Fréttir - Eyjafréttir - 22.07.2015, Blaðsíða 6

6 Eyjafréttir / Miðvikudagur 22. ágúst 2015
Hvernig búum við til flott, stílhreint
og hentugt herbergi fyrir litla
fólkið? Hvort sem það er verið að
búa til herbergi fyrir ungabarn eða
barn á skólaaldri er tvennt sem er
aðalmálið: skemmtun og hentug-
leiki. Barnaherbergi á ekki að vera
puntstofa, það á að leika sér í
herberginu. Mikilvægt er að búa til
herbergi þar sem barninu líður vel
og það fær áskorun um að hafa
gaman og leika sér.
Einnig þarf að hugsa vel um
skipulag og að það sé greið leið
fyrir börnin að ganga frá eftir sig
sem er svo mikilvægt að sé gert
eftir hvern dag því þá öðlast börnin
friðsælli svefn. Ikea eru með góðar
lausnir í þeim málum og er
auðveldasta lausnin oftast dóta-
kassar sem raðast fallega inn í/á
hillu. Ekki er vitlaust að hafa
kassana glæra þá sjá börnin hvað er
inni í kössunum og þurfa ekki að
rífa allt upp og sturta úr kössunum
til að finna dótið sem þau leita að,
því þeim finnst upp til hópa mjög
leiðinlegt að ganga frá eftir sig.
Mikilvægt er að hugsa allt út frá
barninu og að það sé sem öruggast,
þ.á.m. að hafa hillur í þeirri hæð
sem börnin ná til og að allt dótið sé
aðgengilegt.
Herbergið á að vera skapandi og
örvandi.
Ekki er verra að þema herbergisins
rími við áhugasvið barnsins.
Heima er best
Herbergi fyrir litla fólkið á að
vera skapandi og örvandi
:: Ekki er verra að þemað rími við áhugasvið barnsins
Sara SjöFn GrETTiSdÓTTir
sarasjofn@eyjafrettir.is
Anna Lilja er byrjuð að gera sig klára í tjaldið:
Ekki komin þjóðhátíð fyrr
en allt fólkið okkar er komið
í kaffi eftir setningu
Anna Lilja Tómasdóttir, Eyja-
kona í húð og hár, er eins og
margir byrjuð að undirbúa
þjóðhátíðina. Það er að mörgu
að huga og þá sérstaklega
þegar maður á stóra fjölskyldu
eins og Anna Lilja Tómasdóttir
sem er að mæta á þjóðhátíð
númer 38.
Hvenær hefst undirbúningurinn
fyrir þjóðhátíð á þínu heimili?
„Það er mjög misjafnt en ég reyni
að vera mjög skipulögð og byrja
yfirleitt snemma að baka og setja í
frysti. Yfirleitt svona þremur vikum
fyrir þjóðhátíð. Og eins ef það þarf
að mála húsgögn þá er gott að gera
það tímanlega,“ segir Anna Lilja.
Eruð þið með einhverja hefð sem
er endurtekin ár eftir ár? „Nei,
kannski ekki hefð en manni finnst
ekki komin þjóðhátíð fyrr en allt
fólkið okkar er komið í kaffi og
með því í tjaldinu eftir setningu.“
Hvernig finnst þér þjóðhátíðar-
lagið? „Tók smá tíma að venjast en
finnst það æðislegt enda mikill Sálar
aðdáandi.“
Er eitthvað sem þér finnst
ómissandi við þjóðhátíð? „Gítar-
spil og söngur er það sem skipar
stóran sess í okkar tjaldi.“
Hverjar eru uppáhalds kræsing-
arnar í þínu tjaldi og áttu
uppskrift handa okkur? „Ömmu
Fannýar tertan sem mamma gerir er
dásamleg og klikkar aldrei,“ segir
Anna Lilja sem fannst sjálfsagt að
deila uppskriftinni með lesendum.
Ömmu Fannýjar tertan
Svampbotn:
2 egg
70 gr sykur
30 gr hveiti
35 gr kartöflumjöl
Marengs:
3 eggjahvítur
150 gr sykur
bakað í klst. við sirka 100°C
Krem:
3 eggjarauður
4 msk. flórsykur
50 gr brætt súkkulaði
1 peli þeyttur rjómi
Eggjarauður og flórsykur þeytt
saman. Bræddu súkkulaði blandað
saman við og þeytt á meðan.
Rjóminn þeyttur og öllu blandað
varlega saman.
Kakan sett saman þannig:
Fyrst svampbotninn, síðan u.þ.b. 1
cm þykt lag af þeyttum rjóma og
annað eins af kreminu. Síðan
marengsbotninn og aftur jafn mikið
af þeyttum rjóma og afgangurinn af
kremi hafður efst. Hliðarnar
skreyttar með því, sem eftir er af
rjómanum. Kakan látin bíða
samansett í sex til átta tíma.
Verði ykkur að góðu.
Sara SjöFn GrETTiSdÓTTir
sarasjofn@eyjafrettir.is
Fjölskyldan komin að kaffiborðinu.
Kjartan og Anna Lilja með börnin á kvöldskemmtun.
Skrifstofa Vinnumálastofnunar á Suðurlandi
verður lokuð vegna sumarleyfa dagana 27. til 31.
júlí. Opnum aftur þriðjudaginn 4. ágúst kl. 9.00.
Þjónustuver stofnunarinnar er opið alla virka
daga frá kl. 9.00 til 15.00. Sími þjónustuvers er
515-4800. Einnig er hægt að senda tölvupóst á
netfangið postur@vmst.is .
Við vonum að lokunin valdi sem minnstum
óþægindum fyrir þjónustunotendur okkar.
Starfsfólk Vinnumálastofnunar Suðurlandi
Lokað vegna
sumarleyfa
Frá Grunnskóla Vestmannaeyja
ATVINNA
Óskum eftir duglegum starfskrafti í starf skólaliða
við GRV. Um er að ræða stöður í bæði Hamars-
skóla og Barnaskóla. Stöðurnar eru lausar frá og
með næsta skólaári. Einnig vantar í afleysingar.
Lipurð í samskiptum við börn og fullorðna er
forsenda ráðningar.
Allar upplýsingar veitir Sigurjón húsvörður í
Hamarsskóla í síma 861-4363 og Kristján hús-
vörður í Barnaskóla í síma 8614362.
Sigurlás Þorleifsson, skólastjóri