Fréttir - Eyjafréttir - 22.07.2015, Blaðsíða 4

4 Eyjafréttir / Miðvikudagur 22. júlí 2015
Er áfengi vandamál í þinni fjölskyldu?
Al-Anon
fyrir ættingja og vini alkóhólista
Fundir á þriðjudögum kl. 20.30
Byrjendafundir kl. 20.00
að Heimagötu 24
AA fundir
eru haldnir sem hér segir
að Heimagötu 24:
Mánudagur: kl.20.30
Miðvikudagur: kl.20.30
Fimmtudagur: kl.20.30
Föstudagur: kl.23.30
Laugardagur: kl.20.30 opinn fundur
Sunnudagur: kl.11.00
Athugið, allir fundir reyklausir
Móttaka nýliða hálfri klst.
fyrir hvern auglýstan fundartíma.
Ath.símatíma okkar, sem eru hvern dag,
hefjast 30 mín. fyrir ákveðinn
fundartíma og eru 2 klst. í senn.
Sími 481 1140
Kirkjur bæjarins:
Eyjamaður vikunnar
Ótrúlega gaman að
spila í mótum
Katrín Lovísa
Magnúsdóttir
er Eyjamaður vikunnar
Eyjafréttir vilja eindregið hvetja
brúðhjón til að senda inn mynd
til birtingar sem og foreldra
nýrra Eyjamanna.
Myndir og upplýsingar sendist á
frettir@eyjafrettir.is
Börn og brúðhjón
Þjóðhátíðartjald með öllu til-
heyrandi hefur verið sett upp á
veitingastaðnum Bergsson RE í húsi
Sjávarklasans á Grandagarði 16. Í
tjaldinu verður boðið upp á veitingar
í anda þjóðhátíðar og reynt að fanga
hina sönnu þjóðhátíðarstemningu
sem myndast ár hvert í hvítum
tjöldum heimamanna. Með þessu
vilja fyrirtæki í Húsi sjávarklas-
ans og Bergsson RE kynna hefðir
þjóðhátíðar fyrir höfuðborgarbúum.
Á föstudaginn kynnti þjóðhátíðar-
nefnd ÍBV dagskrá hátíðarinnar
og tjaldið var þá formlega opnað.
Hreimur Heimisson tók lagið af því
tilefni en hann mun koma fram á
hátíðinni með hljómsveit sinni Land
og synir.
„Það er frábært að hafa þetta litla
útibú hér á Reykjavíkursvæðinu og
lofa þeim sem hafa ekki upplifað
þessa stemningu að fá smjörþefinn,“
segir Dóra Björk Gunnarsdóttir
framkvæmdastjóri ÍBV.
„Við höfum reynt að fanga þessa
Eyjastemningu hér í tjaldinu eins og
fjölskyldur í Vestmannaeyjum hafa
gert í öll þessi ár. Hér eru myndir
sem sýna hátíðleikann við setning-
una á föstudegi þjóðhátíðar en fyrir
marga er það einn af hápunktunum.
Við bjóðum alla velkomna að
kíkja við og njóta hvort sem það er
Eyjafólk sem er fast á Norður-
eyjunni eða fólk af fastalandinu sem
hefur ekki komið á þjóðhátíð,“ segir
Emilía Borgþórsdóttir hönnun-
arstjóri sýningarinnar.
Tjaldið verður opið gestum alla
virka daga frá klukkan 11:00 til
18:00 og verður opið alla virka daga
þar til þjóðhátíð lýkur þann 3. ágúst
næstkomandi.
Hús Sjávarklasans ::
Þjóðhátíð á Grandanum í Reykjavík:
Vilja kynna hefðir
þjóðhátíðar fyrir
höfuðborgarbúum
Hreimur Heimisson lagði
kynningunni lið.
Á laugardag lauk Íslandsmóti
eldri kylfinga en það var haldið á
golfvellinum í Vestmannaeyjum.
Eyjakonan Katrín Lovísa Magnús-
dóttir stóð uppi sem sigurvegari í
flokki kvenna 65 ára og eldri
með forgjöf en þetta er í annað
skiptið sem hún hampar Íslands-
meistaratitli í öldungagolfi, vann
þann titil einnig árið 2004 með
forgjöf en keppti þá í yngri flokki
kvenna. Hún er Eyjamaður
vikunnar af þessu tilefni.
Nafn: Katrín Lovísa Magnúsdóttir
Fæðingardagur: 29. mars 1944.
Fæðingarstaður: Hvammssveit í
Dalasýslu.
Fjölskylda: Gift Sigurgeir
Jónssyni, börnin eru fjögur, Jarl,
Hersir, Dís og Dögg Lára og svo
stjúpdóttirin Fanney. Barnabörnin
eru farin að nálgast tuttugu.
Draumabíllinn: Ég er mjög ánægð
með þann sem við eigum núna,
Honda CRV, golfsettin rúmast vel í
honum.
Uppáhaldsmatur: Pörusteikin sem
Sigurgeir eldar. Hún er lostæti.
Versti matur: Mér finnst nær allur
matur góður en er ekkert mjög
hrifin af hrossakjöti.
Uppáhalds vefsíða: Ætli það sé
ekki golf.is.
Hvaða tónlist kemur þér í gott
skap: Mike Oldfield og Emerson
Lake and Palmer eru hvað oftast
settir á fóninn í Gvendarhúsi.
Aðaláhugamál: Golf og kórsöngur
með Kór Landakirkju.
Hvaða mann/konu myndir þú
vilja hitta úr mannkynssögunni:
Sveitunga minn, landnámskonuna
Auði djúpúðgu.
Fallegasti staður sem þú hefur
komið á: Golfvöllurinn í Cromer í
Norfolk í Englandi, einn af elstu
golfvöllum Englands.
Uppáhalds íþróttamaður og
íþróttafélag: Ég hélt alltaf með
Tiger Woods en það er erfitt í dag,
hann hefur dalað heldur hressilega.
Ég hef líka alltaf haldið með Sergio
Garcia. Fylgist ekki mikið með
öðrum íþróttum en golfi en held
auðvitað með ÍBV.
Ertu hjátrúarfull: Nei.
Stundar þú einhverja hreyfingu:
Já, golf allt árið innanlands og utan
og fer reglulega í líkamsræktina í
Íþróttamiðstöðinni.
Uppáhalds sjónvarpsefni: Fréttir
og beinar útsendingar í golfi.
Hvenær byrjaðir þú að æfa golf:
Allt of seint, byrjaði ekki fyrr en
um fimmtugt og fór þá beint inn í
öldungaflokkinn.
Hvað er skemmtilegast við golfið:
Það er svo margt, hreyfing, útivera,
góður félagsskapur og svo skemmir
náttúrulega ekki fyrir ef maður
spilar vel.
Áttir þú von á að hampa Íslands-
meistaratitli: Nei, alls ekki, er ekki
í sem bestu formi núna, hnén hafa
verið að plaga mig og ég varð að
vera á golfbíl í mótinu. Var heldur
ekki að spila neitt sérstaklega vel að
mér fannst. En svona er golfið,
getur verið óútreiknanlegt og það er
eitt af því sem gerir það svo
skemmtilegt.
Ætlar þú á þjóðhátíð: Nei, ekki í
Eyjum. Við höfum ekki verið á
þjóðhátíð hér síðustu 20 ár (það er
nefnilega erfitt að spila golf yfir
þjóðhátíðarhelgina í Vestmanna-
eyjum) en höldum okkar eigin
þjóðhátíð í Englandi í golfi með
góðum félögum.
Eitthvað að lokum: Ég var eina
konan frá GV sem tók þátt í þessu
móti og mér finnst að konur hér
mættu vera duglegri að taka þátt í
mótum. Það er ótrúlega gaman að
spila í mótum, maður kynnist nýju
fólki, rifjar upp gömul kynni við
aðra og skiptir ekki meginmáli
hvort maður er í verðlaunasæti eða
ekki. Aðalmálið er að hafa gaman
af þessu.
Landakirkja
Laugardagur 25. júlí:
Kl. 14. Útför. Ingvar Sigurjónsson.
Sunnudagur 26. júlí:
Kl. 11. Messa. Skírn og ferming. Sr.
Þorvaldur Víðisson, biskupsritari,
þjónar fyrir altari og prédikar. Kór
Landakirkju syngur. Organisti er
Guðmundur Hafliði Guðjónsson.
Mánudagur 27. júlí:
Kl. 11-12. Síðasti viðtalstími fyrir
þjóðhátíð.
Föstudagur 31. júlí:
Kl. 14.30. Helgistund við setningu
þjóðhátíðar í Herjólfsdal. Sr.
Guðmundur Örn Jónsson flytur
hugvekju. Kór Landakirkju syngur
og Lúðrasveit Vestmannaeyja leikur
undir stjórn Jarls Sigurgeirssonar.
Minningarkort
kvenfélagsins
líknar
Stefanía Ástvaldsdóttir
Hrauntúni 34 / s. 481-2155
Margrét Kristjánsdóttir
Brekastíg 25 / s. 481-2274
Elínborg Jónsdóttir
Hraunslóð 2 / s. 481-1828
Sigrún Inga Sigurgeirsdóttir
Brimhólabr. 28 / s. 481-3314
Allur ágóði rennur í
sjúkrahússjóð félagsins
Minningarkort
kvenfélags
landakirkju
Svandís Sigurðardóttir
Strembugötu 25 / 481-1215
Marta Jónsdóttir
Helgafellsbraut 29
481-2192 / 661-9825
Gallerý BK gler
Skildingavegi 16 / 481 1472