Morgunblaðið - 02.05.2019, Blaðsíða 34

MORGUNBLAÐIÐ FIMMTUDAGUR 2. MAÍ 2019
Ég sleit krossbönd
og fór í fimm
liðþófaaðgerðir.
Samt hljóp ég
hálft maraþon
í sumar verkjalaust.
Jóhann Gunnarsson – sölustjóri hjá Pennanum
Þóra Sigurðardóttir
thora@mbl.is
Laxa- og rækjubrauðterta
4 x rúllutertubrauð
500 g Hellmann-majónes (+ ca 200 g í skreyt-
ingu)
1 dós (180 g) sýrður rjómi með graslauk og lauk
1 dós (180 g) sýrður rjómi (36% eða 18%)
salt, pipar, karrí og arómat eftir smekk
2 tsk. sítrónusafi
2 x vorlaukur
½ rauð paprika
13 harðsoðin egg (+ 3 í skreytingu)
500 g rækjur (+ ca 200 g í skreytingu)
200 g reyktur lax (+ ca 200 g í skreytingu)
Hrærið saman majónesi og sýrðum rjóma
þar til vel blandað og kryddið til með salti, pip-
ar, karríi og arómati. Kreistið sítrónusafann
saman við og blandið vel.
Saxið papriku og vorlauk smátt og skerið
eggin í litla bita með eggjaskera.
Skolið rækjurnar og þerrið ásamt því að
skera laxinn í smáa bita (saxa hann niður).
Blandið öllu saman við majónesblönduna.
Skiptið jafnt á milli laganna þriggja (brauð
efst og neðst).
Samsetning og skreyting
Byrjið á því að skera út rúllutertubrauðin
svo þau passi í hringlaga smelluform (23-25 cm
í þvermál).
Setjið fyrsta brauðið í botninn á smelluform-
inu á fallegum kökudisk.
1⁄3 af fyllingunni er smurt yfir og endurtekið
þrisvar (brauð efst).
Að lokum er tertan smurð með majónesi að
utan og skreytt eftir ykkar höfði (ég notaði sí-
trónusneiðar, rækjur, egg, lax, papriku, rad-
ísur og kóríanderlauf að þessu sinni).
Það má líka alveg nota rúllutertubrauðin án
þess að skera þau og setja bara minna af
blöndu á milli í hverju lagi og hafa þannig
stærri ferkantaða brauðtertu.
Brauðterta á gamla mátann
Brauðtertur eru mögulega það sparilegasta sem hægt er að bjóða upp á í góðu boði. Reynslan hefur sýnt að þegar kemur að brauð-
tertum erum við Íslendingar alveg merkilega fastheldnir á hefðir og hreint ekki hrifin af því þegar boðið er upp á einhverjar óvenju-
legar nýjungar. Hér gefur að líta ákaflega fallega og vel heppnaða brauðtertu úr smiðju Berglindar Hreiðarsdóttur á Gotteríi & ger-
semum. Kakan er eins sígild og hugsast getur fyrir utan útlitið sem er ögn óvenjulegt og kemur einstaklega vel út. Það munu
væntanlega fáir fjargviðrast út af þessu enda er kakan sérdeilis fögur á að líta.
Ljósmynd/Berglind Hreiðarsdóttir
Glæsileg Þessi
útfærsla er ein-
staklega glæsileg
og fer vel á
veisluborði.
Þau tíðindi berast nú austur um
haf að kaffikeðjan Starbucks sé
að setja á markað hylki fyrir
Nespresso-kaffivélar. Ekki er um
að ræða neina hallarbyltingu
heldur samstarf milli Starbucks
og Nespresso sem búið er að vera
í vinnslu í töluverðan tíma og er
liður í stefnu beggja fyrirtækja
sem felur í sér að hámarka kaffi-
upplifun í heimahúsum, ef svo
mætti að orði komast.
Nespresso hefur verið gagn-
rýnt fyrir hversu óumhverfis-
vænar umbúðirnar eru og hefur
fyrirtækið gert mikið til að
breyta því. Nýju Starbucks-hylkin
verða öll unnin úr áli og endur-
vinnanleg. Hægt verður að fá
fjórar tegundir af kaffinu og til
að byrja með verður sjálfsagt
auðveldast fyrir íslenska neyt-
endur sem vilja prófa að panta
hylkin frá Amazon þar sem þau
eru ekki væntanleg hingað til
lands eins og sakir standa.
Morgunblaðið/Starbucks
Starbucks og
Nespresso í samstarf
Gleðitíðindi Ljóst er að aðdáendur
Starbucks-kaffikeðjunnar um heim all-
an munu gleðjast mjög við þessi tíðindi.