Morgunblaðið - 06.06.2019, Page 58

58 ÍÞRÓTTIR
MORGUNBLAÐIÐ FIMMTUDAGUR 6. JÚNÍ 2019
SÓLARFILMUR!
Lausnir
fyrir
heimili
og fyrirtæki
Sundaborg 3
104 Reykjavík
777 2700
xprent@xprent.is
 Svisslendingurinn Gianni Infant-
ino var í gær endurkjörinn forseti
FIFA, Alþjóðaknattspyrnusambands-
ins, til næstu fjögurra ára á þingi
sambandsins í París. Infantino, sem
áður var framkvæmdastjóri UEFA, er
49 ára gamall og tók við embættinu í
febrúar 2016, eftir að Sepp Blatter
neyddist til að segja af sér í kjölfar
spillingarmála.
 Svíinn Lennart Johansson, sem
margir hafa kallað „föður Meist-
aradeildar Evrópu“ er látinn, 89 ára
að aldri. Johansson var forseti UEFA,
Knattspyrnusambands Evrópu, í
sautján ár, frá 1990 til 2007, og var
um skeið varaforseti FIFA. Hann sagð-
ist síðar vera stoltastur af því verki
sínu að hafa komið Meistaradeildinni
á laggirnar en hún kom í stað Evr-
ópukeppni meistaraliða árið 1992.
 Halla Margrét Hinriksdóttir, mark-
vörður kvennaliðs HK/Víkings í knatt-
spyrnu, spilar ekki með liðinu á næst-
unni. Í ljós er komið að hún er með
illa brotinn fingur og hefur hún spilað
þannig síðustu tvo leiki, en Halla
skýrði frá því í samtali
við Fótbolta.net.
HK/Víkingur teflir í
staðinn fram
bandaríska mark-
verðinum Aud-
rey Baldwin
sem kom til
liðsins frá
Ísrael á
dögunum
en spilaði
með Kefla-
vík og Fylki
fyrir nokkrum
árum.
Eitt
ogannað
EM 2020
Andri Yrkill Valsson
yrkill@mbl.is
Fyrir ári var Gylfi Þór Sigurðsson
ásamt félögum sínum í íslenska
landsliðinu að undirbúa sig fyrir
heimsmeistaramótið í knattspyrnu
sem var handan við hornið í Rúss-
landi. Svipað var uppi á teningnum
fyrir þremur árum í aðdraganda
Evrópumótsins í Frakklandi 2016.
Nú eftir slétt ár getur landsliðið svo
verið að undirbúa sig fyrir Evr-
ópumótið 2020, en til þess þarf liðið
að komast áfram í undankeppninni.
Framundan eru tveir heimaleikir á
Laugardalsvelli, við Albaníu á laug-
ardag og Tyrkland á þriðjudag, sem
geta ráðið miklu um hvað möguleika
Íslands varðar um að komast á þriðja
stórmótið í röð.
„Ef við náum í tvenn góð úrslit í
þessum leikjum er allt mögulegt, en
síðan ef þetta fer á hinn veginn er
þetta strax orðið mjög erfitt,“ segir
Gylfi Þór Sigurðsson þegar hann
ræðir við Morgunblaðið fyrir æfingu
landsliðsins á sólríkum Laugardals-
velli í gær. Hann segir að það að hafa
þegar komist á tvö stórmót, bæði
EM og HM, geri leikmenn enn
hungraðri að vilja komast á EM á ný,
þvert á það sem sumir hafa haldið
fram.
„Einhverjir halda að vegna þess að
við höfum farið á stórmót áður þá sé
ekki jafn mikill metnaður að komast
þangað aftur, en eftir að hafa upp-
lifað svona lagað þá viltu gera það
aftur og það er mun sterkari tilfinn-
ing. Fyrir mig persónulega eru þessi
stórmót það skemmtilegasta sem ég
hef gert á mínum ferli. Upplifunin og
stemningin að vera á stórmótum er
einstök og við allir sem vorum þar,
og strákarnir sem hafa ekki upplifað
þetta áður, erum staðráðnir í að gera
allt sem við getum til þess að komast
á annað stórmót,“ segir Gylfi, en veit
að leiðin þangað er síður en svo
greið.
Leikir sem ráða framhaldinu
Eftir fyrstu tvo leikina í riðlinum
má segja að Ísland sé á pari. Sigur
gegn Andorra var nauðsynlegur og
tap fyrir Frökkum á útivelli var eitt-
hvað sem ef til vill var viðbúið, það að
fá eitthvað út úr honum hefði verið
hreinn bónus. Baráttan um annað
sætið er hins vegar líkleg til þess að
vera á milli Íslands, Albaníu og Tyrk-
lands og því munu þessir tveir leikir
ráða miklu.
„Þetta eru tveir mjög stórir leikir
fyrir okkur sem munu örugglega
ráða því hvernig riðillinn mun þróast
hjá okkur. Það er svo mikilvægt að
byrja riðilinn vel. Ef við náum í tvenn
góð úrslit erum við búnir að vinna
þrjá af fjórum leikjum, sem er mjög
sterkt og búnir að spila við Frakkana
úti. En Albaníuleikurinn verður gríð-
arlega erfiður. Þótt þeir séu kannski
ekki mjög ofarlega á heimslistanum
þá voru þeir í úrslitakeppni EM og
eru með marga góða leikmenn, svo
þetta verður mjög erfitt.“
Þó að hugurinn sé fyrst og fremst
á fyrri leiknum gegn Albaníu á laug-
ardag þá er Tyrkjaleikurinn einnig
handan við hornið. Þar er andstæð-
ingur sem við höfum oft mætt á síð-
ustu árum, enda voru þjóðirnar sam-
an í riðli bæði í undankeppni EM
2016 og HM 2018. Hjálpar það ís-
lenska liðinu að þekkja Tyrkina vel?
„Já og nei. Það er gott að spila við
lið þegar þú veist nokkurn veginn út í
hvað þú ert að fara. En við erum bún-
ir að mæta þeim það oft að þeir eru
farnir að þekkja okkur líka mjög
vel,“ segir Gylfi.
Kannski verið of gott veður
Gylfi tekur undir að það að spila á
heimavelli geti skipt miklu máli, enda
hafi liðið náð í lykilúrslit í þessum
júníleikjum í síðustu undankeppnum.
Skemmst er að minnast sigurs á
Króatíu fyrir tveimur árum sem kom
Íslandi stóru skrefi nær HM.
„Já, fyrst það er leikið yfir sum-
arið þá er frábært að fá tvo heima-
leiki og það hefur gengið mjög vel í
þessum leikjum. Völlurinn er frábær
og veðrið hefur verið geggjað,
kannski of gott samt. Það hefði verið
betra að vera í skítakulda og rign-
ingu,“ segir Gylfi og glottir, enda oft
þekkt að gestaþjóðir kunni illa við ís-
lenska slagveðrið.
Sáttur en vill alltaf gera betur
Gylfi mætir klár í slaginn í leikina
tvo eftir að hafa átt afar gott tímabil
með Everton í ensku úrvalsdeildinni.
Þar spilaði hann alla 38 deildarleiki
liðsins, var markahæstur með 13
mörk og lagði upp önnur sex.
„Já, ég er nokkuð sáttur en auðvit-
að vill maður alltaf gera betur. Sem
lið endum við tímabilið mjög vel. Það
kom kafli í desember eða janúar þar
sem við eiginlega klúðruðum tíma-
bilinu. En heilt á litið var þetta bara
mjög fínt,“ segir Gylfi Þór Sigurðs-
son við Morgunblaðið.
Gerum allt til
að upplifa
fleiri stórmót
 Gylfi Þór Sigurðsson segir engan
saddan í landsliðinu eftir fyrri árangur
Morgunblaðið/Kristinn Magnússon
Undirbúningur Gylfi Þór Sigurðsson hitar upp á Laugardalsvellinum.
Andri Yrkill Valsson
yrkill@mbl.is
Landsliðsfyrirliðinn Aron Einar
Gunnarsson æfði ekki með íslenska
landsliðinu í knattspyrnu á Laug-
ardalsvelli í gærmorgun, þremur
dögum fyrir leikinn gegn Albaníu í
undankeppni Evrópumótsins sem
fram fer þar á laugardag.
Aron Einar er þó ekki að glíma
við meiðsli, en í stað þess að æfa á
grasi með liðinu æfði hann í æf-
ingasal. Þekkt er að Aron Einar
tekur ekki alltaf þátt í öllum æfing-
um landsliðsins fyrir leiki og á þátt-
taka hans í leiknum gegn Albaníu
og svo gegn Tyrklandi á þriðjudag
því ekki að vera í hættu.
Þá var Birkir Már Sævarsson
ekki með landsliðinu á æfingunni í
gær, en hann fékk leyfi af persónu-
legum ástæðum. Hann er þó heill
heilsu og ekki að glíma við meiðsli.
Þá kemur markvörðurinn Ingvar
Jónsson til móts við liðið í dag.
Kapphlaup hjá Jóhanni Berg
Enn ríkir óvissa með Jóhann
Berg Guðmundsson. Jóhann kom
aftur til landsins frá Dublin í gær
eftir að hafa verið sendur þangað
til sérfræðings sem vann með hon-
um þegar hann meiddist í kálfa í
vetur og missti úr leiki með Burn-
ley í ensku úrvalsdeildinni.
Vonir standa til að meiðsli Jó-
hanns séu ekki alvarleg. Hann
meiddist einnig á kálfa í fyrsta leik
Íslands á HM í Rússlandi síðasta
sumar, en var mættur aftur á völl-
inn í þriðja leiknum tíu dögum síð-
ar. Ef meiðslin reynast smávægileg
er hann þó samt í kapphlaupi við
tímann að verða leikfær í tæka tíð.
Aron Einar er klár en
æfði ekki með liðinu
Morgunblaðið/Kristinn Magnússon
EM 2020 Jóhann Berg Guðmunds-
son og Aron Einar Gunnarsson.