf munu ekki hverfa
frá Suðurnesjum, heldur þvert á
móti.
Samgöngumálin
í brennidepli
Auk þess að leggja áherslu á
uppbyggingu fjarskiptakerfis og
bættra
flugsamgangna
þá var einnig
ákveðið að
leggja tugi
milljóna til
nauðsynlegra
endurbóta á
hafnarmann-
virkjum í
Þorlákshöfn.
Það felast miklir hagsmunir í því
fyrir allt Suðurland að eiga góða
höfn.
Af þessari upptalningu má sjá hver
forgangsröðun fjármuna í kjör-
dæminu var. En betur má ef duga
skal. Enn eru fjölmörg verkefni
óleyst. Það stærsta er eflaust
áframhaldandi uppbygging
Landeyjahafnar og smíði nýs
Herjólfs. Það verkefni er mjög
aðkallandi. Einnig þarf að fara í
stórátak í viðhaldi vega, þá
sérstaklega tengivega, að ógleymdri
fækkun einbreiðra brúa í Skafta-
fellssýslum. Af nógu er að taka og
mun ég halda áfram að leggja mitt á
vogarskálarnar í þeirri vinnu.
Það er kominn tími
til að tengja
silja dögg
gunnarsdóttir,
þingmaður
Framsóknarflokksins
Þingið samþykkti nú að veita 500 millj-
ónum króna til að koma til móts við
uppsafnaða viðhaldsþörf á flugvöllum á
landsbyggðinni. Þessi liður er fjármagn-
aður með arðgreiðslum frá ISAVIA sem
renna í ríkissjóð.”
Drullusokk-
ar færðu
Sjúkrahús-
inu 20 stóla
Emma og
Kristján áttu
Jólahúsið í ár
FÍV :: Frábær árangur í olíuleitarleik:
Strákarnir í
Exxon Valdez á
leið til London
í lokakeppni
Ómar GarðarSSon
omar@eyjafrettir.is