Fréttir - Eyjafréttir - 14.01.2015, Blaðsíða 12

12 Eyjafréttir / Miðvikudagur 14. janúar 2015
Nú styttist í tónleikana Lífið er
yndislegt – Ég veit þú kemur í
Hörpunni sem Bjarni Ólafur
Guðmundsson, tónleikahaldari,
kallar eitt stærsta árganga- og
ættarmót landsins. Þeir verða í
Hörpu laugardaginn 24. janúar
og hefur miðasala gengið vel en
eitthvað er enn eftir af miðum. Í
boði er hagstæður pakki fyrir
Eyjamenn sem inniheldur ferð
með Herjólfi fram og til baka,
miða á tónleikana og gistingu á
Hótel Center Plaza. „Þeir sem
vilja nýta sér þetta kostaboð
geta haft samband við af-
greiðslu Herjólfs,“ sagði Bjarni
Ólafur en herbergið kostar
12.900 krónur nóttin.
„Við vorum með leik á Facebook
þar sem Vilborg Sigurðardóttirr var
svo heppin að vera dregin út. Fær
hún ferð með Herjólfi fyrir tvo,
tvær nætur á Center Plaza og tvo
miða á tónleikana og út að borða.
Ég veit að hún á eftir að njóta
helgarinnar í botn,“ sagði Bjarni
Ólafur.
Hann segir undirbúning ganga vel
og allir séu mjög spenntir fyrir
kvöldinu. Kynnir verður Páll
Magnússon og tónlistinni stjórnar
Þorvaldur Bjarni. Eru þetta fjórðu
tónleikarnir sem Bjarni Ólafur
heldur í Hörpu ásamt konu sinni,
Guðrúnu Mary Ólafsdóttur og
tengjast Vestmannaeyjum. „Núna
verðum við ekki með eitt þema
heldur erum með bestu dægurlaga-
perlurnar sem við kennum við
Eyjar,“ bætir Bjarni við og leggur
áherslu á að flytjendur séu ekki af
verri endanum.
Þeir eru Björgvin Halldórsson,
Páll Óskar, Sigríður Beinteinstóttir,
Bjartmar Guðlaugsson, Sverrir
Bergmann og Halldór Fjallabróðir,
Hreimur Örn, Kristján Gísla, Silja
Elsabet, Sunna Guðlaugs, Alex-
ander Jarl, Alma Rut og Óskar
Einarsson ásamt meðlimum úr
Gospelkór Reykjavíkur.
Í hljómsveitinni, sem Þorvaldur
Bjarni Þorvaldsson stjórnar, eru
Eiður Arnarsson á bassa, Birgir
Nielsen á trommur, Jón Elvar
Hafsteinsson á gítar, Kjartan
Valdemarsson á hljómborð og
harmonikku, Vignir Þór Stefánsson
á hljómborð, Sigurður Flosason á
saxófón, flautur og slagverk,
Kjartan Hákonarson á trompet og
Þorvaldur Bjarni sjálfur á gítar. Þá
leikur Lúðrasveit Vestmannaeyja
undir stjórn Jarls Sigurgeirssonar og
hljómsveitin Logar kemur fram á
tónleikunum. „Við eigum líka okkar
fulltrúa meðal söngvaranna. Það eru
þau Silja Elsabet, Sunna Guðlaugs
og Alexander Jarl og ekki má
gleyma Kristjáni Gísla sem er
gamall Eyjamaður.“ „Eyjamaður-
inn og listamaðurinn Gunnar
Júlíusson sér um hönnun alls
markaðsefnis, Sighvatur Jónsson sá
um útvarpsauglýsingar, prógrammið
fyrir tónleikana er prentað hjá
peyjunum Lauga og Óla í Logum
og svo njótum við ráðgjafar Eiðs
bassaleikara Arnarssonar í þessu
verkefni okkar, þannig að eyjalegra
getur þetta varla orðið,“ bætir
Bjarni Ólafur við.
Bjarni Ólafur segist hlakka mikið
til tónleikanna. „Ég veit að þeir
verða stórkostlegir enda valinn
maður í hverju rúmi. Það eru
einhverjir miðar eftir og þeir sem
hafa áhuga geta pantað á midi.is
eða harpa.is. Þeir sem ekki treysta
tölvunum geta hringt beint í
miðasölu Hörpunnar, 528-5050, þar
er afar elskulegt starfsfólk sem
klárar málin hratt og vel,“ sagði
hann að endingu.
LÍfið er yndislegt – Ég veit þú kemur
:: Tónleikar í Hörpunni 24. janúar
Undirbúningur
gengur vel og allir
mjög spenntir fyrir
kvöldinu
:: Miðasala gengið vel :: Hagstæðir pakkar í boði
fyrir Eyjamenn
Ómar GarðarSSon
omar@eyjafrettir.is
Gunnar Valur Karlsson, níu ára og
Daníel Emil Sigurbergsson, sjö ára
söfnuðu 43.330 krónum með því að
selja íþróttapoka og skyndihjálpar-
tösku. Allur ágóðinn rann til
Barnahags, styrktarsjóðs fyrir
barnafjölskyldur í Vestmannaeyjum
og er á vegum Landakirkju.
Vilborg Sigurðardóttirr vann miða á tónleikana, gistingu og Herjólfs-
ferð fyrir tvo í facebookleik
Duglegir strákar
ÁTVR opnar nýja Vínbúð í
Vestmannaeyjum í dag klukkan
tólf. Flyst verslunin af Strandvegi
50, Hvíta húsinu þar sem
Vínbúðin hefur verið í áratugi á
Vesturveg 10, Reynistað. Allar
innréttingar og kassar eru nýir
og verður öll aðstaða betri, bæði
fyrir starfsfólk og viðskiptavini.
„Við hlökkum til að taka á móti
viðskiptavinum okkar í Vestmanna-
eyjum í nýju búðinni sem verður á
allan hátt betri en sú gamla sem var
komin til ára sinna,“ sagði Sigrún
Ósk Sigurðardóttir, aðstoðarfor-
stjóri við Eyjafréttir í gær. „Þetta
verður mikið framfaraskref og öll
aðstaða betri fyrir bæði viðskipta-
vini og starfsfólk. Búðin verður
opnari og bjartari og við verðum
með nýja og hraðvirkari kassa. Það
flýtir allri afgreiðslu þegar mikið er
að gera.“
Vöruúrvalið verður það sama, rétt
tæpar 400 tegundir í bjór og léttu og
sterku víni. „Það var kominn tími til
að hressa upp á aðstöðuna í Eyjum
og við teljum okkur gera það með
nýju Vínbúðinni. Við vonum að
Eyjamenn verði ánægðir,“ sagði
Sigrún Ósk.
Vínbúðin af Strandvegi á
Vesturveg:
Opnari og
bjartari versl-
un og hraðari
afgreiðsla
Ómar GarðarSSon
omar@eyjafrettir.is
Þau voru að gera nýju búðina klára, Sveinn, Hanna, Sísí, Sigríður
Garðarsdóttir, forstöðumaður ÁTVR í Eyjum og Rannveig.
Eyþór Ingi og Sigga Beinteins á Eyjatónleikunum í Hörpu á síðasta ári.
Hrund Óskarsdóttir og Ásta Reynisdóttir, starfsmenn Vínbúðarinnar í
Eyjum, að pakka niður á gamla staðnum.