Fréttir - Eyjafréttir - 14.01.2015, Blaðsíða 8

8 Eyjafréttir / Miðvikudagur 14. janúar 2015
Margrét Blöndal dagskrárgerðar-
kona og Sighvatur Jónsson,
fjölmiðlamaður og blaðamaður
Eyjafrétta skrifuðu á mánudag-
inn undir samning við N4 um
framleiðslu þáttanna „Að
sunnan“ sem sýndir
verða á N4 á miðviku-
dagskvöldum í vetur.
Margrét og Sighvatur
hafa mikla reynslu af
fjölmiðlum, hvorki
meira né minna en 50
ár samtals. Margrét í
31 ár, bæði í útvarpi,
sjónvarpi og við
blaðaskrif og Sighvatur
hefur unnið við
fjölmiðla í 19 ár, jafnt útvarp
sem sjónvarp. Hann er mennt-
aður margmiðlunarsérfræðingur
og tölvunarfræðingur frá
Danmörku.
Sighvatur hefur undanfarin tíu ár
rekið framleiðslufélagið SIGVA
media sem hefur framleitt heim-
ildarmyndir og sjónvarpsefni fyrir
RÚV og 365 miðla. Sighvatur hefur
verið fréttaritari RÚV á Suðurlandi
ásamt því sem hann er umsjónar-
maður Vinsældalista Rásar 2. „Það
er mjög spennandi að taka þátt í
þessu framleiðsluverkefni með N4 á
Suðurlandi. Margréti þekki ég vel
vegna starfa okkar á Rás 2 og hún
er einn jákvæðasti og brosmildasti
samstarfsmaður sem ég hef kynnst.
Við hlökkum til að taka hús á
Sunnlendingum á næstunni og bæta
fjórðungnum við ágæta lands-
byggðardagskrá N4,“ segir
Sighvatur.
Þættirnir „Að sunnan“ verða
sýndir á miðvikudagskvöldum kl.
18:30 og endursýndir á klukku-
stundar fresti í sólarhring. Fjallað
verður um allt milli himins og
jarðar á svæðinu frá Hveragerði til
Hafnar í Hornafirði. „Það er hreint
út sagt algjör
himnasending
að fá svona
hæfileikaríkt
og yndislegt
fólk með
samtals
hálfrar aldar
reynslu úr
bransanum til
liðs við
okkur. Við á
N4 höfum mikinn áhuga á því að
færa út kvíarnar og ég er spennt
fyrir því að Suðurlandið sé með
þessu að bætast við. Svo vona ég
auðvitað að fleiri svæði og enn
fjölbreyttara efni bætist við í flóruna
þegar fram líða stundir,“ segir Hilda
Jana Gísladóttir, dagskrárstjóri N4.
Fyrsti þátturinn fer í loftið næsta
miðvikudag, 21. janúar.
Sighvatur Jónsson í samstarf við N4:
Að sunnan, alla miðvikudaga
:: Sá fyrsti fer í loftið í næstu viku
Þættirnir „Að sunnan“ verða sýndir á
miðvikudagskvöldum kl. 18:30 og endur-
sýndir á klukkustundar fresti í sólarhring.
Fjallað verður um allt milli himins og
jarðar á svæðinu frá Hveragerði til Hafnar
í Hornafirði.”
Landakirkja er lokuð þessa
dagana og fer helgihald að
mestu fram í Safnaðarheimilinu
á meðan. Ástæðan er að unnið
er að lagfæringum á kirkjunni
sem verður máluð, lökkuð og
gyllt að innan. Er unnið eftir
tillögum Þorsteins Gunnars-
sonar, arkitekts og Helga
Grétars, sérfræðings í málun og
viðhaldi 18. aldar bygginga.
Farið er eftir þeim kafla í úttekt
Þorsteins og Ríkharðs Kristjáns-
sonar, verkfræðings, sem unnu
þessa úttekt árið 2011 að beiðni
sóknarnefndar og kynntu hana í
heild sinni á aðalsafnaðarfundi í
janúar 2014.
Séra Kristján Björnsson, sóknar-
prestur segir að kirkjan verði máluð
og lökkuð drifhvít á veggjum og
undir pöllum. „Mesta breytingin
verður sú að hvelfingin verður
máluð alhvít og verða stjörnurnar
blaðgylltar með sérstakri aðferð. Þá
verður krossinn á gafli kirkjunnar
ofan við prédikunarstólinn einnig
blaðgylltur en rauði liturinn hverfur.
Í stað þess að mála ýmist blátt eða
rautt í bakgrunni táknanna verða
táknin dregin fram með þessari nýju
litasamsetningu. Þá er gert ráð fyrir
því að grái liturinn og sá gyllti haldi
sér í innréttingum en blái og brúni
liturinn hverfi,“ segir Kristján.
Hann segir að málningu verði að
mestu lokið fyrir helgina 24. og 25.
janúar. „Þá getum við aftur verið
með helgiathafnir í kirkjunni en
gyllingunni verður ekki lokið. Þetta
er áfangi í endurbótum á kirkjunni
en engu verður hent sem heillegt er.
Þannig að kirkjuturninn er ekki í
skotlínunni,“ sagði Kristján og
vísaði þar til hugmynda um að rífa
núverandi turn og byggja annan við
suðurhlið kirkjunnar.
Næstu áfangar og málun að
utan bíða
„Þegar hægt verður að vinna áfram
að endurbótum á kirkjunni felst
annar áfangi í því að endurgera gólf
kirkjunnar, kyndingu og bekki, auk
þess að fjarlægja kyndistokkana og
restina af skorsteini kirkjunnar.
Þegar gólfið hefur verið endurnýjað
með gulu tígulsteinagólfi á neðra
gólfi og nýrri viðarklæðningu á
pöllum, kemur heildarmyndin í
litum kirkjunnar endanlega fram.
Í tillögunum er einnig lýsing á því
hvernig hægt verður að vinna upp
ytra byrði útveggjanna sem hefur
verið mikið áhugamál margra
sóknarbarna. Það er dýr áfangi því
hreinsa þarf útveggina með
háþrýstiþvotti, gera við sprungur og
slétta að því loknu yfirborð
klæðningarinnar, sem reynst hefur
vel nema hvað það hafa sest mikil
óhreinindi í yfirborðið. Þegar því er
lokið verður loks hægt að mála
kirkjuna en ekki hefur verið tekin
ákvörðun um þessar framkvæmdir
að svo stöddu enda fjármagnið
takmarkað til byggingaframkvæmda
eftir mikla skerðingu sóknargjalda
frá árinu 2009 og allt til þessa árs.
Sóknarnefndin er staðráðin í því að
fara varlega í þessar framkvæmdir
þar sem ófyrirséð vinna er mikil í
endurbótum á svo gamalli byggingu
sem Landakirkja er, en hún er
byggð árið 1778,“ segir Kristján í
grein á heimasíðu Landakirkju.
Í síðasta tölublaði Eyjafrétta var
ranglega greint frá því að
Samgöngustofa hefði með
dýpkun Landeyjahafnar að gera.
Er beðist velvirðingar á þeim
mistökum en hið rétta er að
Vegagerðin sér um framkvæmd
samgöngumála en Samgöngu-
stofa er stjórnsýslustofnun.
Vegagerðin hefur það hlutverk að
byggja upp, viðhalda og reka
samgöngukerfi ríkisins samkvæmt
lögum frá 2012, en um mitt ár 2013
var komið á laggirnar nýrri stofnun
með gömlu heiti Vegagerðarinnar.
„Í hnotskurn er um að ræða
sameiningu framkvæmdahluta
Siglingastofnunar og gömlu
Vegagerðarinnar,“ segir Þórhildur
Elínardóttir, upplýsingafulltrúi
Samgöngustofu.
2013 var einnig sett á fót Sam-
göngustofa en hlutverk hennar er að
fara með stjórnsýslu og eftirlit
samgöngumála. „Samgöngustofa
varð til við sameiningu Flugmála-
stjórnar, Umferðarstofu og
stjórnsýsluhluta Siglingastofnunar
og Vegagerðarinnar,“ segir
Þórhildur. Samgöngustofa ákveður
kröfur um öryggi samgöngumann-
virkja, hefur eftirlit með því að
þeim sé fullnægt og annast
öryggisúttekt á þeim. Með þessum
breytingum hefur því verið skilið á
milli annars vegar stjórnsýslu og
eftirlits og hins vegar framkvæmda
og reksturs.
Í umræðunni um gerð Landeyja-
hafnar hefur verið gagnrýnt að bæði
framkvæmd og eftirlit hafi verið á
hendi sama aðila, Siglingastofnunar.
Þórhildur segir að samkvæmt
verkaskiptingu stofnananna beri
Vegagerðin ábyrgð á framkvæmd-
inni. Kæmi til öryggisúttektar á
höfninni væri það í verkahring
Samgöngustofu. „Það er ætíð á
ábyrgð eiganda og rekstraraðila
samgöngumannvirkis, svo sem
hafnar, að rétt sé að öllu staðið og
ákvæði laga og reglugerða séu
uppfyllt. Landeyjahöfn er önnur af
tveimur höfnum landsins sem eru í
eigu og umsjón ríkisins. Vegagerðin
fer með þann rekstur fyrir hönd
ríkisins og ber þá ábyrgð á rekstri
hafnarinnar og öryggismálum
hennar. Samgöngustofa hefur síðan
eftirlit með því að rekstraraðili
samgöngumannvirkis fari að lögum
og reglum um öryggismál,“ segir
Þórhildur Elínardóttir, upplýsinga-
fulltrúi Samgöngustofu.
Samgöngustofa
ekki það sama
og Vegagerðin
:: Vegagerðin er ábyrg fyrir fram-
kvæmdum Landeyjahafnar
:: Samgöngustofa hefur eftirlit
SiGhVaTur JÓnSSon
sighvatur@eyjafrettir.is
Ómar GarðarSSon
omar@eyjafrettir.is
Landakirkja lokuð :: Máluð hátt og lágt að innan:
Veggir og hvelfing
alhvít, gylltar
stjörnur og kross