Morgunblaðið - Sunnudagur - 30.06.2019, Síða 20

Á ASOS fæst úrval
ósýnilegra sokka.
Þessir fást fimm í pakka
á 7 pund, jafngildi
1.100 kr.
Sokkurinn hefur fylgt mann-inum í háa herrans tíð og hef-ur lengi verið hluti af tískuvit-
und karla og kvenna um heim allan.
Sokkarnir sem við klæðumst eru
einhvers konar staðhæfing um þann
persónuleika sem við höfum að
geyma. Stundum er slíkt látlaust;
stundum mjög áberandi. Litríkir,
köflóttir, röndóttir, mislitir, skærir,
einlitir, hvítir eða skítugir sokkar
segja oft meira en þúsund orð um
manninn. En hvað með þá sem
ganga í engum sokkum, eða öllu
heldur sokkum sem ekki sjást?
Þegar hitnar í veðri verður freist-
ingin að klæða sig ekki í sokka
mönnum óyfirstíganleg. Íslendingar
fara ekki varhluta af þessu þó hitinn
láti oft á sér standa. Frelsið, þæg-
indin og einna helst hið tímalausa út-
lit, sem fylgir ef buxurnar eru ekki
skósíðar, fær marga til að klæðast
ekki svo mikið sem einu sokkapari
vor, sumar og haust.
Enginn sokkalaus dans
En lífið er ekki eintómur dans á rós-
um. Með sokkalausum lífsstíl fylgja,
fyrir þá sem klæðast lokuðum skóm
að minnsta kosti, hvimleið vanda-
mál. Ef fóturinn, sem í skónum er,
getur ekki andað nægilega er voðinn
vís.
Í fætinum er fjöldi svitakirtla og
þegar enginn sokkur er til að taka
upp svitann myndast alls kyns
vandamál. Svo ekki sé minnst á lykt-
ina þá geta bakteríur og sveppir tek-
ið sér fótfestu í fætinum. Ekki
spennandi það. Núningur húð-
arinnar, með enga sokka til varnar,
við skóinn veldur einnig vanda-
málum eins og til dæmis og hæl-
særum. Hvað er þá til ráða?
Jú, á síðustu árum hafa svokall-
aðir ósýnilegir sokkar rutt sér til
rúms meðal manna. Sokkarnir eru
að sjálfsögðu ekki ósýnilegir heldur
sjást ekki þegar skóm er smeygt yfir
þá. Og hér er ekki um að ræða hæla-
sokka sem ná upp að ökklaliðnum
heldur sokka sem ná enn styttra og
sjást ekki þótt viðkomandi klæðist
mjög lágum skóm.
Hefur koma ósýnilegu sokkanna á
markað valdið því að vinsældir þess
að virðast í engum sokkum hafa auk-
ist mikið. Sjá má menn með bera
ökkla, í allavega skóm, við allavega
klæðnað. Frá strigaskóm við galla-
buxur til spariskóa við jakkaföt; ekk-
ert útlit er óhult fyrir innrás þess
ósýnilega.
Í stuttbuxum í brúðkaupi
Þessar vinsældir hafa auðvitað ýtt
undir að fólk bretti duglega upp á
skálmarnar og sýni hvað undir þeim
býr. Nú geta menn jafnvel klæðst
stuttbuxum við hin hátíðlegustu til-
efni. Að mæta t.d. í brúðkaup í stutt-
buxum við jakkaföt er ekki bara
leyfilegt heldur augljóst merki um
mann sem veit hvað hann er að gera.
Margir fróðleiksþyrstir netverjar
fylgdust með hverju skrefi gesta og
brúðhjóna í brúðkaupi knattspyrnu-
kappans Gylfa Þórs Sigurðssonar og
eiginkonu hans, Alexöndru Helgu
Ívarsdóttur, á Ítalíu um daginn. Þar
mátti varla sjá sokk á fæti og aug-
ljóst að fagnaðarerindi ósýnilega
sokksins hefur borist þangað. Nú,
eða þar hafa allir skellt sér sokka-
lausir í skóna. Það getur ekki hafa
boðað gott fyrir lyktina í flugvélinni
á leiðinni heim.
Dreifa rógburði um
sokkana
Einhverjir virðast vilja hnekkja á
þessari þróun. Þeir segja gamla
góða uppháa sokkinn hafa yfirburði
yfir þann ósýnilega; vinsældir þess
síðarnefnda séu aðeins bóla sem
muni springa. Gekk blaðamaður GQ
svo langt að segja ósýnilega sokkinn
dauðan fyrr á þessu ári. Aðrir segja
eðli lága sokksins vera til trafala þar
sem hann detti í sífellu af. Enn-
fremur finnst fáeinum karlmönnum
ráðist á karlmennsku sína þegar
þeir neyðast til að spóka sig um í
pínulitlum sokkum þegar inn á
heimili er komið og skórnir skulu
fara af. Segir slíkt óöryggi, eins og
sokkavalið, líklega meira um mann-
inn heldur en sokkana sjálfa.
Þegar blaðamaður skrifar þetta er
hann einmitt klæddur í ósýnlega
sokka og hefur brett samvisku-
samlega upp á buxurnar svo sjáist
nú örugglega í (stórfenglega) ökkl-
ana. Hvort draga muni úr vinsæld-
um ósýnilega sokksins eða þær
aukast á næstu misserum skal þó
ósagt látið.
Það mátti hvergi sjá sokk meðal
íslenskra landsliðsmanna í brúð-
kaupi á Ítalíu um daginn.
Sokkalausa
útlitið passar
við öll tilefni.
Ósýnilegir sokkar eru nauðsynlegir í sumar.
Fjölgað hefur mikið í hópi þeirra sem vilja
virðast sokkalausir í skóm sínum síðustu ár. Ef
ekki á illa að fara fyrir fætinum á fólki þarf þó
að klæðast ósýnilegum sokkum sem vernda
hann gegn núningi, táfýlu og fleiru.
Böðvar Páll Ásgeirsson bodvarpall@mbl.is
Bjarga sumrinu
Ljósmyndir/Instagram
Ljósmynd/Mack Weldon
20 MORGUNBLAÐIÐ SUNNUDAGUR 30.6. 2019
LÍFSSTÍLL
Opið: 8-18 virka daga 10-14 á laugardögum Síðumúla 22 | Sími 517 0404 | serefni.is
Veldu betri málningu
Ný kynslóð málningarefna
SUPERMATT
Almött þekjandi viðarvörn
Djúp og falleg áferð – ekkert endurkast