Fréttir - Eyjafréttir - 14.01.2015, Side 17

17Eyjafréttir / Miðvikudagur 14. janúar 2015
Þrettándagleði ÍBV var haldin
síðastliðna helgi; í nógu var að
snúast í tengslum við hátíðina.
Hápunktur hátíðahaldanna var á
föstudagskvöld þegar hin eina
sanna þrettándagleði fór fram.
Veður var gott og snjór yfir
þannig að allt naut sín eins og
best verður á kosið.
Að hefðbundnum hætti var kveikt á
kertum í hlíðum Molda sem mynda
orðið ÍBV. Flugeldasýningin á
Hánni var frábær. Gengu jólasvein-
arnir niður Hána að henni lokinni
þar sem bæjarbúar og aðrir gestir
tóku á móti þeim. Þaðan var gengið
með Grýlu og Leppalúða í farar-
broddi fylktu liði up pá malarvöll-
inn í Löngulág þar sem álfar, tröll
og forynjur voru mætt eftir að hafa
legið í dvala og dönsuðu, sungu og
léku sér með bæjarbúum.
Fjöldi fólks var mættur til að
kveðja jólasveinana en heldur færri
en undanfarin ár. Tröllin tóku sér
mörg hver tíma til að heilsa upp á
krakkanna, ekki voru þó allir
tilbúnir að taka í höndina á
tröllunum enda eru þau oft þekkt
fyrir að hrekkja. Skemmtuninni á
malarvellinum lauk svo með annari
stórglæsilegri flugeldasýningu og
blysum.
Þrettándinn tókst mjög vel og geta
aðstandendur hátíðahaldanna vel
við unað. Veðrið var einnig
Eyjamönnum hliðhollt meðan á
hátíðahöldunum stóð en í lok
skemmtunanirnar tók veður að
versna, það kom þó ekki að sök.
Þrettándinn er hjá mörgum
órjúfanleg hefð af jólahaldinu og
mörgum þykir þrettándinn
skemmtilegri en jólin en honum
fylgir ákveðinn sjarmi sem erfitt er
að útskýra fyrir þeim sem ekki hafa
upplifað hann. Margir leggja hönd á
plóg þegar kemur að þrettándanum
og eflaust fleiri en bæjarbúar gera
sér grein fyrir. Nú er í bígerð
heimildamynd um þrettándann og
sjálboðaliðana sem framleiðslu-
fyrirtækið SIGVA media vinnur að,
en sýnishorn úr henni má finna inni
á Eyjafréttir.is.
Veðurguðirnir sýndu að þrettándagleðin í Eyjum er þeim þóknanleg
Mörgum þykir þrettándinn
skemmtilegri en jólin
:: Gleðinni fylgir ákveðinn sjarmi sem erfitt er að útskýra fyrir þeim sem ekki þekkja til
GÍGJa ÓSKarSdÓTTir
gigja@eyjafrettir.is
Gaui litli sýndi flugeldasýningunni lítinn áhuga.
Þessi jólasveinn gaf sér tíma til myndatöku ásamt krökkunum.
Það er vissara að halda fast í afa.
Þrettándinn er fjölskyldustund. Unga fólkið brosti sínu blíðasta til ljósmyndarans. Þessi unga snót var ekki alveg til í að fara með Grýlu og Leppalúða.
Púkarnir eru hrekkjóttir og stríðnir.
Álfarnir setja skemmtilegan svip á hátíðina.
Góð þátttaka var í göngunni.