Morgunblaðið - 06.06.2019, Síða 65

MENNING 65
MORGUNBLAÐIÐ FIMMTUDAGUR 6. JÚNÍ 2019
Rut Ingólfsdóttir, fiðluleikari og
þýðandi, og eiginmaður hennar
Björn Bjarnason, fyrrverandi ráð-
herra, standa fyrir fimm viðburðum
nú í sumar á Kvoslæk í Fljótshlíð,
þar sem þau búa, og ber viðburð-
aröðin yfirskriftina „Skemmtistund í
sveitinni“.
Boðið verður upp á fyrirlestra,
leiklestur og tónleika og fara fyrstu
tónleikarnir fram í Hlöðunni á Kvos-
læk á laugardaginn, 8. júní, kl. 15. Þá
koma fram „Diddú og drengirnir“,
þ.e. söngkonan Sigrún Hjálmtýs-
dóttir og Sigurður I. Snorrason og
Kjartan Óskarsson klarinettleik-
arar, Frank Hammarin hornleikari
sem leysir af Þorkel Jóelsson, eig-
inmann Diddúar; Emil Friðfinnsson
hornleikari og fagottleikararnir
Brjánn Ingason og Björn Th. Árna-
son. Þau munu flytja sín uppáhalds-
lög sem eru bæði óperuaríur, íslensk
sönglög og ljúf lög fyrir blás-
arasextett, eins og segir í tilkynn-
ingu en Diddú og drengirnir hafa
starfað saman í fjölda ára við góðan
orðstír. Aðgöngumiðar eru seldir við
innganginn og boðið verður upp á
kaffi í hléi.
Diddú og drengir í Hlöðunni
 Skemmtistund-
ir að Kvoslæk hjá
Rut og Birni
Hress Diddú og drengirnir hennar troða upp í Hlöðunni á laugardaginn.
Ragnheiður Birgisdóttir
ragnheidurb@mbl.is
Bandaríska myndlistakonan B. Ing-
rid Olson opnar einkasýninguna
Fingered Eyed í i8 galleríi í dag kl.
17. Á síðasta ári sýndi hún verk sín á
sýningunni Að sjá er að trúa er að
halda á og handleika ásamt fjórum
öðrum bandarískum listamönnum
og í framhaldi af því bauð galleríið
henni að halda einkasýningu. Á sýn-
ingunni, sem mun standa til 10.
ágúst, er að finna bæði ljósmyndir
og skúlptúra.
„Titill sýningarinnar Fingered
Eyed tengist sambandinu milli ljós-
myndanna og skúlptúranna. Það
hefur mikið að gera með muninn á
því að snerta og að horfa og muninn
á fjarlægð og nánd. Maður getur séð
eitthvað langt í burtu en til þess að
snerta þarf maður að vera nálægt,“
segir myndlistarkonan. „Í verkunum
felst viss leikur með áþreifanleika
ljósmyndanna og myndanna sem
myndast í skúlptúrunum, með þetta
samspil sjónar og snertingar sem
myndast.“
Speglar gera verkin abstrakt
Olson hefur byggt ramma úr lit-
uðu plexigleri um ljósmyndirnar
sem byrgir sýn. Þeir gera það að
verkum að ljósmyndirnar sjást ekki í
heild nema maður standi beint fyrir
framan þær. Hún tekur ljósmynd-
irnar sjálf, af eigin líkama og ýmsum
munum, og nýtir spegla til þess að
brjóta upp og brengla líkamann á
myndunum svo þær verða nokkuð
abstrakt. „Það breytir því hvernig
línur og fletir mætast og það ruglar
mann í rýminu. Ég kann að meta
hvernig speglarnir fletja út rýmið á
myndunum með því að stöðva sýnina
og varpa henni til baka,“ segir
Olson.
Leikur sér með líkama
Í sumum verkanna er ljóst að lík-
aminn er kvenkyns en í öðrum ekki,
og í sumum tilfellum er hann karl-
gerður. Olson leikur sér þannig með
staðlaðar hugmyndir um kyn líkam-
ans og setur fram ákveðna tvíræðni.
Hún skoðar efnislega eiginleika lík-
amans og kannar samband hans við
umhverfi sitt. Skúlptúrarnir, sem
skaga út úr hvítum veggjunum, eru
einfaldir að forminu til en Olson seg-
ir þeim vera ætlað að kalla fram lík-
ama í rými og tengja líkamann við
arkitektúr gallerísins.
Myndlistarkonan, sem er búsett í
Chicago, segir birtu hins íslenska
sumars hafa veitt sér innblástur.
„Þetta er í fyrsta sinn sem ég upplifi
birtu í svona marga klukkutíma á
dag. Ég vissi að það yrði skrýtin
upplifun svo ég var mjög upptekin af
ljósi þegar ég vann verkin. Ég hugs-
aði mikið um hvernig íslenska birtan
spilar með listaverkunum. Þess
vegna eru þessi verk ljósari og bjart-
ari en þau sem ég hef gert áður. Mér
fannst það spennandi hugmynd,“
segir Olson að lokum.
Samspil sjónar og snertingar
 Bandaríska myndlistarkonan B. Ingrid Olson setur upp einkasýninguna Fingered Eyed í i8
 „Ég hugsaði mikið um hvernig íslenska birtan spilar með listaverkunum,“ segir Olson
Morgunblaðið/Kristinn Magnússon
Myndlistarkona Hin bandaríska B. Ingrid Olson segir birtu hins íslenska sumars hafa veitt sér innblástur.
Tilkynnt hefur verið um þau sem
hljóta heiðursverðlaun Óskarsverð-
launanna sem afhent verða á þessu
ári og er einn Óskarsverðlaunahafi
þeirra á meðal, leik- og kvennabar-
áttukonan Geena Davis sem hlaut
verðlaunin fyrir leik sinn í The
Accidental Tourist árið 1988. Leik-
stjórinn David Lynch hlýtur einnig
heiðursverðlaunin en hann hefur
verið tilnefndur til Óskarsverð-
launa margoft. Þriðji heiðursverð-
launahafinn er bandaríski leikarinn
Wes Studi og verður hann sá fyrsti
af indjánaættum sem hlýtur þau.
Fjórði verðlaunahafinn er svo
ítalski leikstjórinn og handritshöf-
undurinn Lina Wertmüller sem
varð fyrst kvenna til að fá Óskars-
tilnefningu fyrir leikstjórn, árið
1975 fyrir Seven Beauties.
Bandaríska kvikmyndaakademí-
an afhendir heiðursverðlaun Ósk-
arsins árlega einstaklingum sem
þykja hafa helgað ævi sína og starf
kvikmyndalistinni og skarað fram
úr á því sviði. Verðlaunin verða af-
hent í október í Los Angeles.
Davis hlýtur heiðursverðlaun Óskars
Heiðruð Geena Davis baráttukona.
Sprenging varð í
hinu fræga
Pinewood-mynd-
veri í Bucking-
hamskíri á Eng-
landi í gær þar
sem tökur á
næstu kvikmynd
um James Bond
fara fram. Einn
starfsmaður úr
tökuliði slasaðist og framhlið
myndversins skemmdist, skv. frétt
BBC. Meiðsl starfsmannsins munu
vera minni háttar en í síðasta
mánuði var greint frá því að leik-
arinn Daniel Craig, sá sem leikur
Bond, hafi slasast við tökur á Ja-
maíku og þurft að fara í aðgerð á
ökkla. Olli það töfum á tökum
kvikmyndarinnar en áður höfðu
þær tafist vegna leikstjóraskipta
og handritsskrifa.
Sprenging í Pine-
wood-myndverinu
Daniel Craig
Háaleitisbraut 58–60 • 108 Reykjavík • Sími: 553 1380
Sjáum til þess að allar yfirhafnir
komi hreinar undan vetri
STOFNAÐ 1953
FALLEG OG VÖNDUÐ
LEIKFÖNG
úr náttúrulegum efnivið,
tré og silki
ERUM FLUTT
!
á Nýbýlaveg
8
– Portið
Nýbýlavegi 8 – Portið, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14