Morgunblaðið - Sunnudagur - 12.05.2019, Blaðsíða 12

Kristófer hefur íþróttagenin og stökkkraftinn frá föður sínum, Terry
Acox, sem einnig lék körfubolta, meðal annars hér á Íslandi með ÍA.
góðu sambandi í dag. Ætli við höfum ekki báð-
ir haft gott af þessu. Þessi dvöl gerði alla vega
helling fyrir mig; ég hefði ekki viljað hafa
sleppt þessu.“
Stökkkrafturinn frá pabba
Heima á Íslandi kláraði Kristófer Kvennaskól-
ann og steig sín fyrstu skref með meistara-
flokki KR. Spurður hvort hann hafi verið bor-
inn saman við föður sinn á velli svarar Kristó-
fer: „Margir vissu hver pabbi er og hvað hann
var þekktur fyrir. Til að byrja með fannst mér
ég stundum tekinn inn á þeim forsendum að ég
væri sonur hans en það breyttist eftir því sem
mér fór fram. Pabbi var svakalegur íþrótta-
maður og ég er með öll íþróttagenin og stökk-
kraftinn frá honum. Ég sá hann auðvitað aldr-
ei spila en hef séð myndbönd og heyrt sögur og
það er margt líkt með okkur; hvað líkamstján-
ingu varðar er ég til dæmis eins og
spegilmynd af pabba.“
– Eruð þið jafnháir?
„Pabbi er aðeins hærri en ég.
Annars er hann orðinn fimm-
tugur, karlinn, og byrjaður að
vaxa í vitlausa átt. Ég er mjög
duglegur að minna hann á það.“
Hann hlær.
Að stúdentsprófi loknu hélt
Kristófer aftur vestur um haf í
nám við Furman-háskóla í Suður-
Karólínu, þar sem hann lék körfubolta
og lagði stund á nám í heilsuvísindum. „Þetta
var mjög skemmtilegur tími og ekki spillti fyr-
ir að skólinn var ekki nema í klukkutíma fjar-
lægð frá pabba og fjölskyldu hans. Við hitt-
umst því oft og hann mætti á alla heimaleiki
hjá mér. Það var mjög góð tilfinning að hafa
hann á pöllunum.“
– Hefurðu alltaf litið öðrum þræði á þig sem
Bandaríkjamann?
„Ég hef alltaf verið meðvitaður um það að
ég er hálfur Bandaríkjamaður og átt auðvelt
með að laga mig að samfélaginu þar. Mér
finnst ég vera heima bæði á Íslandi
Kristófer er einkabarn móður sinnar og hvíldi
uppeldið á henni og ömmu hans. „Samband
okkar mömmu er ofboðslega náið og sama máli
gegnir um ömmu sem bjó um tíma hjá okkur.
Þær bera alla ábyrgð á uppeldi mínu. Ég hafði
það mjög gott í æsku og er þeim óendanlega
þakklátur.“
– Þannig að konur hafa haft mikil áhrif á
þig?
„Já, það er óhætt að segja það. Og það til
góðs. Þegar ég var að byrja í fótboltanum hafði
ég meira að segja kvenkyns þjálfara um tíma.
Þannig að ég er mótaður heilmikið af konum.“
– Skorti þig aldrei föðurímynd?
„Nei, ég get ekki sagt það. Ég man alla vega
ekki eftir að hafa pælt sérstaklega í því fyrstu
árin og svo kom pabbi auðvitað inn í líf mitt
þegar ég var unglingur. Mér leið vel og fannst
ekkert vanta.“
Stál í stál
Kristófer var á fimmtánda ári þegar hann hitti
föður sinn fyrst. Hann fór þá í körfuboltabúðir
í Boston í Bandaríkjunum ásamt Matthíasi
Orra vini sínum og hélt að því loknu til Norð-
ur-Karólínu, þar sem fjölskylda Matthíasar
ætlaði að dveljast í fríi „Pabbi býr í Suður-
Karólínu og ákveðið var að hann kæmi að
sækja mig. Hann mætti með alla familíuna og
þau tóku á móti mér með blöðrum og látum.
Ógleymanleg stund.“
Terry á fjórar dætur, tvær með núverandi
eiginkonu sinni og tvær af fyrri samböndum;
allar nema ein eru þær yngri en Kristófer. „Ég
er ekki í miklu sambandi við systur mínar en
hitti þær þegar ég er í Bandaríkjunum.“
Feðgarnir náðu strax vel saman og árið 2010
fór Kristófer utan og bjó í heilan vetur hjá föð-
ur sínum og stundaði nám í „high school“. Það
var athyglisverð reynsla. „Amma hafði svolitl-
ar áhyggjur af þessu en mamma var rólegri;
var mjög spennt fyrir því að ég fengi tækifæri
til að kynnast pabba almennilega. Þetta byrj-
aði svo sem ágætlega en fljótlega kom babb í
bátinn. Við erum svipaðar týpur, feðgarnir,
báðir þrjóskir og þetta varð eiginlega
bara stál í stál. Pabbi hafði aðrar
hugmyndir um uppeldi en mamma
og amma og mér gekk illa að laga
mig að því sem hann vildi. Ekki
bætti úr skák að ég var þarna á
erfiðum aldri, sautján ára. Ég
kláraði veturinn úti en eftir það
fór ég aftur heim til Íslands.
Pabbi var ósáttur við það, vildi
hafa mig áfram hjá sér, og í ein-
hverja mánuði var lítið samband
okkar á milli. Við tókum þó fljótlega
upp þráðinn aftur og eigum í mjög
Morgunblaðið/Kristinn Magnússon
Kristófer gerir sig líklegan
til að skora í leik gegn Þór
Þorlákshöfn í undan-
úrslitum Íslandsmótsins.
Morgunblaðið/Eggert
Kristófer í landsleik
gegn Búlgaríu í
Laugardalshöllinni.
Amma Kristófers, Magnhild Elísabeth Jacobsen,
tók virkan þátt í uppeldi hans. Hún lést 2011.
Helena Sverrisdóttir og Kristófer Acox voru
valin körfuboltafólk ársins hjá KKÍ í gær.
Ljósmynd/KKÍ
Kristófer ásamt móður sinni, Ednu Maríu Jacobsen, en þau eru mjög náin.
VIÐTAL
12 MORGUNBLAÐIÐ SUNNUDAGUR 12.5. 2019