Skessuhorn - 31.05.2006, Blaðsíða 23

áSESSIíHöBI:
MIÐVIKUDAGUR 31. MAI 2006
23
Tvær stúlkur af Vestur-
landi í U-16 landsliðinu
Við sögðum frá því í síðasta
tölublaði að Einar Ólafsson, körfu-
boltapiltur úr Borgarfirði hafi verið
valinn til að leika með landsliði U-
16 ára í körfuknattleik, en liðið
spilaði á Norðurlandamótinu um
liðna helgi. Hinsvegar láðist að
geta þess í sömu frétt að í kvenna-
landslið U-16 í körfuboltanum
voru tveir fulltrúar af Vesturlandi
einnig að spila, en það voru þær
Hugrún Eva Valdimarsdóttir úr
Borgarnesi og Gunnhildur Gunn-
arsdóttir úr Stykkishólmi.
Hugrún Eva Valdimarsdóttir er
16 ára nemandi í 10. bekk B í
Grunnskóla Borgarness og hefur
hún spilað með Skallagrími und-
anfarin rúm 5 ár. Lenti hún í úrtaki
fyrir landslið U-16 kvenna í vetur
og fór þar á nokkrar æfingar. Fékk
hún svo að vita að hún hefði kom-
ist í 12 manna úrtak í byrjun maí
og hefur síðan mætt á strangar
æfingar daglega frá 11. maí sl.
Hún er eina Skallagrfmskonan
sem komst áfram í ár og fór á
Norðurlandamótið í Svíðþjóð sem
spilað var dagana 24.-29. maí sl.
Með Hugrúnu í liðinu er Gunn-
hildur Gunnarsdóttir, 16 ára úr
Stykkishólmi. Gunnhildur hefur
verið að spila með Snæfelli allar
götur frá þvf hún barnung fór að
æfa körfuknattleik. Hefur hún not-
ið þjálfunar þjálfara Snæfells
hverju sinni. Gunnhildur útskrifast
Hugrún Eva Valdimarsdóttir úr
Skallagrími.
úr 10. bekk Grunnskóla Stykkis-
hólms á föstudaginn kemur og
stefnir á nám í Fjölbrautaskóla
Snæfellinga í haust. Hún mun
spila með Snæfelli í vetur en í
sumar munu bæði hún og Hugrún
Eva þjálfa körfuna stíft og stefna
þær á að komast aftur í U-16
landsliðið í haust sem m.a. mun
spila í Evrópukeppninni.
MM
Gunnhildur Gunnarsdóttir úr Snæfelli.
Makedóníumennirnir
áfram hjá Skallagrími
Makedóníumennirnir Dimitar
Karadzovski og Jovan Zdra-
vevski hafa báðir gert tveggja ára
samning við úrvalsdeildarlið
Skallagríms f körfuknattleik. Fé-
lagarnir voru að spila feykivel
með Skallagrími í vetur og áttu
drjúgan þátt í velgengni liðsins en
eins og kunnugt er tapaði liðið úr-
slitarimmunni í úrvalsdeildinni á
móti Njarðvík á eftirminnilegan
hátt. Þá þykir einnig líklegt að
Bandaríkjamaðurinn George Byrd
spili með liðinu á næstu leiktíð.
Að sögn Vals Ingimundarsonar,
þjálfara liðsins er óvíst hvort Axel
Kárason muni leika með liðinu
Dagana 24. og 25. maí mættu
tæplega 70 krakkar frá UMSB,
HSH, UDN og Skipaskaga í sam-
eiginlegar æfingabúðir í frjálsum
fþróttum. Byrjað var á að taka æf-
ingu í Borgarnesi en síðan var far-
ið með rútu að Varmalandi þar
sem hópurinn gisti í Þinghamri.
Um kvöldið var farið í sund, grill-
aðar pylsur og ýmislegt sér til
gamans gert. Daginn eftir var tek-
in létt æfing og svo farið í sund og
að því loknu beið súpa og brauð í
hádegismat. Að lokum var tekin
þar sem hann hefur sótt um nám
í Danmörku en hann hyggst fara í
dýralæknisnám þar í landi. „Við
munum hugsanlega missa marga
af okkar yngri leikmönnum sem
ætla í nám til Reykjavíkur í vetur,
þannig það verða einhverjar
breytingar á liðinu,“ sagði Valur.
„Við ætlum hins vegar ekki að elt-
ast við neina leikmenn, heldur
nota þennan góða kjarna sem við
höfum, gera okkar allra besta og
síðast en ekki síst ætlum við að
hafa næstu leiktíð eins skemmti-
lega og sú síðasta var,“ sagði Val-
ur að lokum.
KÓÓ
góð æfing niður í Borgarnesi. Má
segja að þetta hafi allt gengið von-
um framar þar sem krakkarnir
voru til fyrirmyndar.
Þessar æfingabúðir voru liður í
Vesturlandssamstarfi félaganna til
að efla frjálsar íþróttir á Vestur-
landi. En á döfinni er að halda
samæfingu aftur í Borgarnesi fyrir
UML fyrir þá sem ætla þangað.
Svona samstart tekst ekki nema
með góðri aðstoð og eiga þeir
sem lögðu þessu lið þakkir skildar
fyrir. KH
Vesturlandssam- starf í frjálsum
Sb
Stigalausir eftir fjóra leiki
Lið Skagamanna vermir nú
botnsætið í Landsbankadeildinni
í knattspyrnu. Eftir fjóra leiki er
liðið stigalaust og útlitið því
dökkt. íslandsmeistarar FH, sem
Skaginn átti að eiga í fullu tré við
samkvæmt spám, eru nú 12 stig-
um á undan Skaganum.
Síðastliðið fimmtudagskvöld
sótti liðið íslandsmeistarana
heim að Kaplakrika. Nokkur
batamerki var að sjá á leik Skag-
ans frá því f leiknum gegn KR.
Mun meiri barátta einkenndi liðið
og var eins og það hefði endur-
heimt trúna á eigin getu. Ólafur
Þórðarson hafði gert margar
breytingar á liði sínu og virkuðu
þær vel. Þórður Guðjónsson
spilaði sinn fyrsta leik og von-
andi á hann eftir að beita sér vel
í sumar. ÍA varð hins vegar fyrir
áfalli í fyrri hálfleik þegar Arnar
Gunnlaugsson þurfti að fara
meiddur af velli. Þrátt fyrir bar-
áttu Skagamanna var uppskeran
rýr, 2-1 tap. Bjarni Guðjónsson
fór fyrir sínum mönnum, skoraði
mark Skagans úr víti og stóð sig
hreint út sagt frábærlega. Það
dugði hins vegar ekki til gegn
FH-ingum.
Valsmenn mun sterkari
Hafi Skagamenn sýnt merki
um að þeir ætluðu að reka af sér
slyðruorðið í leiknum gegn FH,
verður að segjast eins og er að
leikurinn gegn Val sl. þriðjudags-
kvöld olli gríðarlegum vonbrigð-
um. Valur hreinlega óð í færum
og Ijóst er að mikið verk bíður
Óla Þórðar við að bæta vörnina.
Skagamenn geta fyrst og fremst
þakkað Bjarka markverði fyrir að
ekki fór verr en raun ber vitni, en
hann varði oft frábærlega í leikn-
um.
Það var þó nokkuð jafnræði
með liðunum framan af fyrri hálf-
leik, þó Valsmenn hafi átt mun
fleiri færi. Leikmenn ÍA virtust
hafa fulla trú á verkefninu og
þrátt fyrir einstaka mistök var
ágætis bragur á liðinu. Það var
því ekki ósanngjarnt, þó það hafi
verið nokkuð gegn gangi leiks-
ins, þegar Igor Pesic kom liðinu
yfir á 40. mínútu eftir frábæra
sendingu frá Dean Martin. Það
sem eftir lifði fyrri hálfleiks sótti
Valur stíft og átti nokkur dauða-
færi sem Bjarki varði mörg hver
frábærlega.
Það var hins vegar eins og
Skagamenn hefðu gefist upp í
hálfleik þrátt fyrir að vera marki
yfir. Þeir komu daufir á völlinn og
réðu ekkert við spræka Valsara
sem spiluðu sig hvað eftir annað
í gegnum vörnina. Sigurbjörn
Hreiðarson fyrirliði jafnaði metin
á 49. mínútu og áfram hélt sókn
Vals. Skagavörnin hélt lengi vel
og enn og aftur sýndi Bjarki
hvers hann er megnugur í mark-
inu. Það var hins vegar Skaga-
maðurinn Garðar Gunnlaugsson
sem tryggði Val sigurinn á 81.
mínútu.
Það er Ijóst að eitthvað verður
að gerast í herbúðum Skagans.
Ljósi punkturinn er þó sá að liðið
hefur náð að skora í öllum leikj-
unum og hefur tapað þeim öllum
með minnsta mun, þremur leikj-
um 2-1 og einum 3-2. Varnarjaxl-
inn Óli Þórðar verður að bæta
vörn liðsins og nokkuð vantar
upp á samspilið fram á við. Þetta
eru samt atriði sem á að vera
hægt að laga og þá er allt hægt.
Ekki er annað hægt en að
minnast á stuðningsmenn Skag-
ans. Þeir hafa verið til fyrirmynd-
ar, sungið og trallað alla leikina
og ekki látið slæm úrslit á sig fá.
Þeir eiga hrós skilið fyrir það.
KÓÓ
Vallarmetið tvíbætt
á Garðavelli um helgina
Magnús Lárusson sigurvegari karla
og vallarmetshafi á Garðavelli.
Fyrsta stigamót ársins í golfi,
Ostamótið, fór fram á Garðavelli á
Akranesi um helgina en þar voru
mættir margir bestu kylfingar
landsins meðal þeirra 140 karla
og kvenna sem tóku þátt. Það
Tinna Jóhannsdóttir sigraði í kvenna-
flokki.
voru þau Magnús Lárusson úr Kili
og Tinna Jóhannsdóttir úr Keili
sem náðu efstu sætum og hlutu
bæði 166,7 stig. Þá var vallarmet-
ið á Garðavelli slegið í tvígang,
fyrst af Sigmundi Einari Mássyni,
GKG sem spilaði á 67 höggum og
síðan af Magnúsi Lárussyni, GKJ
sem spilaði á 66 höggum. Gamla
metið átti Birgir Leifur Hafþórs-
son, 68 högg frá árinu 2004 en
þess má geta að par vallarins á
Akranesi er 72 högg.
1. sæti: Magnús Lárusson GKJ, 141
högg (3 undirpari) 166,7
2. -3. sæti: Sigurpáll Geir Sveinsson
GKJ, 143 högg (1 undir pari) 86,9
2.-3. sæti: Sigmundur Einar Másson
GKG, 143 högg (1 undir pari) 86,9
Konur:
1. sæti: Tinna Jóhannsdóttir GK, 151
högg (7 yfir pari) 166,7
2. sæti: Nína Björk Geirsdóttir GKJ,
153 högg (9 yfir pari) 111,1
3. -4. sæti: Anna Lísa Jóhannsdóttir
GR, 155 högg (11 yfir pari) 56,3
3.-4. sæti: Þórdís Geirsdóttir GK, 155
högg (11 yfir pari) 56,3
Sigur, tap og jafntefli
hjá Vesturlandsliðunum
Um helgina fór fram fyrsta um-
ferð í C - riðli 3. deildar íslands-
mótsins í kanttspyrnu en eins og
áður hefur komið fram eru þrjú lið
af sex í þessum riðli hér af Vestur-
landi. Þau eru Kári á Akranesi
sem nýlega var endurvakið eftir
langan tíma, Skallagrímur í Borg-
arnesi og nýtt, ungt lið Snæfells
úr Stykkishólmi.
Lið Kára tók á móti firnasterku
liði Tindastóls, sem teflir fram
þremur erlendum leikmönnum og
er að sögn Garðars Jónssonar,
liðsstjóra Kára með sterkari liðum
í riðlinum. Kári var að spila
skemmtilegan bolta sem þeir fjöl-
mörgu áhorfendur kunnu vel að
meta og endaði leikurinn með
góðum 2 -1 sigri Kára. í hálfleik
var Tindastóll einu marki yfir en
Káramenn náðu að snúa leiknum
sér í hag og skoruðu tvö mörk í
seinnihálfleik þrátt fyrir að Hilmar
Hjaltason varð fyrir því óláni að fá
sitt annað gula spjald í leiknum
og þurfti því að yfirgefa völlinn.
Það voru þeir Hilmar Hjaltason og
Helgi Valur Kristinsson sem skor-
uðu mörk Kára í leiknum. Á föstu-
daginn nk. tekur Kári á móti liði
Hvatar frá Blönduósi og hefst
leikurinn kl. 20.
Skallagrímsmenn
fengu skell
Á laugardaginn mættust á
Blönduósi lið Hvatar og Skalla-
gríms og er óhætt að segja að
Skallagrímsmenn hafi fengið
slæma útreið því þeir töpuðu
leiknum 5 -0. Hvöt er einnig með-
al sterkustu liða í riðlinum og á
leikmannaskrá er að finna eina
fjóra erlenda leikmenn. Næsti
leikur Skallagríms fer fram f
Stykkishólmi á fimmtudaginn nk.
er þeir heimsækja Snæfellinga og
verður leikurinn án efa nágranna-
slagur af bestu gerð.
Ágætis byrjun hjá nýju
liði Snæfells
Þá tók hið unga lið Snæfells á
móti Neista frá Hofsósi í Stykkis-
hólmi á sunnudag. Meistaraflokk-
ur Snæfells í knattspyrnu var að
spila sinn fyrsta leik í tíu ár og var
því mikil eftirvænting í Hólminum.
Liðið var að leika alveg prýðilega
og tryggði sér eitt stig í þessari
fyrstu umferð en leikurinn endaði
með jafntefli 1 -1. Mark Snæfells
skoraði Steinar Már Ragnarsson í
fyrri hálfleik en hann er yngsti
leikmaður liðsins og leikur með 3.
flokki. Eins og fyrr sagði mæta
Snæfellingar liði Skallagríms í
Stykkishólmi á fimmtudag.
KÓÓ