Morgunblaðið - Sunnudagur - 28.07.2019, Page 6

HEIMURINN
6 MORGUNBLAÐIÐ SUNNUDAGUR 28.7. 2019
Opið mán.-fös. 10-18, lau. 11-16
Holtagörðum | Sími 568 0708 | www.fako.is
Bekkur
45.900 kr.
Borð
79.000 kr.
Eldstæði
39.500 kr.
Margir segja júlímánuð semsenn er á enda þann ótrú-legasta í sögu leik-
mannamarkaðar NBA-deildarinnar.
Hver stórstjarnan á fætur annarri
hefur skipt um lið og kveður við nýjan
tón í eðli leikmannaskiptanna.
Paul George, einn besti körfu-
knattleiksmaður heims, kom mörgum
á óvart fyrir um ári þegar hann ákvað
að endurnýja saming sinn hjá Okla-
homa City Thunder í NBA-deildinni
til þriggja ára. Flestir héldu að
George, sem var samningslaus,
myndi fara heim í sólina til Kaliforníu
og semja við Los Angeles Lakers.
Vinátta hans við hina stórstjörnu
Thunder, Russell Westbrook, sem
margir telja erfitt að spila með, var
slík að hann mætti í partí stuttu eftir
ákvörðunina og sagði: „Ég er kominn
hingað til að vera.“
En hinn 6. júlí síðastliðinn, innan
við ári eftir að hafa sagt þessi fleygu
orð, var honum skipt til Los Angeles
Clippers fyrir metfjölda valrétta í ný-
liðavalinu og tvo góða leikmenn. Ekki
vildu stjórnendur í Thunder losna við
kappann heldur krafðist hann þess
sjálfur að honum yrði skipt. Ástæðan
var sú að önnur stórstjarna, nýkrýnd-
ur NBA-meistari og besti leikmaður
lokaúrslitanna, bað hann að koma
mér sér til borgar englanna.
Kawhi Leonard verður seint talinn
málglaður maður og lætur vanalega
verkin inni á vellinum um að tala en
hann vatt kvæði sínu í kross í sumar.
Hann taldi bæði George á að krefjast
skiptanna og Clippers að láta af hendi
fjölda valrétta fyrir hann. Slík losun
valrétta getur gert liðum mjög erfitt
fyrir þegar byggja á upp lið eða ein-
faldlega halda sér í hópi þeirra bestu.
En Clippers áttu engra kosta völ því
þeir voru í raun að skipta fyrir bæði
Leonard og George, því án þess að fá
George kæmi Leonard ekki.
Eru slíkar vendingar, þar sem leik-
menn stýra hreyfingum á milli
manna, ekki óþekktar. Flestir muna
eftir því þegar LeBron James og
Chris Bosh fóru báðir til Miami Heat
árið 2010 og hittu þar fyrir félaga
sinn, Dwayne Wade. Hins vegar virð-
ast völdin í enn meira mæli að færast
í hendur leikmanna; bæði virðast
samningar engin trygging fyrir að
leikmönnum sé haldið innan liðsins og
leikmenn taka virkari þátt en áður í
að smala mönnum í sitt lið, hvort sem
þeir eru þar fyrir eða á leið þangað.
Hættu við Knicks
Auk George skiptu stórstjörnurnar
Kyrie Irving og Kevin Durant um lið
í sumar. Þeir fóru báðir til Brooklyn
Nets. Þeir urðu samningslausir í
sumar og fastlega var gert ráð fyrir
að þeir yfirgæfu lið sín og sneru til
New York-borgar. En ekki til Barcla-
ys Center, þar sem Nets leikur, held-
ur til Madison Square Garden,
heimavallar hins sögufræga liðs New
York Knicks.
Sögusagnir þess efnis að Irving og
Durant vildu leika með Knicks og
endurreisa liðið hafa verið uppi í
marga mánuði. Beðið var í ofvæni eft-
ir sumrinu 2019 þegar þessir leik-
menn yrðu báðir frjálsir ferða sinna.
Allt kom hins vegar fyrir ekki og þeir
sömdu við Nets.
Fáir þekkja til körfuboltamannsins
Spencers Dinwiddies en hann er einn
varamanna Nets. Hann kynntist Irv-
ing á námskeiði Harvard-háskóla í
viðskiptafræði fyrir íþróttamenn síð-
asta sumar og héldu þeir sambandi í
vetur. Ef marka má frétt New York
Times hafði hann mikið um það að
segja að Irving snerist hugur og
ákvað að fara til Nets en ekki Knicks.
Durant vildi svo ekki fara einn í lið
Knicks og fylgdi því Irving.
Óleyfilegt er fyrir leikmenn að
stunda áróður af þessu tagi ef þeir
gera það undir fyrirmælum frá liðinu
sjálfu. Þeim er þó frjálst að gera slíkt
að eigin frumkvæði. Erfitt er hins
vegar að meta hvort það sé tilfellið
eða ekki, að minnsta kosti færa sönn-
ur á það.
Gífurleg áhrif James
Stærsta stjarna NBA-deildarinnar,
Lebron James, var sakaður um að
hafa farið út fyrir velsæmismörk í
herferð sinni sem snerist um að fá
aðra stórstjörnu, Anthony Davis, til
liðs við sig í Lakers um mitt síðasta
tímabil. Davis krafðist þess að vera
skipt en samningur hans rennur út
næsta sumar. Davis var á endanum
skipt til Lakers en ekki fyrr en tíma-
bilinu var lokið. Margir telja að
James hafi nýtt gífurleg áhrif sín inn-
an deildarinnar til að fá skiptin í gegn
og Lakers þurfti að láta af hendi
flesta af sínum ungu leikmönnum
sem og nokkra valrétti. Eins og
Thunder átti lið Davis, New Orleans
Pelicans, ekki annarra kosta völ en að
losa sig við Davis þótt liðið vildi
gjarnan halda honum.
Til að festa júlímánuð þessa árs
kirfilega í sessi sem þann ótrúlegasta
á leikmannamarkaðnum var Russell
Westbrook, samherja George og mik-
ilvægasta leikmanni deildarinnar árið
2017, skipt til Houston Rockets fyrir
enn eina stjörnuna, Chris Paul, ásamt
valréttum. Höfðu stjórnendur Thun-
der þá ákveðið að stokka þyrfti upp í
leikmannahópnum eftir að hafa misst
George.
Þeir gömlu horfa
öfundaraugum
Fyrrverandi leikmenn deildarinnar
hafa margir hverjir látið skoðun sína í
ljós varðandi þetta og eru ekki par
sáttir. Þeir segja að á árum áður hefðu
bestu leikmennirnir ekki fært sig um
set þegar illa gengi heldur hjálpað til
við að byggja upp gott lið sem gæti
barist um titla. Spurning er þó hvort
þeir segi þetta vegna hugsjónar eða
öfundar. Margir þeirra þurftu að dúsa
í mörg ár í lélegu liði og það var ekki
fyrr en undir lok ferilsins, þegar getan
fór að dvína, sem þeir áttu kost á því
að skipta um lið. Þeir gætu því horft
öfundaraugum á leikmenn eins og Le-
bron James og Kawhi Leonard sem
báðir hafa unnið titil og verið valdir
mikilvægustu leikmenn lokaúrslit-
anna með tveimur liðum og njóta nú
veðursins í Los Angeles þar sem þeir
leika með því þriðja.
Áhuginn á deildinni virðist þó gríð-
arlegur í kjölfar allra þessara leik-
mannahreyfinga en deildin hefur ver-
ið í mikilli sókn síðustu árin. Tekjur
hafa aukist ár frá ári og nú eru marg-
ir spenntir að sjá hvernig stórstjörn-
urnar spjara sig í nýjum liðum, með
nýjum samherjum. Kverkatak Gol-
den State Warriors á deildinni virðist
fyrir bí og óvíst hvaða lið ná vopnum
sínum og berjast um titilinn í vetur.
Ólíkt leikmannahreyfingum fyrri
ára þar sem stórstjörnur hafa mynd-
að svokallað ofurlið sem erfitt yrði að
keppa við eiga mörg lið möguleika á
titlinum í vetur. Einkennandi virðist
vera að tveir heimsklassaleikmenn
muni leiða hvert lið, ólíkt því sem átt
hefur sér stað síðasta áratuginn þar
sem lið reyndu oft að hafa þrjár stór-
stjörnur innanborðs.
Spennandi verður að fylgjast með
NBA-deildinni þegar hún fer af stað í
vetur, svo ekki sé talað um í vor þeg-
ar úrslitakeppnin hefst. Mörg lið hafa
lagt mikið að veði til að ná árangri og
öðlast vinsældir.
Gera það
sem þeim
sýnist
Stórstjörnur NBA-deildarinnar virðast skipta um
lið að vild og spila þar sem líklegast er að þeir
vinni titil. Leikmennirnir sjálfir eiga stærri þátt en
áður í því að menn skipti um lið. Erfitt er að meta
hvort þessi þróun sé til bóta fyrir deildina.
Böðvar Páll Ásgeirsson bodvarpall@mbl.is
Lebron James og Anthony Davis eru miklir mátar. James taldi Davis á að láta
skipta sér frá New Orleans Pelicans til Los Angeles Lakers og spila með James.
AFP
Kawhi Leonard og Paul
George takast hér á í
leik með liðum sínum
síðasta vetur. Báðir
skiptu um lið í sumar
og spila saman í Clip-
pers frá Los Angeles.