Fréttir - Eyjafréttir - 22.07.2015, Blaðsíða 11

11Eyjafréttir / Miðvikudagur 22. júlí 2015
ALLT FYRIR TJALDIÐ Í
SKIPALYFTUNNI
BÁTADREGLAR
Á 1.590 KR/M
RAFHLÖÐUR
Á GÓÐU
VERÐI
DEKA HAMMER
MÁLNING
Á TJALDSÚLUR.
PLASSTBOX
OG GLÖS
SVARTIR
RUSLAPOKAR
TREKTAR
UPPÞVOTTABURSTAR LED LJÓS Í
TJALDIÐ
TJALDHÆLA FYRIR
HVÍTU TJÖLDIN FÆRÐU
Í SKIPALYFTUNNI
OPIÐ HÚS (TJALD)
Í tilefni þess að ég verð 80 ára í ágúst,
ætla ég að halda upp á afmælið mitt
laugardaginn 1. ágúst kl. 15:00 til 17:00
í Herjólfsdal.
Gjafir og blóm vinsamlegast afþakkað.
Hlakka til að sjá ykkur
Guðrún Jóhannsdóttir
Rúna
Fjöldi ferðamanna sem ferðast til
Vestmannaeyja er mjög ójafn eftir
árstíðum. Mesti álagspunkturinn er
sumartíminn, þegar veðrið er betra
og samgöngur milli lands og Eyja
eru reglulegri. Það virðist þó ekki
enn komið að því að eyjan geti ekki
þjónustað alla þessa ferðamenn,
aðalvandinn virðist liggja í því að
ferðir Herjólfs eru nær alltaf
upppantaðar, sem gæti í raun og
veru einnig talist lúxusvandamál ef
þannig er á það er litið.
Á Suðurlandi, við þessa helstu
ferðamannastaði s.s. Gullfoss og
Geysi, Seljalandsfoss, Þingvelli o.fl.
virðist ásókn og ágangur ferða-
manna vera of mikill og virðist ekki
vera hægt að taka á móti öllum
þessum fjölda án þess að umhverfið
fari að láta á sjá. Hreinlætisaðstaða
virðist líka vera af skornum
skammti og samkvæmt fréttum
undanfarna daga og vikur virðast
fleiri ferðamenn ganga örna sinni í
náttúru Íslands við lítinn fögnuð
ferðaþjónustuaðila. Þetta vandamál
virðist ekki enn hafa skotið upp
kollinum hér í Eyjum þó að
auðvitað sé alltaf hægt að breyta og
bæta og gera betur til að þjónusta
ferðamenn sem koma hingað til
Eyja.
Ferðaþjónustuaðilar sem blaða-
maður ræddi við telja að viðhorf til
ferðamanna sem heimsækja
Vestmannaeyjar sé almennt gott.
Magnús Bragason hjá Hótel
Vestmannaeyjum tekur í sama
streng „Mér finnst viðhorf Eyja-
manna gagnvart ferðamönnum vera
gott og jákvætt. Gestir sem gista hjá
okkur tala um hvað fólkið sem býr
hér sé hjálplegt, opið og glatt.“
Hann nefnir einnig að fólk í Eyjum
sé áhugasamt um reksturinn hjá
þeim hjónum, það gleðjist með
þeim þegar vel gengur og finnur til
með þeim þegar á brattann er að
sækja. Magnús segir að ferðaþjón-
ustan geti orðið góð aukabúgrein
með sjávarútveginum og að þessar
greinar styðji hvor aðra og skapi
blómlegra samfélag.
Sigurmundur hjá Viking Tours
segir mannlífið í bænum vera mjög
skemmtilegt þegar ferðamennirnir
koma og segir að Eyjamenn eigi að
bjóða þá velkomna með bros á vör.
„Framtaksamt fólk hefur lagt á sig
byrðar til þess að geta boðið upp á
afþreyingu og gistingu svo ekki sé
talað um flóruna í veitingahúsageir-
anum. Við tölum stolt um það að
þrjú veitingahúsa okkar verma
eftstu sætin sem bestu veitingahús
landsins á alþjóðlegum síðum.
Verum stolt af paradísinni okkar,
bjóðum ferðamenn velkomna með
bros á vör“ segir Sigurmundur að
lokum.
Kristín Jóhannsdóttir í Eldheimum
tekur í sama streng og telur að
Eyjamenn séu nær undantekningar-
laust mjög jákvæðir í garð ferða-
manna. „Það lífgar upp á bæinn að
sjá þá fjölmörgu gesti sem hafa
heimsótt okkur í sumar og mönnum
finnst líka tignarlegt að sjá
skemmtiferðaskip í höfn,“ segir
Kristín. Hún nefnir að menn séu
meðvitaðir um að ferðaþjónustan sé
mikilvæg tekjulind og að fjölgun
ferðamanna hafi leitt til fjölbreyttari
og betri þjónustu sem við öll
njótum góðs af. „Ófremdarástandið
í samgöngum allt of stóran hluta
ársins leiðir til þess að hér sjást
varla ferðamenn yfir vetrarmán-
uðina. Þetta þykir mönnum miður.
Ég tel að fólk almennt sé meðvitað
um það að ferðaþjónusta allt árið
væri upplyfting fyrir bæjarfélagið,
skapaði fjölda starfa og fjölbreytni í
ýmissi þjónustu“ segir Kristín að
lokum.
Eyjamenn almennt jákvæðir
í garð ferðamanna:
Lífgar upp á
mannlífið og
njótum góðs
af bættri
þjónustu
ÁSTa SiGrÍður GuðjÓnSdÓTTir
asta@eyjafrettir.is
Aleksei Bykov og Ekaterina Sysoeva eru meðal margra ferðamanna
sem hafa heimsótt okkur í sumar. Heimsóknin var að því leyti sérstök
að þau giftu sig í leiðinni. -Nánar í næsta blaði