Morgunblaðið - Sunnudagur - 30.06.2019, Qupperneq 12

Bríet komst alla leið á úrslitakvöldið, en hún
segist hafa áhyggjur af að fólk telji keppnina
ástæðuna fyrir velgengni sinni. „Þetta var frá-
bær reynsla og ég sé ekki eftir að hafa tekið
þátt. En ég er búin að leggja mjög hart að mér
til að komast þangað sem ég er í dag. Að segja
að ég hafi bara náð árangri út af þættinum
finnst mér vera vanvirðing við fimmtán ára
Bríeti sem spilaði á giggum langt fram á nótt í
staðin fyrir að vera með vinum sínum eða fara í
afmæli,“ segir Bríet.
Fílaði ekki fyrsta lagið
Á einum tónleikum Bríetar á Íslenska barnum
var tónlistarmaðurinn Pálmi Ragnar Ásgeirs-
son meðal áhorfenda. Pálmi er einn stofnenda
famleiðsluteymisins Stop Wait Go, sem hann
stofnaði ásamt Ásgeiri Orra Ásgeirssyni, bróð-
ur sínum, og Sæþóri Kristjánssyni árið 2010,
en einnig rekur hann útgáfufyrirtækið Rok
Records.
Á tónleikunum spilaði Bríet á gítar og flutti
frumsamin lög ásamt trommuleikara. „Þetta
„show“ var gjörsamlegt „disaster“,“ segir
Pálmi í samtali við blaðamann, „en það skipti
ekki máli því hún bar það með röddinni og kar-
akternum og útgeisluninni. Hún fékk mann til
að pæla ekkert í því að hún mundi ekki textana
og kunni ekki neitt á gítar,“ rifjar hann upp og
hlær dátt.
„Þetta var hræðilegt gigg,“ staðfestir Bríet.
„Ég átti stundum erfitt með að æfa mig og ætl-
aði bara að finna út úr þessu á staðnum,“ held-
ur hún áfram. „En þetta var krúttlegt.“
„Samkvæmt öllum mælanlegum gildum var
hún ekkert sérstaklega góð, en hún náði
manni samt,“ segir Pálmi. „Hún hefur ein-
hvern hæfileika – það eru ekki margir Íslend-
ingar sem geta þetta og í rauninni ekki margir
í heiminum – að geta flutt enskan texta þannig
að þú nennir að hlusta á það sem hún er að
segja og finnur fyrir því sem hún er að segja,
ekki bara heyrir það heldur finnur fyrir því,“
bætir hann við, en eftir tónleikana nálgaðist
hann Bríeti og stakk upp á að þau hæfu sam-
starf.
Nokkrum dögum síðar hittust þau á kaffi-
húsi og ræddu möguleikann á að semja saman
tónlist. Bríet sagðist vilja syngja djass, en
Pálma leist hins vegar illa á þá hugmynd.
Málamiðlun parsins var að þau myndu prófa
að semja lag saman og ákveða síðan hvort
samstarfið ætti að halda áfram. „Ég fílaði lagið
ekki. Mér fannst það ógeðslega væmið og
dramatískt, en við lögðum mikinn metnað í
þetta og gerðum þetta mjög vel,“ segir Bríet.
Útkoman var lagið In To Deep, sem gefið var
út ásamt tónlistarmyndbandi í janúar 2018.
Auðvelt að segja já
Fimm dögum eftir útgáfu In To Deep byrjaði
síminn að hringja. Fjöldi útgáfufyrirtækja
barðist um að fá hana til að skrifa undir plötu-
samning. Flogið var með Bríeti til London þar
sem hún fundaði með útgefendum á borð við
Sony og Universal.
„Ég fer út og fæ spurningar eins og hver
stefnan mín sé, hverjum ég vilji líkjast, hvar ég
vilji vera eftir fimm ár. Þeir vildu að ég tæki
upp listamannsnafn. Það hefði verið ótrúlega
auðvelt að segja já og skrifa strax undir plötu-
samning,“ rifjar Bríet upp. „Ég fékk svona
„hei, róum okkur aðeins. Hvað vilt þú?“ Ef ég
skrifa undir samning núna munu þeir taka við
listakonu sem veit ekki hver hún er og búa
hana til. Ég vil það ekki. Ég vil vera Bríet. Þau
sögðu við mig að ég væri svo artí og ákveðin og
töff,“ minnist Bríet, en hún segist ekki hafa
upplifað sig sem manneskjuna sem plötufyr-
irtækin vildu að hún væri. „Í þessum bransa
reynir fólk stöðugt að segja manni hvað maður
er,“ bætir hún við.
Bríet fylltist efasemdum við fundarhöldin.
Hún hafði aðeins gefið út eitt lag og leið eins
og hún væri ekki tilbúin til að skrifa undir
stóran plötusamning. „Mig langaði að klára
skólann og halda áfram að vinna í tónlistinni
minni. Þau sögðu mér að þetta tækifæri myndi
ekki koma aftur, en mér fannst ég ekki vera
tilbúin,“ segir Bríet.
Eftir að hafa hugsað sig vel um ákvað Bríet
að skrifa ekki undir plötusamning. Í staðinn
hélt hún til Íslands og hélt áfram að semja tón-
list ásamt Pálma Ragnari.
Frumraunin á tónlistarhátíð
„Ég kom inn í einhvern pakka sem er ótrúlega
yfirþyrmandi fyrir sautján ára stelpu,“ segir
Bríet.
Í mars 2018 spilaði Bríet á sínum fyrstu tón-
leikum undir sínu eigin
nafni. Svo mikil var
trúin á hana að hún
þreytti þessa frumraun
sína á tónlistarhátíð-
inni Sónar Reykjavík.
„Það var ótrúlega
skrítin tilfinning að
fyrstu tónleikarnir
mínir sem Bríet eru í
Hörpunni. Ég var að
fara úr því að sitja í
horninu á bar þar sem enginn var að pæla í
mér í það að vera upp á sviði í Silfurbergi að
dansa.“
Fljótlega hóf hún að koma fram erlendis, á
tónleikum í Svíþjóð, á hátíðum í Hollandi og
London. „Fyrstu skiptin sem ég kom fram
sem Bríet var það við mjög krefjandi að-
stæður.“
Bríet hagræðir sér í hægindastólnum, fær
sér sopa af kaffinu. Hún hikar í augnablik.
„Ég fattaði aldrei af hverju þetta kom fyrir
mig,“ segir hún hugsi, „velgengnin, meina ég.“
„Mér hefur aldrei liðið eins og standardinn
minn sé betri en hjá einhverjum öðrum. Ég
var stolt af því sem ég var að gera og mér
fannst það gaman, en ég var róleg yfir því. Ég
var bara meðvituð um hvað var í gangi. Það er
allskonar fallegt að gerast í lífi mínu og það er
ótrúlega gaman, en ég er samt bara róleg.“
Þrátt fyrir traustið
sem henni var sýnt á
sviðinu byrjaði hún
fljótlega að upplifa
öðruvísi viðmót á bak
við tjöldin. „Það er erf-
itt að vera ungur og
byrja í þessum
bransa,“ segir Bríet.
„Það er margt sem ég
þurfti að berjast fyrir.
Þegar ég var á fundum
með útgáfufyrirtækjum leið mér eins og það
væri litið á mig sem litla stelpu sem vissi ekk-
ert um þetta. Eins og einhver annar myndi
bara sjá um allt og ég fengi ekki að vita neitt.“
Bríet vildi ekki að ákvarðanir um hana og
hennar feril yrðu teknar án þess að hún fengi
neitt um það að segja. „Það er auðvelt að
brenna sig á því,“ segir Bríet.
Í uppáhaldi hjá Björk
Bríet gaf út þriggja laga EP-plötu 22.03.99 í
byrjun árs 2018, auk tveggja annarra laga
sama ár. Lagið Carousel gaf hún út ásamt
söngvaranum Steinari en lagið Feiminn syng-
ur Bríet ásamt rapparanum Aroni Can.
„Feiminn er mitt fyrsta íslenska lag. Ég
frétti að Aron vildi gera lag með mér og ég
segi bara „lets go“.“ Aron og Bríet höfðu verið
saman í skóla í Grafarvoginum og þekktust því
áður en þau hófu að vinna í laginu. „Þetta lag
var ótrúlega skemmtilegt, mér þykir mjög
vænt um það. Þetta er mitt girlpower-lag,“
segir Bríet. En hún átti eftir að komast að því
að önnur stjarna heldur einnig upp á lagið, og
það stærri.
„Eitt kvöldið er ég að spila á Prikinu, og er
að syngja þetta lag, þegar ég sé manneskju
koma inn hoppandi og öskursyngjandi með,
rifjar Bríet upp, en hún verður hissa þegar
hún sér að umrædd manneskja er ofurstjarnan
Björk. „Svo kemur hún upp að mér og segir
„þetta er uppáhaldslagið mitt, þetta er uppá-
haldslagið mitt,“ og ég varð orðlaus,“ rifjar
Bríet upp.
Bríet fer að taka eftir Björk dúkka upp
hér og þar á tónleikum hjá sér og eitt kvöld-
ið, á tónlistarhátíðinni Iceland Airwaves,
mætti söngkonan á tvenna tónleika Bríetar á
einu kvöldi. „Án þess að þekkja hana neitt
get ég ekki ímyndað mér að henni finnist
gaman að fara á leiðinlega tónleika, þannig
ég hlýt að vera að gera eitthvað rétt,“ segir
Bríet.
Í ár hefur hún gefið út tvö lög, smellinn
Dino, sem náð hefur miklum vinsældum hér á
Aðeins nokkrum dögum eftir
útgáfu fyrsta lagsins var Bríeti
boðinn plötusamningur.
Ljósmynd/Svanhildur Gréta
’ Ég fattaði aldrei af hverjuþetta kom fyrir mig, vel-gengnin meina ég. Mér hefuraldrei liðið eins og standardinn
minn sé betri en hjá einhverjum
öðrum. Ég var stolt af því sem ég
var að gera og mér fannst það
gaman, en ég var róleg yfir því.
VIÐTAL
12 MORGUNBLAÐIÐ SUNNUDAGUR 30.6. 2019