Dagblaðið Vísir - DV - 26.04.2019, Blaðsíða 42

42 PRESSAN 18. apríl 2019
Þ
egar Lalla Salma tók
sér stöðu í sviðsljósinu
í október 2002 sem eig-
inkona Mohameds VI.
Marokkókonungs nötraði allt og
skalf hjá hinni íhaldssömu kon-
ungshirð. Salma, sem var þá
23 ára, var með mikið rautt hár
og var svo allt öðruvísi en fyrri
prinsessur. Hún gat allt eins verið
frá annarri plánetu. Hún neitaði
að hylja hár sitt með höfuðklút
að múslímskum sið, klæddist oft
gallabuxum og leyndi oft ekki
frjálslyndum skoðunum sínum.
Hún fékk konunginn til að lýsa því
yfir að hann myndi ekki taka sér
fleiri eiginkonur, eins og honum er
heimilt, hún þvertók fyrir að halda
sig til hlés og braut blað í sögunni
með því að verða fyrsta eiginkona
þjóðhöfðingja landsins sem fékk
opinberan, konunglegan titil. Auk
þess varð hún fyrsta eiginkona
þjóðhöfðingja landsins sem leyfði
myndatökur af sér.
Orðrómur um að konungur hafi
lokað hana inni
Salma er með háskólapróf í tölv-
unarfræði og hún stofnaði góð-
gerðasamtök til stuðnings krabba-
meinssjúklingum. Hún var gerð
að góðgerðarsendiherra hjá Al-
þjóðaheilbrigðismálastofnuninni,
WHO. Sem fyrsta prinsessa lands-
ins fékk hún einnig nokkrum sinni
tækifæri til að vera fulltrúi lands-
ins og eiginmanns síns opinber-
lega. Engin prinsessa hefði geta
verið sýnilegri og mikilvægari en
Lalla Salma.
En síðan bar svo við að hún
hvarf algjörlega úr sviðsljósinu í
október 2017. Þetta hefur vakið
upp margar spurningar enda mik-
il breyting frá því sem áður var.
Eftir 16 ára hjónaband hvarf hún
skyndilega úr sviðsljósinu. Síðasta
opinbera verk hennar var að sækja
viðburð á Yves Saint-Laurent-
safninu í Marrakesh. Innlendir
fjölmiðlar dirfast ekki að tala um
dularfulla fjarveru hennar en það
drepur ekki orðróminn sem svíf-
ur yfir bæjum og borgum. Margir
Marokkómenn spyrja sig hvað hafi
orðið af Lalla Salma. Getur verið að
hún og konungurinn séu skilin og
hún berjist nú fyrir umgengnisrétti
við börnin þeirra tvö, krónprins-
inn Moulay Hassan, sem er 15 ára,
og prinsessuna Lalla Khadija, sem
er 12 ára? Er hún flutt til Grikk-
lands? Bandaríkjanna? Getur það
virkilega staðist að hún hafi nýlega
sést á Ítalíu með börnunum sín-
um? Þá hefur sá orðrómur geng-
ið fjöllum hærra að konungurinn
hafi lokað hana inni í einni af tólf
höllum sínum. Í nýútkominni bók
er því haldið fram að hann hafi
beitt þessari sömu aðferð á móður
sína, Lalla Latifa, þegar hún neitað
að slíta ástarsambandi við einn af
lífvörðum föður hans. Lalla Latifa
fékk þó síðar leyfi til að flytja til
Parísar og búa þar í útlegð.
Æpandi þögn
Mohamed VI. er einn af síðustu
konungum heimsins sem fer með
einhver völd en hann er mjög
valdamikill og hefur síðasta orðið
í nær öllum málum landsins.
Hann ferðast mikið, er oft í París,
og er óspar á að sýna lúxuslíf sitt á
samfélagsmiðlum. Hann er sagð-
ur stýra skuggaríkisstjórn, sem
samanstendur af vinum og sér-
fræðingum, og er hún sögð valda-
meiri en hin opinbera ríkisstjórn.
Á síðasta ári gekkst konungur-
inn undir hjartaaðgerð í Frakk-
landi. Þá kom fjarvera drottn-
ingarinnar berlega í ljós því á
myndum, sem hirðin sendi frá sér,
af konungnum á sjúkrabeði sást
Lalla Salma hvergi, en aftur á móti
voru börnin hans og fjögur systkin
með honum á myndunum.
Ekki þótti það síður undar-
legt fyrir skömmu þegar spænsku
konungshjónin og skömmu síðar
Harry Bretaprins og Meghan
prinsessa komu í opinbera heim-
sókn til Marokkó að það voru kon-
ungurinn og börn hans sem tóku á
móti þeim. Lalla Salma sást hvergi.
Þetta stakk mjög í stúf því Lalla
Salma og spænsku drottningunni
er vel til vina.
Spænska slúðurblaðið Hola!
segir að hjónin séu skilin og að
Lalla Salma búi enn í Marokkó.
Þögn konungsfjölskyldunnar
þykir þó æpandi. The Times seg-
ir að skilnaðarorðrómurinn sé þó
styrktur af grein í litlum vefmiðli í
Marokkó nýlega, en þar sagði að
Lalla Salma hefði „svikult viðhorf“
og „uppblásið egó“. Skrif sem þessi
eru tímamótaskrif í Marokkó og
ekki væri hægt að birta slík skrif án
leyfis konungsins. n
Dularfullt hvarf
prinsessunnar
Kristján Kristjánsson
ritstjorn@dv.is
Lalla Salma Áberandi prinsessa
sem hvarf úr sviðsljósinu.
Hvar er
Lalla
Salma?
MANITOU MLT 625-75 H
Nett
fjölnotatæki
Pétur O. Nikulásson ehf. • Melabraut 23, Hafnarfjörður • Símar: 552 2650 / 552 0110 • pon@pon.is
6.800.000 kr. + VSK