Fréttir - Eyjafréttir - 22.07.2015, Blaðsíða 10

10 Eyjafréttir / Miðvikudagur 22. júlí 2015
Elskulegur faðir okkar
Ingvar Sigurjónsson
lést á heimili sínu í Vestmannaeyjum
miðvikudaginn 15. júlí.
Útförin fer fram frá Landakirkju
laugardaginn 25. júlí kl. 14.
Blóm og kransar vinsamlegast afþakkaðir, en þeim sem
vilja minnast hans er bent á Kvenfélag Landakirkju.
Hólmfríður, Sigþór, Sigurlín Guðný,
Sigurjón og fjölskyldur
V
Fata- og textílhönnuðurinn Ásdís
Loftsdóttir opnaði um Gosloka-
helgina nýja verslun, Hjá Ásdísi,
við Skólaveg 13 en samhliða því
er Ásdís með vinnustofu á
staðnum. Blaðamaður Eyjafrétta
leit inn í verslunina þar sem
Ásdís var á fullu að klippa og
sníða.
„Ég get ekki hætt þessu, ég hef
verið heima með vinnustofuna í tvö
ár og það gekk ekkert, það bankaði
enginn upp á. Það er allt annað uppi
á teningnum ef maður er aðgengi-
legur, að fólk geti labbað inn af
götunni. Ég yngist ekki og það er
eins gott að fara að gera hlutina, af
hverju ekki að gera þá í stað þess að
vera að velta vöngum,“ sagði Ásdís
en hún hafði lengi haft augastað á
húsnæðinu. „Mig langaði í þessa
glugga, þeir eru æðislegir. Ég ákvað
að kýla á það og spurði hvorki kóng
né prest um málið og ákvað að láta
hyggjuvitið ráða.“

Ásdís hefur unnið hörðum höndum
síðustu þrjú ár að því að kynna
merkið Black Sand sem eru flíkur
unnar úr náttúrumyndum sem Ásdís
tekur mikið sjálf og vinnur. „Black
Sand er farið að tikka inn og er
mikil stígandi. Ég er með sextán
öðrum hönnuðum í versluninni
Jöklu á Laugaveginum auk þess að
vera með vörurnar á þremur öðrum
stöðum. En þær hafa ekki verið
aðgengilegar í Eyjum í tvö ár og
það var kominn tími til að ekki bara
brottfluttir Vestmannaeyingar kíktu
á mig á sýningum,“ sagði Ásdís en
hún hefur undanfarin ár farið á
Handverks- og hönnunarsýninguna
í Ráðhúsi Reykjavíkur.
„Ég hef farið tvisvar á ári á
sýninguna og var valin núna aftur
inn í nóvember. Kynning á vörunum
er virkilega góð þar og fólk er farið
að muna eftir mér frá fyrri sýn-
ingum.“

Hjá Ásdísi býður upp á fjölbreytt
vöruúrval og mun aukast þegar
líður á. „Ég hugsaði með mér þegar
ég valdi nafnið á búðina hvort ég
væri ekki að rugla fólk, ég er með
Black Sand vörumerkið sem og
Diza en fyrirtækið á bak við allt
heitir Studio 7, Eyjar ehf. Hjá
Ásdísi var því lendingin en með
haustinu ætla ég einnig að hafa
fleiri vörumerki á boðstólum, kemur
allt í ljós hvað það verður“ sagði
Ásdís að lokum og býður alla
velkomna í nýju verslunina.
Vaskur hópur manna og ein kona fóru út í
Bjarnarey á laugardaginn til að rýja og
bólusetja fé sem þau eiga þar. Veður var eins
og best getur orðið en aðeins brim þannig að
farið var upp að vestanverðu. Svavar
Steingrímsson brá sér með og tók þessar
fallegu myndir sem enn á ný sanna að
Bjarnarey er drottning Vestmannaeyja.
Myndin til hægri er af þeim bræðrum
Kristjáni og Yngva Sigurgeirssonum
Ásdís Lofts flutt á Skólaveginn með verslun sína:
Kýldi á það og spurði hvorki
kóng né prest um málið
:: Ákvað að láta hyggjuvitið ráða :: Startaði með tískusýningu
GÍGja ÓSKarSdÓTTir
gigja@eyjafrettir.is
Ásdís var með tískusýningu á goslokum og þar sýndu þessar glæsilegu konur föt sem hún hefur hannað.
Þórunn Gísladóttir, Hjördís Traustadóttir, Tinna Tómasdóttir, Ragnheiður Borgþórsdóttir, Ásta Kristmanns-
dóttir, Aðalheiður Steina Guðmundsdóttir og Ásdís. -Ljósm.: Ófeigur Lýðsson
Bjarnarey stendur undir nafni
sem Drottning Eyjanna
Rent-A-Tent leitar af starfsfólki til að aðstoða við
uppsetningu og niðurtekt á tjöldum á fimmtudeg-
inum fyrir þjóðhátíð og mánudeginum á eftir.
Það er gott tímakaup í boði. Áhugasamir geta sent
tölvupóst á info@rentatent.is.
ATVINNA