Dagblaðið Vísir - DV - 26.04.2019, Blaðsíða 32
Golfblaðið 26. apríl 2019KYNNINGARBLAÐ
Golf í friðsælu umhverfi
og frábært hótel
Við erum eini golfklúbburinn á Íslandi með aðstöðu sem kallast getur „Golf Resort“.
Hótel Hamar, sem er í hjarta
Hamarsvallar er í raun klúbbhúsið
fyrir golfvöllinn“ segir Jóhannes Ár-
mannsson, framkvæmda- og vallar-
stjóri hjá Golfklúbbi Borgarness.
Hamarsvöllur í Borgarnesi er
sambland af skógar- og vatnavelli
og þykir ákaflega fallegur, snyrtilegur
og friðsæll golfvöllur. Hótel Hamar
Icelandair Hotels, í miðju vallarins,
er umvafið skógi vöxnum brautum á
alla vegu en þó með ágætis útsýni
yfir fjallahringinn. Hótelið býður upp
á framúrskarandi gistingu sem og
veitingar á breiðu verðbili. Síðan er
það klúbbhús GB og athvarf fyrir
gesti Hamarsvallar en 1. teigur og 18.
flöt eru við hótelið. Fjölmargir gestir
Hótels Hamars velja bæði gistingu og
golf, sem og kvöldverð.
„Það koma um 35.000 gestir á
svæðið á ári. Yfir vetrartímann sækj-
ast þeir einvörðungu eftir gistingu og
nýta að sjálfsögðu ekki golfvöllinn.
Yfir sumarið koma hingað um 12.000
Íslendingar sem spá bara í golfvöllinn
en ekki hótelið. Og síðan eru enn aðrir
sem gista á hótelinu og leika golf,
jafnt Íslendingar sem erlendir ferða-
menn, en færst hefur í aukana að
erlendir ferðamenn sem gista á Hótel
Hamar vilji ólmir taka hring þegar þeir
sjá golfvöllinn. Af 35.000 gestum eru
þó erlendir viðskiptavinir í meirihluta,“
segir Jóhannes og leikur sér örlítið
með tölfræðina en Hamarsvöllur og
tilheyrandi eru án efa einn vinsælasti
staður landsins fyrir golfara. Hér er
eitt dæmi um vinsældirnar:
„Sem dæmi þá auglýstum við GB
paramót fyrir 80 pör – samtals 160
manns – í febrúar, en mótið verður
haldið í lok júní. Það bókaðist allt upp
á einni viku,“ segir Jóhannes.
„Hér er þægilegt umhverfi, friðsælt
og áreitislaust. Þegar fólk er að spila
golf í Reykjavík þá eru svo margir fleiri
í kringum það, þannig að þeir sem
eru að stíga sín fyrstu skref geta ekki
almennilega notið sín vegna áreitis.
Þess vegna leita svo margir byrjendur
hingað,“ segir Jóhannes.
Nánar má lesa um þetta á
vefsíðunni gbgolf.is. Þegar þar er
komið inn er einnig hægt að smella
á hnappinn „Hamar“ og þar er
hægt að bóka gistingu og golf.
Mörg spennandi tilboð eru í gangi
fyrir bæði pör og hópa. Að sögn
Jóhannesar er algengt að golfhópar
sæki Hamarsvöll og gisti á hótelinu.
Þar á fólk ljúfar stundir á milli þess
sem það nýtur þess að spila golf á
Hamarsvelli.