Morgunblaðið - Sunnudagur - 12.05.2019, Blaðsíða 4

INNLENT
4 MORGUNBLAÐIÐ SUNNUDAGUR 12.5. 2019
Grasrótin
hefur vægi
Fjölmenningarráð Reykjavíkur-borgar hitti borgarstjórn áfundi þann 30. apríl og lagði
þar fram fimm tillögur sem varða
málefni innflytjenda. Tillögurnar
voru allar sendar áfram innan borg-
arkerfisins, ýmist beint til borgar-
ráðs eða til frekari umfjöllunar og
greiningar í ráðum borgarinnar.
Að sögn Sabine Leskopf, for-
manns fjölmenningarráðs, hafa til-
lögurnar, sem allar miða að því að
bæta hag borgarbúa sem hafa annað
móðurmál en íslensku, fengið já-
kvæð viðbrögð nú þegar.
Þetta er í fyrsta sinn sem fjöl-
menningarráð leggur fram tillögur
með þessum hætti á fundi með borg-
arstjórn en hún telur að það fyrir-
komulag sé gott. „Við undirbjuggum
þessar tillögur vel og höfum átt sam-
töl við fólk á ýmsum sviðum borgar-
innar. Tillögunum var vel tekið og
þeim hefur nú verið vísað áfram í
fagráð,“ segir Sabine.
Valdeflandi starf
Fulltrúar grasrótarhreyfinga sem
vinna að hagsmunum innflytjenda
eiga sæti í fjölmenningarráði auk
þeirra sem borgarstjórn tilnefnir.
Sabine segir það mjög jákvætt að
hafa fulltrúa grasrótarhreyfinga í
ráðinu. „Þetta er mjög valdeflandi
því fulltrúar grasrótarinnar eru í
mjög virku hlutverki í fjölmenning-
arráðinu og það skilar sér í fjöl-
breyttum áherslum ráðsins.“
Fimm tillögur voru lagðar fram
að þessu sinni sem allar miða að því
að bæta hag borgarbúa sem hafa
annað móðurmál en íslensku. Meðal
þess sem ráðið leggur til er að ráðist
verði í auglýsingaherferð á mörgum
tungumálum þar sem frístundakort
er kynnt, en að sögn Sabine hefur
það lengi verið þannig að foreldrar
barna af erlendum uppruna eru
ólíklegri til að nýta frístundastyrk-
inn. Þá er lagt til að svonefndum
brúarsmiðum verði fjölgað í grunn-
skólum borgarinnar en þeir veita
ráðgjöf og fræðslu til foreldra og
kennara og eru stuðningur við börn
af erlendum uppruna. Þá leggur
ráðið til að farið verði í átak gegn
fordómum, rafræn gátt verði stofn-
uð til að veita innflytjendum upplýs-
ingar og starfsmenn borgarinnar af
erlendum uppruna fái menntun sína
viðurkennda.
„Við höfum nú þegar fengið já-
kvæð viðbrögð við þessum tillögum
og ég geri ráð fyrir að við fylgjum
þeim eftir með frekari kynningum
innan fagráðanna,“ segir Sabine
um næstu skref fjölmenningar-
ráðs.
Fjölmenningarráð hefur lagt fram tillögur um málefni
innflytjenda fyrir borgarstjórn. Myndin er frá árlegri fjöl-
menningargöngu í Reykjavík.
Morgunblaðið/Árni Sæberg
Frístundakortið þarf að kynna betur fyrir
foreldrum af erlendum uppruna og fjölga ætti
brúarsmiðum í grunnskólum, að því er
fjölmenningarráð Reykjavíkurborgar leggur til.
Eyrún Magnúsdóttir eyrun@mbl.is
 Tillaga um frístundakort
Reykjavíkurborgar fjallar
um hvernig skuli upplýsa
Reykvíkinga með annað
móðurmál en íslensku um
það með hvaða hætti megi
nýta frístundakort.
 Tillaga um rafræna upp-
lýsingagjöf fyrir innflytj-
endur í gegnum rafræna
gátt þar sem fyrirspurnum
á öðrum tungumálum en
íslensku er svarað innan
skamms.
 Tillaga um að styðja
starfsmenn borgarinnar
sem eru af erlendum upp-
runa í því að fá menntun
sína metna og viðurkennda.
 Tillaga um að fjölga brú-
arsmiðum á skóla- og
frístundasviði Reykjavíkur-
borgar.
 Tillaga um að Reykja-
víkurborg fari í heildstætt
átak gegn fordómum og
hatursorðræðu í garð inn-
flytjenda.
Fimm til-
lögur lagð-
ar fram
Við erum örugglega fróðasta kynslóðsem hefur nokkurntímann gengið umjörðina. Við erum böðuð í upplýs-
ingum frá morgni til kvölds. Alls staðar dynja
á okkur fréttir, tilkynningar, reynslusögur og
bara almennur fróðeikur. Við vitum meira um
annað fólk og aðrar þjóðir en forverar okkar.
Við getum flett öllu upp í símanum okkar.
Það mætti ætla að allar okkar ákvarðanir
væru vel ígrundaðar og byggðar á bestu fá-
anlegum upplýsingum á hverjum tíma.
Eða hvað?
Vandinn er kannski sá að það er líka hægt
að velja sér upplýsingar. Við veljum hvað við
viljum hlusta á og helst það sem hentar
heimsmynd okkar. Þannig að um leið og við
höfum meiri aðgang að fréttum þá er líka
hætta á við einangrumst meira í sápukúlunni
okkar, því sem stundum hefur verið kallað
bergmálshellir.
Síðasta dæmið er umræðuhópurinn Orkan
okkar. Ég tek það fram að ég ætla ekki að
taka neina afstöðu til málsins. Mér finnst
bara frábært að fólk skuli nota samfélags-
miðla til að viða að sér upplýsingum, ræða
málin og þannig komast að niðurstöðu. Skyldi
maður ætla.
Nú berast samt fréttir af því að nokkrum,
sem hafi haft upp ólík sjónarmið, hafi hrein-
lega verið hent útúr hópnum. Fyrst var inn-
leggjum þeirra eytt og svo voru þeir útilok-
aðir. Það er aðeins of ótrúleg tilviljun að
þetta skuli allt vera fólk sem hefur eitthvað
að athuga við sjónarmið þeirra sem ráða
hópnum. Enda kemur í ljós að það óvenju-
lega við þennan hóp er að þangað eru bara
þeir velkomnir sem eru sammála þeim sem
fyrir eru. Hér er bara pláss fyrir eina skoð-
un.
Þá er alltaf hættan á að eftir sitji bara fólk
sem er allt sömu skoðunar og skilji bara ekk-
ert í því að það hafi bara alltaf rétt fyrir sér.
Barasta allir í hópnum eru alltaf sammála
því.
Ég hef lært mest í mínu lífi á því að tala
við fólk sem er ósammála mér. Þannig hef ég
kynnst ólíkum sjónarmiðum og lært um
ýmislegt sem ég hefði að öðrum kosti aldrei
vitað af. Að rökræða um mál er frábær leið
til að annaðhvort skipta um skoðun eða fá
sannfæringu um að maður hafi rétt fyrir sér.
En víðsýni skilar sér sjaldnast á því að tala
bara við fólk sem er sammála þér og ef þú
þarft aldrei að standa fyrir máli þínu.
Hitt vandamálið er að mörkin á milli stað-
reynda og skoðana virðast verða óljósari. Það
er kannski skuggahliðin á þessari upplýs-
ingabyltingu. Nú hafa allir rödd og það er
svo miklu einfaldara að koma skoðun sinni á
framfæri. Hér áður fyrr voru bara nokkrir
fjölmiðlar sem fólk fékk á hverjum degi og
margir þeirra voru lokaðir nema útvöldum.
Nú eru engir hliðverðir. Núna er allt opið alls
staðar.
Að sama skapi hefur krafan um að fólk
standi fyrir máli sínu nánast horfið. Í þessum
endalausa öldugangi skoðana er ábyrgð orða
mun minni en hún áður var. Margoft, þegar
fólki er bent á að það sem það segi standist
ekki skoðun, þá breytir það engu. Þetta er
mín skoðun – mín staðreynd. Ég ætla að
halda áfram að halda henni fram af því að
mér líkar hún.
Stundum getur þetta verið krúttlegt og
jafnvel fyndið en í raun er þetta hættulegt.
Þetta skapar jarðveg fyrir ótta, fordóma og
ranghugmyndir. Umræða hefur alltaf verið
nauðsynleg til að komast að niðurstöðu. En
umræða skilar engu ef þú talar bara við sjálf-
an þig.
’Þá er alltaf hættan á að eftirsitji bara fólk sem er alltsömu skoðunar og skilji baraekkert í því að það hafi bara allt-
af rétt fyrir sér. Barasta allir í
hópnum eru alltaf sammála því.
Á meðan ég man
Logi Bergmann
logi@mbl.is
Að tala við sjálfan sig
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.