Fréttir - Eyjafréttir - 14.01.2015, Page 13

13Eyjafréttir / Miðvikudagur 14. janúar 2015
Nýr sparisjóðsstjóri var ráðinn í
Vestmannaeyjum í lok nýliðins
árs. Hafsteinn Gunnarsson sest í
stól sparisjóðsstjóra eftir
rúmlega átta ára starf hjá
fjármálastofnuninni. Þetta er í
annað sinn sem Hafsteinn tekur
við yfirmannsstöðu forvera síns í
starfi. Í samtali við Sighvat
Jónsson fer Hafsteinn yfir stöðu
sparisjóðanna og sóknarfæri
þeirra.
Tveir feður
- tveir svaramenn
Hafsteinn er á 48. ári, hann fæddist
í Vestmannaeyjum og er sonur
Margrétar Sigurlásdóttur (Maddýjar
á Reynistað) og Gunnars Guð-
mundssonar frá Selfossi. Fóstur-
faðir Hafsteins er Eyjamaðurinn
Erlingur Pétursson. Hafsteinn hefur
alla tíð verið í góðu sambandi við
föður sinn og nefnir sem dæmi að
hann og fósturfaðir hans hafi verið
svaramenn í brúðkaupi hans. „Ég
sagði við prestinn að ég ætlaði ekki
að gera upp á milli þeirra, þeir
myndu standa báðir mér við hlið,
alveg sama hvað Guð segði,“ segir
Hafsteinn og bætir hlæjandi við:
„Guð samþykkti það.“ Samtals á
Hafsteinn sex systkini. Hann á
fjögur börn með eiginkonu sinni
Herdísi Rós Njálsdóttur.
Nýi sparisjóðsstjórinn er uppalinn
í Eyjum. Hann útskrifaðist frá
Framhaldsskólanum í Vestmanna-
eyjum fyrir jólin 1989. Hafsteinn
kveðst hafa verið óákveðinn um
framtíðina, í fyrstu fór hann á
samning í netagerð tengdaföður
síns, þar sem hann vann í nokkur ár.
„Ég hóf nám í viðskiptafræði í
Háskóla Íslands haustið 1990,
þaðan sem ég útskrifaðist vorið
1995. Þá hóf ég störf hjá endur-
skoðunarskrifstofunni Deloitte hér í
Eyjum,“ segir Hafsteinn. Forveri
hans í stól sparisjóðsstjóra, Ólafur
Elísson, stýrði starfsstöð Deloitte í
Vestmannaeyjum þegar Hafsteinn
vann þar. Þegar Ólafur hætti hjá
Deloitte 1999 og tók við starfi
sparisjóðsstjóra tók Hafsteinn við
starfi Ólafs hjá Deloitte. Þetta er því
í annað sinn sem Hafsteinn fetar í
fótspor Ólafs. „Ég tók löggildingar-
próf endurskoðenda í desember
1999, niðurstöður prófsins lágu
fyrir í upphafi febrúar 2000 og ég
fékk skírteinið í mars sama ár. Ég
stýrði Deloitte í Eyjum þar til ég
elti Óla í sparisjóðinn,“ segir
Hafsteinn brosandi, en hann byrjaði
hjá Sparisjóði Vestmannaeyja í
október 2006. Eftir rúm átta ár í
starfi var Hafsteinn ráðinn spari-
sjóðsstjóri í árslok 2014.
Skammur aðdragandi
Þegar Ólafur Elísson, fyrrverandi
sparisjóðsstjóri, sagði starfi sínu
lausu í lok október eftir 15 ár, lýsti
Hafsteinn því strax yfir við stjórn
sparisjóðsins að hann myndi
sækjast eftir starfinu. Starfið var
auglýst í nóvember og viðtöl við
umsækjendur fóru fram í desember.
Hafsteinn var ráðinn 18. desember,
en auk hans sóttu sjö aðrir um
stöðuna. Stjórn sparisjóðsins hefur
ekki orðið við ósk Eyjafrétta um að
birta nöfn umsækjenda.
Hvers vegna sóttir þú um stöðuna?
„Sparisjóðurinn hefur gengið í
gegnum endurskipulagningu og
nýverið var fækkað um tvö og hálft
stöðugildi, þar á meðal var einum
starfsmanni sagt upp hér í Vest-
mannaeyjum,“ segir Hafsteinn.
Höfuðstöðvar Sparisjóðs Vest-
mannaeyja eru í Eyjum en að auki
eru fjórar starfsstöðvar; á Selfossi,
Djúpavogi, Hornafirði og Breið-
dalsvík. „Í áætlunum var gert ráð
fyrir að fækkað yrði um einn
forstöðumann og er það raunin þar
sem ekki verður ráðið í mitt gamla
starf. Ég starfaði
áður sem
forstöðumaður
reikningshalds og
innra eftirlits og
tel að ég geti
sinnt þeim
verkum samhliða
nýja starfinu. Ég
mun vitanlega
koma einhverjum
verkefnum yfir á
aðra starfsmenn.
En ég taldi það
bestu lausnina að endurskipuleggja
með þessum hætti í ljósi erfiðrar
stöðu sjóðsins. Annars hefði þurft
að segja upp forstöðumanni og gera
frekari breytingar. Ég ákvað einnig
að sækja um stöðu sparisjóðsstjóra
þar sem ég þekki sparisjóðinn vel
eftir átta ára starf. Ég veit hvað þarf
að gera og hvaða verkefni eru
framundan,“ segir Hafsteinn.
Trúir á framtíð
sparisjóðanna
Í ljósi umræðu um erfiða stöðu
sparisjóðanna á landinu í kjölfar
efnahagshrunsins er eðlilegt að
spyrja hvort þú trúir á að spari-
sjóður verði áfram til hér í
Vestmannaeyjum?
„Ég trúi því að við getum náð
tökum á rekstrinum, ég trúi á
framtíð sparisjóðanna. Ég var
ráðinn til frambúðar en ég lít á
stöðuna nú sem tímabundið ástand
þar sem það verður erfitt til lengri
tíma að sinna báðum störfum svo
vel sé. Vonandi getum við fjölgað
fólki aftur eftir 1-2 ár. Mín skoðun
er sú að fólk líti á sparisjóðina sem
nauðsynlegan valkost við hliðina á
stóru bönkunum,“ segir Hafsteinn.
Að hvaða leyti eiga sparisjóðirnir
að vera frábrugðnir bönkunum?
„Eftir fækkun sparisjóðanna á
höfuðborgarsvæðinu erum við
öflugri á landsbyggðinni og má því
segja að við hugsum meira um
hana. Sparisjóðirnir eru sem dæmi
mjög sterkir á Norðurlandi. Það
breytir því þó ekki að við þurfum
einnig að ná fótfestu á höfuðborgar-
svæðinu, þar held ég að fólk sakni
sparisjóðanna sinna. Við erum
minni en bankarnir og getum ekki
keppt við þá að öllu leyti, en getum
veitt þjónustu á sanngjörnu verði,
persónulega þjónustu,“ segir
Hafsteinn. „Sem dæmi um þetta þá
erum við ekki með hámark á
íbúðalánum heldur metum við
viðskiptavininn og þá eign sem
hann er að fjármagna. Við reynum
að vera sveigjanleg og til staðar
fyrir okkar viðskiptavini,“ bætir
hann við.
Brýnast að draga úr van-
skilum viðskiptavina
Hafsteinn segir eftirsjá að þeim
sparisjóðum á höfuðborgarsvæðinu
sem fóru í þrot eftir hrun. Það sé
beinlínis nauðsynlegt fyrir minni
sparisjóði á landsbyggðinni að hafa
aðgengi að sérfræðiþekkingu í
miðlægri starfsstöð. Hann nefnir
sem dæmi að oft hafi verið leitað til
lögfræðinga og annarra sérfræðinga
hjá Sparisjóðabankanum sáluga.
Sparisjóðirnir hafa átt í slíku
samstarfi að undanförnu við MP
banka.
Aðspurður um brýnustu verkefni
hjá Sparisjóði Vestmannaeyja nefnir
Hafsteinn tvennt, annars vegar þurfi
að lækka kostnað vegna reksturs
tölvukerfa og hins vegar sé
nauðsynlegt að draga úr vanskilum
viðskiptavina og koma í veg fyrir
frekara tap vegna útlána. „Við erum
að glíma við mikil vanskil,
sérstaklega á Selfossi. Atvinnulífið
þar hefur ekki náð sér að fullu á
strik eftir efnahagshrunið. Það
virðist vera sem það taki lengri tíma
fyrir svæði umhverfis Reykjavík að
rétta fjárhagslega úr kútnum en
önnur. Í útgerðar-
bæjum eru uppgrip,
eins og loðnu- eða
síldarvertíðir, sem
gera fólki kleift að
bæta fjárhagsstöðu
sína. Þetta sjáum við
bæði hér í Eyjum og
á Höfn í Hornafirði,“
útskýrir Hafsteinn.
Erum pínu
gamaldags
Hafsteinn ítrekar að
lokum að möguleikar sparisjóðanna
felist í því að veita persónulega
þjónustu. „Við erum pínu gamal-
dags og viljum vera það,“ segir
hann brosandi. „En að sama skapi
þurfum við að fylgja takti tímans og
erum við sem dæmi að kynna okkur
forrit fyrir snjallsíma og spjald-
tölvur, svokallað „app“, til að
auðvelda viðskiptavinum okkar enn
frekar að stunda bankaviðskipti,“
bætir Hafsteinn við. Hann segir dýrt
að útbúa slíkt forrit og því sé til
skoðunar samstarf við þýska
sparisjóði í þeim efnum. Slíkt
samstarf sé dæmi um nauðsyn þess
að sparisjóðir, innanlands sem utan,
eigi í góðu samstarfi varðandi
sameiginlega hagsmuni og
sérfræðiþekkingu. „Þrátt fyrir erfiða
stöðu sparisjóðanna þurfum við að
geta aukið umsvif okkar, án þess að
fara út í einhverja vitleysu,“ segir
Hafsteinn Gunnarsson, nýráðinn
sparisjóðsstjóri Sparisjóðs Vest-
mannaeyja.
Hafsteinn Gunnarsson, nýr sparisjóðsstjóri:
Sparisjóðirnir eiga
framtíð fyrir sér
:: Veitum persónulega þjóustu :: Vinnum með landsbyggðinni :: Brýnt að draga úr
vanskilum :: Fækkað um forstöðumann
Stjórn Spari-
sjóðs Vest-
mannaeyja:
Frekari
sam-
eining
spari-
sjóða í
farvatn-
inu
:: Aðhalds-
aðgerðir skila
árangri
Rekstur þeirra
sparisjóða sem
enn eru
starfandi eftir
fjármálahrunið
hefur verið
erfiður.
Þorbjörg Inga
Jónsdóttir,
stjórnarfor-
maður Spari-
sjóðs Vestmannaeyja, segir að
það helgist helst af auknum
kostnaði í rekstri, afskriftum
krafna og opinberum álögum,
auk efnahagsstöðunnar. „En
það má ekki gleymast að þeir
sparisjóðir sem enn eru
starfandi eru þær íslensku
fjármálastofnanir sem lifðu af
hrunið og sýnir það meðal
annars aðrar áherslur í þeirra
rekstri en var hjá viðskipta-
bönkunum,“ segir Þorbjörg
Inga í samtali við Eyjafréttir.
Hún segir að vel hafi verið
unnið að því að bæta afkomu
sparisjóðanna síðastliðin ár
og að aðgerðir, sem teknar
hafi verið í því skyni, séu að
skila árangri. „Það er mat
stjórnar Sparisjóðs Vest-
mannaeyja að það þurfi að
sameina sparisjóði enn frekar
en nú hefur verið gert.
Stjórnin hefur sem dæmi
ákveðið að leita eftir
sameiningarviðræðum við
aðra sparisjóði, þær eru þó
enn ekki hafnar. Við teljum
æskilegt að sparisjóðirnir
verði færri og stærri til að
lækka fastan rekstrarkostnað
og bæta þjónustu við
viðskiptamenn,“ segir
Þorbjörg Inga.
SiGhVaTur JÓnSSon
sighvatur@eyjafrettir.is
Þorbjörg
Inga
JónsdóttirÉg trúi því að við getum náð tökum á
rekstrinum, ég trúi á framtíð sparisjóð-
anna. Ég var ráðinn til frambúðar en ég lít
á stöðuna nú sem tímabundið ástand þar
sem það verður erfitt til lengri tíma að
sinna báðum störfum svo vel sé.
”